Hawˇseˬ 7:15 - Akha

¹⁵ Aˬ yawꞈ maꞈ-ahˇ ngaˇ ciˬ huiˬ-awˇ, gʼaˬ kʼaˆ laˇ ni bo saˆ-euˬ kʼawꞈ, ngaˬ-ahˇ puiˬ-eu leh jeh-eu meh.

Hawˇseˬ 7:15 ပူးပေါင်းရင်းမြစ်များ

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

2 Sahˬpaˬ 13:5

Suˇliˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ buˬ-iˇ nya ni, Iˇsaˬleˬlaˆ tsawˇ haˬ deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu tsawˇ haˬ tiˬ gʼaˬ Sahˬpaˬ Miˬyehˇ pyehˬ leꞈ-awˇ, aˇ hu ba dehꞈ dzeuˇ jawˇ dzeuˇ yaꞈ-euˬ aˇ nah aˇ yamˬ loꞈ-ehˇ, aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ ya jawˇ-euˬ meh.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Jaceuq 140:2

Aˬ yawꞈ maꞈ aˬ myah luꞈ yaw haiˬ jeˬ mˇ-eu gaˇ kawˆ kawˆ-awˇ, iˬ dehˬ iˬ ceh laˆ doˆ-eu meh.

Jaceuq 2:1

Aˬjeˬmiˇneh miˇkʼahˬtsawˇjeuˬ, Miˬyehˇ-ahˇ puiˬ-eu lehˇ gʼeh ta. Maˬmˇmaˬshaˇ pyeuꞈnya-eu jeˬ, aˬ jeˬ miˇ neh leh jeh luꞈ ta.

Jaceuq 62:3

Coˬ pyaˆ taˬ-euˬ kmˇ cehˇ naˆ ni tehꞈ-ehˇ deuˇ-eu tsawˇ haˬ tiˬ gʼaˬ-ahˇ, naw maꞈ aˬ myah keuˆ ni ga uiˬ-awˇ ceh-eu gʼeh te.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Dawqdaq 3:11

Ngaˬ li-oˇ, Sahˬpaˬ Miˬyehˇ-euˬ zahˇ sahˇ kʼoꞈ-ahˇ yaw zeu baw-awˇ, aˬ yawꞈ mehˬ nehˬ tsoˆ nehˬ laꞈ ngeh nui ma taˬ cawˆ.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Naˬhmˬ 1:9

Sahˬpaˬ Miˬyehˇ-ahˇ bahˬ-eu jeˬ, nawˇ mˇ ma lehˇ noeˬ-eu ngeuˇ naˇ, yaw cawˆ jeˬ ya tahˬ puˬ tehꞈ-a. Aˬ yawꞈ-ahˇ bahˬ-eu jeˬ mˇ naˇ, tiˬ poˆ taꞈ-ehˇ maˬ mˇ dzeuˇ nya.

Gʼaˬkʼehˇ 4:25

muiˬ-eu shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, nawˬ-euˬ zaˬ kʼaˆ pyeuꞈ-eu nga maꞈ-euˬ aˬ poeˬ Daˬbiˇ heu loꞈ-ehˇ ngehˬ nya tmˇ nya ni nawˇ jahˇ-euˬ meh. ‘Aˬ jeˬ miˇ neh lawˇ ciꞈ zaˬ deuˬ, teu naˆ naˆ-ehˇ nui ma pehˇ ta. Aˬ jeˬ miˇ neh miˇ kʼahˬ zaˬ deuˬ, gaˇ dahˇ maˬ tsoeˬ-eu jeˬ toˆ ta.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.