Hawˇseˬ 6:10 - Akha

¹⁰ Iˇsaˬleˬlaˆ miˇ kʼahˬ laꞈ kʼoeˇ, maˬ haw peuˬ-eu jeˬ mawˇ-euˬ ma. Tahˬ pahˬ aˬ ma mawˇ kawˇ deuˬ-ahˇ, ngaˬ-euˬ tsawˇ haˬ uˬ duˬ tahˬ-awˇ, yawˬ haˇ yawˬ ha laˆ jawꞈ-euˬ meh.

Hawˇseˬ 6:10 ပူးပေါင်းရင်းမြစ်များ

1 Sahˬpaˬ 12:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawˬ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

1 Sahˬpaˬ 15:30

Yeˬyawˇbamˬ-euˬ mawˇ do iˬ baˇ mˇ-euˬ uˬ taꞈ, Iˇsaˬleˬlaˆ miˇ kʼahˬ iˬ baˇ mˇ ni jahˇ-eu laꞈ kʼoeˇ, Sahˬpaˬ Miˬyehˇ nui ma pehˇ ni aˬ yawꞈ mˇ-euˬ miˇ neh, kʼoeˇ loꞈ-ehˇ pyeuꞈ laˇ-euˬ meh.

2 Sahˬpaˬ 17:7

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ Iˇjiˇtuˆ sahˬ paˬ-euˬ aˬ laꞈ laꞈ kʼoeˇ neh ka kʼoꞈ-awˇ sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Saˬmaˬliˆ meuˬ-ahˇ aˬ cawˬ neh bi deuˆ gʼaˬ-euˬ meh. Miˬyehˇ nui deuˬ-ahˇ aˬ yawꞈ maꞈ uˬ duˬ tahˬ-euˬ meh.

Yeˬlaˬmiˇ 18:13

Sahˬpaˬ Miˬyehˇ ehˇ-eu, “Heu loꞈ-ehˇ gʼeh-eu gaˇ kawˆ gaˬ haw maˬ loˇ lehˇ, tsawˇ jeuˬ yawˬ jeuˬ na luꞈ-ahˇ naˇ haˬ sheˇ. Iˇsaˬleˬlaˆ tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu jeˬ mˇ-euˬ meh.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Yeˬsaˬgeˬlaˇ 23:5

Oˬhoˬlaˬ gʼaˬ ngaˬ nehˬ-ehˇ jawˇ luꞈ ngeh neh meh maˬ laˇ geuꞈ-awˇ, Aˬshuˇliˆ tsawˇ haˬ deuˬ nehˬ-ehˇ kʼaˬ miˬ sheu-euˬ meh.

Yeˬsaˬgeˬlaˇ 23:7

Aˬ yawꞈ-aˬ, Aˬshuˇliˆ tsawˇ jeuˬ yaw huiˬ yaw mahˇ dawˬ tawˆ luꞈ gʼaˇ duˬ meh maˬ laˇ pyeuꞈ-awˇ, aˬ yawꞈ kʼaˬ miˬ sheu gaˇ gaˬ-eu miˇ neh, Aˬshuˇliˆ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ shawˇ-eu tsawˇ haˬ dehꞈ pyeuꞈ-euˬ meh.

Hawˇseˬ 4:11

Sahˬpaˬ Miˬyehˇ heu loˇ ehˇ meh. “Jiˇ baˬ jiˇ oeˇ jiˇ shuiꞈ kʼoeˇ deuˬ, ngaˬ-euˬ tsawˇ haˬ-euˬ nui ma-ahˇ. maˬ gahˇ ni bi pyeuꞈ-iˇ-euˬ meh.

Hawˇseˬ 4:12

Daˇ kawˬ aˇ bawˇ ka tuˇ taˬ gaˇ, kʼaˇ ngeuˇ-eu jeˬ naˇ haˬ leˇ-awˇ, yawꞈ maꞈ kʼaˇ siˬ nya mawꞈ-eu jeˬ, daˇ kawˬ neh bi ehˇ nehˬ-eu meh. Kʼaˬ dzeˇ zaˬ-ahˇ byehˇ dzeh yaꞈ-awˇ, meh maˬ laˇ geuꞈ-iˇ-euˬ loꞈ-ehˇ, yawꞈ maꞈ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ jah-euˬ meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Hawˇseˬ 5:3

Iˇsaˬleˬlaˆ aˬ joˇ gʼeh-eu, dawˬ tawˆ luꞈ ngaˇ siˬ nya jiˇ ma. Aˬ yawꞈ ngaˬ-ahˇ maˬ zaꞈ nya-a. Aˬyawꞈ ngaˬ-ahˇ saˇ jaˇ puiˬ-awˇ, aˬ yawꞈ-euˬ tsawˇ haˬ deuˬ ngaˬ-ahˇ, uˬ duˬ tahˬ laˇ-eu maˬ geuˇ-a.”