Hawˇseˬ 7:16 - Akha

¹⁶ Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Hawˇseˬ 7:16 ပူးပေါင်းရင်းမြစ်များ

Jaceuq 12:3

mehˇshuiˇshuiˇ-eu mehˬluˬhawˇ-eu, kʼahˬsehˇjehˆ-eu mehˬlaˇdeuˬ-ahˇ, SahˬpaˬMiˬyehˇ yehˬdzeh luꞈ-uˇ.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 17:10

Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Jaceuq 57:4

Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Jaceuq 73:9

Mˬ taˆ Miˬyehˇ-ahˇ dawˬ doeˇ ngehˬ-awˇ, miˇ tsaˬ zaˬ deuˬ-ahˇ lmˬ-eu meh.

Jaceuq 78:37

Aˬ yawꞈ-ahˇ nui ma maˬ taꞈ-ehˇ, aˬ yawꞈ-euˬ dawˬ ma saˇ jaˇ-ahˇ maˬ ziꞈ-a.

Jaceuq 78:57

Aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, saˇ jaˇ maˬ ziꞈ-eu tsawˇ haˬ deuˬ pyeuꞈ-awˇ, yaw gʼahˬ gʼahˬ-eu kaˆ myaˬ loꞈ-ehˇ, tiˬ pawꞈ-iˬ maˬ jah coeˇ-a.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 36:20

Aˬ yawꞈ maꞈ kʼaˇ iˇ kʼaˇ laˇ keuˆ gaˇ, ngaˬ-euˬ muiˬ-eu shawˇ-eu tsawˇ myahˇ laˆ cawˆ-euˬ meh. Aˬ jeˬ miˇ neh ehˇ naˇ, ‘Tsawˇ haˬ heu deuˬ Sahˬpaˬ Miˬyehˇ-euˬ tsawˇ haˬ pyeuꞈ kʼawꞈ, aˬ yawꞈ-euˬ miˇ kʼahˬ-ahˇ maˬ ya jawˇ nga’ lehˇ, aˬ cawˬ ehˇ-eu meh.

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Hawˇseˬ 11:5

“Iˇjiˇtuˆ miˇ kʼahˬ paw iˇ-awˇ, aˬ yawꞈ maꞈ gʼoꞈ jawˇ-iˇ tehꞈ-a. Aˬshuˇliˆ dzoeˬ dzaˬ-eu uˬ moˆ, aˬ yawꞈ maꞈ gʼoꞈ jawˇ leˇ tehꞈ-a. Aˬ jeˬ miˇ neh ehˇ naˇ, ngaˇ jawˇ gaˇ maˬ gʼoꞈ laˇ mawꞈ-a.

Hawˇseˬ 11:7

Ngaˬ-ahˇ byehˇ-awˇ cehˆ-eu gʼaˇ duˬ, ngaˬ-euˬ tsawˇ haˬ zeuˆ pyawˇ-euˬ meh. Kʼaˆ baꞈ kah dui dui-eu miˇ neh, aˬ yawꞈ maꞈ guˇ guˇ-ehˇ ngoeˇ kʼawꞈ, baꞈ ka nehˬ-eu gʼaˬ maˬ jawˇ-aˇ.

Hawˇseˬ 6:4

Ehˇ kʼawꞈ, Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga, Yuˇdaˆ miˇ kʼahˬ-oˇ nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga. Naw nyaꞈ ngaˬ-ahˇ gaˬ-eu jeˬ-aˬ, uˬ shawˬ tmˬ-eu mˬ dmˇ hawˇ-eu, uˬ shawˬ ga aˬ-euˬ ceuˬ loꞈ-ehˇ, tiˬ kʼehˇ laˇ kʼehˬ gmˬ-eu tehꞈ meh.

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Hawˇseˬ 9:3

Sahˬpaˬ Miˬyehˇ-euˬ miˇ kʼahˬ-ahˇ, Iˇsaˬleˬlaˆ maˬ paˇ jawˇ ni, Iˇjiˇtuˆ-ahˇ gʼoꞈ-iˇ tehꞈ-a. Aˬshuˇliˆ miˇ kʼahˬ-ahˇ jawˇ-awˇ, maˬ shawˇ-eu dzaˇ ya dzaˬ tehꞈ-a.

Hawˇseˬ 9:4

Aˬ cawˬ miˇ kʼahˬ kʼoeˇ deuˬ laꞈ kʼoeˇ, yawꞈ maꞈ-euˬ Sahˬpaˬ Miˬyehˇ-ahˇ, lawˇ-eu shehˇ-eu maˬ mˇ nya-a. Yawꞈ maꞈ dzaˬ-eu dzaˇ kʼoeˇ deuˬ-aˬ, tsawˇ shiˇ hawˬ byawˇ lawˇ gaˇ duˇ-awˇ, kʼaˇ dzaˬ kʼaˇ dawˇ-eu tsawˇ haˬ deuˬ, maˬ shawˇ-eu tsawˇ haˬ pyeuꞈ-eu meh. Aˬ yawꞈ maꞈ dzaˬ-eu dzaˇ kʼoeˇ deuˬ, uˬ maˆ bi dehˆ laˇ-eu tehꞈ meh. Sahˬpaˬ Miˬyehˇ-euˬ nymˇ laꞈ kʼoeˇ, lawˇ gaˇ shehˇ gaˇ maˬ geuꞈ nya-a.

Hawˇseˬ 9:6

Luˬ-iˇ seˇ-iˇ-eu keuˆ le-awˇ, aˬ yawꞈ maꞈ ya cehˆ byaˆ jiˇ ngeh, Iˇjiˇtuˆ neh bi nyehꞈ uiˬ-awˇ, Mehˇpiˇ meuˬ-ahˇ baꞈ pahˬ tehꞈ-a. Aˬ yawꞈ maꞈ-euˬ pyuˇ pahˬ hawˇ-eu, aˬ yawꞈ maꞈ-euˬ nymˇ dzahˇ zaˇ-ahˇ, aˬ gah baw duˆ uˆ byoˆ tehꞈ-a.

Maˬlaˬkiˇ 3:13

Sahˬpaˬ Miˬyehˇ ehˇ-euˬ, “Ngaˬ-ahˇ coeˬ dui dui laˇ-eu dawˬ naw maꞈ ngehˬ-euˬ meh. Ehˇ kʼawꞈ, ‘Nga maꞈ nawˬ-ahˇ aˬ jeˬ ehˇ taˬ-euˬ jaˆ ta’ lehˇ naw maꞈ ehˇ-eu meh.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 12:36

“Ngaˇ naw maꞈ-ahˇ ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, tsawˇ haˬ yawˬ gʼaˬ na luꞈ, yawˬ ha neh kʼaˇ ngehˬ dzeuˇ-euˬ gaˇ dahˇ maˬ tsoeˬ-eu dawˬ yawˬ dawˬ na luꞈ paˇ ya dzawˇ poˆ tehꞈ-a.

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Yaˬkoˆ 3:5

Kʼoeˇ gaˇ duˇ ni, mehˬ laˇ-aˬ, nyiˇ dui dui kʼawꞈ, huiˬ dui dui-eu gaˇ kawˆ deuˬ-ahˇ kʼahˬ sehˇ jehˆ nya-eu meh. Huiˬ dui dui-eu aˇ bawˇ sahˬ kʼaˆ kʼaˆ ma-ahˇ miˬ dzaˬ miˬ dzuiꞈ tiˬ dzuiꞈ neh bi puiˆ dzeh nya gaˇ shaˇ noeˬ haw sheˇ.

2 Beˬtuˆluˆ 2:8

Tsawˇ muiˬ kʼoeˇ gʼaˬ aˬ yawꞈ maꞈ nehˬ-ehˇ jawˇ-awˇ, aˬ yawꞈ maꞈ yaw haiˬ jeˬ mˇ gaˇ ya gaˬ yaw mawˇ-euˬ miˇ neh tiˬ nah saˇ-iˬ tiˬ nah nui ma shaˬ zahˬ mˇ dui dui-euˬ meh.

Panmaeq 13:5

Jeˬ zaˬ yaw haiˬ kʼoeˇ mawˇ-aˬ, Miˬyehˇ-ahˇ coeˬ-eu ciˆ-eu nui ma huiˬ-eu dawˬ ngehˬ-awˇ, ba la oeˬ tseˇ nyiꞈ siˬ byah ni uˆ lahˇ-eu baoˬ za taˬ-euˬ meh.