Hawˇseˬ 5:9 - Akha

⁹ Kʼehˬ-eu kʼaˆ-eu aˇ nah keuˆ ngeh, Iˇsaˬleˬlaˆ ya cawˆ-iˇ meh. Iˇsaˬleˬlaˆ tsawˇ haˬ deuˬ-oˇ, ya cawˆ-iˇ-eu yaw duˬ baw meh.

Hawˇseˬ 5:9 ပူးပေါင်းရင်းမြစ်များ

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Iˇsaˬyaˇ 37:3

Aˬ yawꞈ maꞈ-ahˇ Iˇsaˬyaˇ jawˇ gaˇ heu loꞈ-ehˇ bi ehˇ iˇ-euˬ meh. “Iˬ nah-aˬ, noeˬ shaˬ noeˬ zahˬ-eu aˇ nah meh. Zaˬ ciˬ deˇ le-awˇ maˬ ciˬ doˆ nya ni shaˬ gaˇ duˇ miˇ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 48:3

Iˇsaˬleˬlaˆ-ahˇ Sahˬpaˬ Miˬyehˇ ehˇ-eu, “Pyeuꞈ dzeuˇ-euˬ gaˇ kawˆ deuˬ aˇ hu ba neh ngaˇ ehˇ taˬ-awˇ, ja pyuˬ ni bi pyeuꞈ laˇ-euˬ ma.

Iˇsaˬyaˇ 48:5

Nawˬ-euˬ mehˬ shi kʼaˇ pyeuꞈ laˇ-euˬ dawˬ tawˆ, aˇ hu ba neh ngaˬ neh ehˇ tsehˆ taˬ jiˇ-euˬ ma. Nawˬ-euˬ tahˬ pahˬ aˬ ma mawˇ kawˇ deuˬ neh, kʼoeˇ loꞈ-ehˇ bi pyeuꞈ laˇ-eu meh lehˇ nawˇ maˬ ehˇ nya ni, kʼaˇ pyeuꞈ dzeuˇ yaꞈ-euˬ jeˬ maˬ pyeuꞈ laˇ mi naˆ-ehˇ, ngaˬ neh ehˇ kʼmˬ jiˇ taˬ-euˬ ma.

Iˇsaˬyaˇ 7:16

Nymˬ-mˇ nawˬ-ahˇ laˆ guˆ luꞈ-eu sahˬ paˬ teu nyiˬ gʼaˬ-euˬ miˇ kʼahˬ-aˬ, zaˬ kʼoeˇ gʼaˬ yaw muiˬ yaw doeˇ maˬ siˬ nya laˇ mi naˆ-ehˇ, cawˆ-iˇ jiˇ-awˇ jaˆ tehꞈ-a.

Hawˇseˬ 5:12

Kʼoeˇ miˇ neh Iˇsaˬleˬlaˆ-ahˇ, luˬ-iˇ seˇ-iˇ ni ngaˇ jahˇ-awˇ, Yuˇdaˆ tsawˇ haˬ deuˬ-euˬ kʼoeˇ taˆ, yaw cawˆ jeˬ ngaˇ bi keuˆ le ma.

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 7:12

Ehˇ kʼawꞈ, ngaˇ baw gʼaꞈ kʼmˇ tsehˆ-awˇ, aˇ jiˇ kʼmˇ mi dzaˬ-eu loꞈ-ehˇ, aˬ yawꞈ maꞈ-ahˇ nyehꞈ mi jiˇ-awˇ, yaw haiˬ mˇ dzeuˇ yaꞈ-euˬ aˇ poeˬ, aˬ yawꞈ maꞈ-ahˇ ngaˇ kʼehˬ nehˬ ma.

Hawˇseˬ 8:8

Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Aˬmoˆ 7:17

Aˬmaˬziˇ-oˇ, teu baˬ da neh Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ nymˇ dahˬ-aˬ, meuˬ-euˬ gaˇ ma doe ni meh maˬ laˇ geuꞈ geuꞈ-ehˇ ya cah-awˇ, nawˬ-euˬ zaˬ deuˬ guiˇ deuˆ gaˇ bi deuˆ sehꞈ tehꞈ-a. Nawˬ-euˬ miˇ tsaˬ aˬ cawˬ biˇ geuꞈ-awˇ, nawˬ-euˬ gʼawˇ mawˇ maˬ siˬ maˬ suˇ-eu miˇ kʼahˬ-ahˇ ya shiˇ tehꞈ-a. Iˇsaˬleˬlaˆ miˇ kʼahˬ zaˬ deuˬ aˬ cawˬ miˇ kʼahˬ-ahˇ aˬ diˇ aˬ maˇ bi nyehꞈ byoˆ gʼeh tehꞈ-a’ lehˇ ehˇ-eu meh.”

Aˬmoˆ 7:9

Iˇtsaˆ-euˬ zaˬ deuˬ uˆ deuˬ uˬ duˬ tahˬ-eu jawˇ duˬ ya cawˆ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu jawˇ duˬ deuˬ ya luˬ ya seˇ-iˇ jiˇ tehꞈ-a. Sahˬpaˬ Yeˬyawˇbamˬ-euˬ nymˇ jiˇ sahˬ paˬ geuꞈ-awˇ uˆ lahˇ-eu aˇ yamˬ aˇ saˬ saˬ tehꞈ-a.”

Miˇkaˬ 6:13

Naw maꞈ-euˬ iˬ baˇ baˬ da neh naw maꞈ ya piˬ ya byoˆ-iˇ ni ngaˇ mˇ dahˬ beh gʼaˬ-euˬ ma.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Yoˇhaˬ 16:4

Ehˇ kʼawꞈ, tsawˇ haˬ kʼoeˇ deuˬ naw maꞈ-ahˇ kʼoeˇ loꞈ-ehˇ kʼehˬ nehˬ kʼaˆ nehˬ laꞈ-eu aˇ yamˬ keuˆ le ngeh, kʼoeˇ loꞈ-ehˇ keuˆ le tehꞈ-a lehˇ ngaˬ neh naw maꞈ-ahˇ ehˇ taˬ-euˬ gaˇ naw maꞈ bi noeˬ mawˇ-eu gʼaˇ duˬ, ngaˇ naw maꞈ-ahˇ naꞈ ngeh neh heu loꞈ-ehˇ ehˇ nehˬ-eu ma.” Naw maꞈ ngaˬ-euˬ zaˬ lahˇ pyeuꞈ laˇ beh beh ngeh, gaˇ kawˆ heu naw maꞈ-ahˇ ngaˇ maˬ ehˇ nehˬ-aˬ. Aˬ jeˬ miˇ neh ehˇ naˇ, naw maꞈ nehˬ-ehˇ ngaˬ-euˬ gʼawˇ mawˇ jawˇ-euˬ ma.