Hawˇseˬ 6:1 - Akha

¹ Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Hawˇseˬ 6:1 ပူးပေါင်းရင်းမြစ်များ

2 Laˬsaˬbaˬ 30:6

Sahˬ paˬ hawˇ-eu aˬ yawꞈ-euˬ yaw huiˬ yaw mahˇ deuˬ neh pyehˬ gʼeh-euˬ tsawˇ haˬ deuˬ kuˇ gaˬ-eu sahˬ boꞈ yuˇ-awˇ, Yuˇdaˆ miˇ kʼahˬ doe ni hawˇ-eu Iˇsaˬleˬlaˆ miˇ kʼahˬ doe ni iˇ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh. “Iˇsaˬleˬlaˆ tsawˇ haˬ deuˬ-oˇ, Aˬshuˇliˆ sahˬ paˬ-euˬ laꞈ-ahˇ neh naw maꞈ ya buˬ-iˇ-euˬ meh. Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw nymˬ-mˇ gʼoꞈ laˇ-awˬ.

Yawˇbaˆ 16:9

Miˬyehˇ nui ma pehˇ-awˇ ngaˬ-ahˇ ngawˬ paˆ ngawˬ shaˆ-euˬ meh. Aˬ yawꞈ ngaˬ-ahˇ bye-awˇ mˇ guiˇ haw laˇ-eu meh.

Yawˇbaˆ 22:23

Miˬyehˇ jawˇ gaˇ nui ma nahˬ yu ni gʼoꞈ leˇ-awˇ, nawˬ-euˬ nymˇ jiˇ laꞈ kʼoeˇ kʼaˇ mˇ-euˬ yaw haiˬ jeˬ byehˇ dzeh jiˇ-awˬ.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Jaceuq 30:7

SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇlaˆziꞈlaꞈ-euˬ, gawˬjawˬloꞈ-ehˇziꞈdah jaˆma. Ehˇkʼawꞈnawˇmyaˆpyawˬciˬzaꞈngeh, Nui ma shaˬzahˬnaꞈdui dui nya.

Jaceuq 6:2

SahˬpaˬMiˬyehˇ-oˇ, gʼaˬ doeˇ doeˇ-awˇ gʼaˬ baˬluꞈnya. Gʼawˬshaˬgaˬ-awˇ gʼaˬbiꞈlahˬlaꞈ. Ngaˬ-ahˇ nui ma cawˆdui dui nya.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Dawˬ tsoˆ 3:3

Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬlaˬmiˇ 3:22

Sahˬpaˬ Miˬyehˇ-ahˇ kʼaˇ byehˇ dzeh yaꞈ-euˬ tsawˇ haˬ dawˬ tawˆ luꞈ gʼoꞈ laˇ-awˇ, naw maꞈ-euˬ naˇ gawˇ aˬ yawꞈ laˆ saˆ-awˇ, saˇ jaˇ ziꞈ-eu tsawˇ haˬ paˇ bi pyeuꞈ laˇ tehꞈ-a. Naw maꞈ heu loꞈ-ehˇ ehˇ-eu meh. “Sahˬpaˬ Miˬyehˇ-aˬ, nga maꞈ-euˬ Miˬyehˇ pyeuꞈ-eu miˇ neh, aˬ yawꞈ jawˇ gaˇ nga maꞈ gʼoꞈ laˇ-eu ma.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Ngoeˇ dawˬ 3:11

gaˇ ma gaˇ dzeˇ teh ahˇ gʼeh-awˇ, cehˬ pyaˬ cehˬ shaˇ jiˇ nehˬ laꞈ-awˇ, ciˬ cuˇ ni byehˇ dzeh laꞈ-euˬ meh.

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Uˬ duˬ 14:48

Piˇ ma paˇ haw le ngeh, nymˇ kʼoeˇ nymˇ-ahˇ laˆ saˆ gʼaˬ naˇ kʼah, nyawˬ naˇ-eu maˇ naˇ paˇ doˆ laˇ taˬ-euˬ maˬ ya mawˇ naˇ, nymˇ kʼoeˇ nymˇ yaw shawˇ meh lehˇ aˬ yawꞈ ya daˇ tsehˆ meh. Aˬ jeˬ miˇ neh ehˇ naˇ, nyawˬ naˇ-eu maˇ naˇ kʼoeˇ byoˆ tsehˆ-euˬ meh.

Zeˬpaˬniˇ 2:1

Shaꞈ dawˇ maˬ baw-eu tsawˇ jeuˬ-oˇ, tiˬ gaˇ uiˬ laˇ bymˇ laˇ jiˇ-awˇ,

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.

1 Saˬmeuˬlaˆ 7:3

Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ laˇ ehˇ nehˬ-eu, “Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ jawˇ gaˇ gʼoꞈ laˇ ma lehˇ ngeuˇ naˇ, aˬ cawˬ tsawˇ jeuˬ-euˬ miˬ yehˇ dawˬ tawˆ luꞈ hawˇ-eu Aˬshaˇtaˬyoˇ miˬ yehˇ ma-euˬ tahˬ pahˬ aˬ ma mawˇ kawˇ-ahˇ naw maꞈ ya byehˇ dzeh yaꞈ meh. Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ aˬ diˇ aˬ maˇ a nehˬ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Piˇliˇtiˆ tsawˇ haˬ-euˬ aˬ laꞈ laꞈ kʼoeˇ, naw maꞈ-ahˇ aˬ yawꞈ ka kʼoꞈ nehˬ laꞈ tehꞈ-a.”