Hawˇseˬ 7:14 - Akha

¹⁴ Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Hawˇseˬ 7:14 ပူးပေါင်းရင်းမြစ်များ

Doˆ-iˇ 32:6

Yawˬ nah yawˬ uˬ shawˬ yaw naꞈ-ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, aˬ yawꞈ maꞈ yuˇ laꞈ-euˬ meh. Aˬ yawꞈ maꞈ bawˬ-iˬ gʼeh ngeh, dzaˬ yehꞈ dawˇ yehꞈ-awˇ lawꞈ gʼa-eu uˬ taꞈ, kʼaˬ miˬ sheu taꞈ-euˬ meh.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Yeˬlaˬmiˇ 12:2

Aˬ yawꞈ maꞈ-ahˇ nawˇ ka dehꞈ-awˇ ciˇ tahˬ bi iˇ-euˬ meh. Aˬ yawꞈ maꞈ mehˇ laˇ-awˇ aˇ siˬ siˬ laˇ-euˬ meh. Aˬ yawꞈ maꞈ-euˬ mehˬ boeˬ nawˬ-ahˇ ja muiˬ luꞈ kʼawˬ, nui ma laꞈ kʼoeˇ nawˬ-ahˇ maˬ noeˬ keuˆ-a.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 2:18

Sahˬpaˬ Miˬyehˇ-ahˇ gaˬ leˇ ni, Ziˇoˬ meuˬ-oˇ guˇ dui dui-awˬ. Uˬ ciꞈ maˬ ehˇ, nah gʼahˇ maˬ ehˇ, myaˆ biˇ lawˇ gawˆ bi yoeˇ ka-awˬ. Gʼaˬ naˬ taˬ naˬ, myaˆ nuiˆ taˬ miˆ.

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Hawˇseˬ 3:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nawˇ tiˬ poˆ paˇ iˇ-awˇ, zaˬ kʼaˬ tiˬ gʼaˬ nehˬ-ehˇ yuꞈ luꞈ-eu zaˬ miˬ zaˬ tiˬ gʼaˬ-ahˇ paˇ gaˬ-iˇ-awˬ. Iˇsaˬleˬlaˆ tsawˇ haˬ deuˬ miˬ yehˇ nui deuˬ mehˬ nah caw teh gʼeh-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ pyeuꞈ-eu aˬ gaꞈ aˇ siˬ aˇ yaˆ-ahˇ nui kʼahˇ jaˆ kʼawꞈ, aˬ yawꞈ maꞈ-ahˇ ngaˇ gaˬ-eu loꞈ-ehˇ, zaˬ miˬ zaˬ kʼoeˇ gʼaˬ-ahˇ nawˇ ya gaˬ meh.”

Hawˇseˬ 8:2

Nga maꞈ-euˬ Miˬyehˇ-oˇ nawˬ-ahˇ, nawˬ-euˬ Iˇsaˬleˬlaˆ tsawˇ jeuˬ siˬ nya ma lehˇ yawꞈ maꞈ guˇ kʼawꞈ,

Aˬmoˆ 2:8

Uˬ duˬ tahˬ-eu jawˇ duˬ yawˬ tsahˇ na luꞈ-ahˇ, shaˬ-eu zahˬ-eu tsawˇ haˬ deuˬ pyuˇ shaˇ paˇ gaˇ biꞈ daˇ taˬ-euˬ dm gʼaˬ dm lmˇ deuˬ kʼawˬ-awˇ, aˬ yawꞈ maꞈ yuꞈ-euˬ meh. Aˬ yawꞈ maꞈ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ, aˬ yawꞈ maꞈ-ahˇ dziˇ dzoˆ daˆ-eu deuˬ jawˇ gaˇ yuˇ-euˬ aˬ gaꞈ dzaˇ uiˇ dawˇ-eu meh.

Aˬmoˆ 8:3

Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.”

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Zaˬkaˬliˇ 7:5

“Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a.

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Yaˬkoˆ 4:3

Naw maꞈ paˇ shaˇ-euˬ kʼawꞈ, nui ma taˬ-euˬ maˬ tsaˬ-eu miˇ neh maˬ shaˇ za nya-a. Shiˬ shaˬ jiˇ-euˬ nui kʼahˇ geuꞈ-eu gʼaˇ duˬ naw maꞈ shaˇ-eu meh.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.

Yaˇ kʼaˬ daˇ 9:27

Aˬ yawꞈ maꞈ dawˬ tawˆ luꞈ aˬ gaꞈ yaˇ kmˇ-ahˇ aˬ gaꞈ aˇ siˬ pyaˆ laˬ-iˇ-awˇ, aˬ gaꞈ dzaˇ uiˇ jahˇ-awˇ bawˬ-iˬ gʼeh-euˬ meh. Aˬ yawꞈ maꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ maꞈ uˇ leˇ-awˇ, dzaˬ taꞈ dawˇ taꞈ-eu laꞈ kʼoeˇ, Aˬbiˇmaˬlehˆ-ahˇ ja bu ja doeˇ-awˇ yaˬ kʼehˇ yaˬ-euˬ meh.