Hawˇseˬ 5:6 - Akha

⁶ Yawˇ hawˇ-eu mawˇ neˇ lawˇ lawˇ-ehˇ, Sahˬpaˬ Miˬyehˇ-ahˇ poˆ leˇ kʼawꞈ, yawꞈ maꞈ-ahˇ byehˇ dzeh-euˬ miˇ neh, maˬ poˆ mawˇ nya ni shaˬ tehꞈ-a.

Hawˇseˬ 5:6 ပူးပေါင်းရင်းမြစ်များ

Doˆ-iˇ 10:9

Moˇseˬ ehˇ-eu, “Nga maꞈ huiˬ zaˬ nyiˇ zaˬ dawˬ tawˆ luꞈ iˇ-eu gʼeh-eu ma. Nga maꞈ-euˬ aˬ buˇ aˬ li dawˬ tawˆ luꞈ sheuˬ gʼeh jiˇ-awˇ, nga maꞈ-euˬ yawˇ deuˬ hawˇ-eu ciꞈ myehꞈ deuˬ maˬ ehˇ, nga maꞈ-euˬ mawˇ neˇ dawˬ tawˆ luꞈ maˬ ehˇ, teh gʼeh ma. Aˬ jeˬ miˇ neh ehˇ naˇ, nga maꞈ-euˬ Sahˬpaˬ Miˬyehˇ-ahˇ taˬ huiˬ taˬ mahˇ nehˬ-eu bawˬ-iˬ nga maꞈ ya jahˇ meh.”

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawˬ caˇ 5:6

Ngaˇ gaˬ-eu gʼaˬ bi uˇ laˇ-eu lehˇ laˇ gʼoˆ dehˬ pah ngeh, aˬ yawꞈ maˬ jawˇ ni iˇ dzeuˇ-euˬ meh. Aˬ yawꞈ-euˬ teˇ saˇ-ahˇ gaˬ mawꞈ dui dui nya. Aˬ yawꞈ-ahˇ ngaˇ poˆ kʼawꞈ, maˬ poˆ mawˇ nya nya. Aˬ yawꞈ-ahˇ kuˇ kʼawꞈ oˬ maˬ toˬ-a.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 11:14

Yeˬlaˬmiˇ-oˇ, tsawˇ haˬ heu deuˬ-euˬ dah zaˇ ngaˬ-ahˇ guiˬ lahˬ taˬ shaˇ. Aˬ yawꞈ maꞈ shaˬ le zahˬ le-awˇ, caw ba nehˬ laꞈ lehˇ ngaˬ-ahˇ shaˇ ngeh, ngaˇ maˬ naˇ haˬ nehˬ.”

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

Ngoeˇ dawˬ 3:44

Nga maꞈ shaˇ dawˬ maˬ gaˬ leˇ ni, nawˇ mˬ dmˇ tsahˇ lahˇ taˬ-euˬ meh.

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Yeˬsaˬgeˬlaˇ 8:6

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ pyeuꞈ luꞈ-eu gaˇ kawˆ nawˇ mawˇ duˬ maˬ loˇ. Iˇsaˬleˬlaˆ tsawˇ haˬ deuˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ-ahˇ haw sheˇ. Tiˬ jawˇ saˇ-iˬ tiˬ jawˇ, ngaˬ-euˬ muiˬ-eu shawˇ-eu jawˇ duˬ-ahˇ neh gaˇ mahˇ kaˬ gaˇ, aˬ yawꞈ maꞈ ngaˬ-ahˇ teh doˆ luꞈ-eu meh. Heu naˆ maˬ tseˇ nui daˆ daˆ laˇ paˬ-ehˇ gʼeh-eu jeˬ-ahˇ nawˇ paˇ ya mawˇ tehꞈ-a.”

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Aˬmoˆ 8:12

Miˇ kʼahˬ zaˬ deuˬ Sahˬpaˬ Miˬyehˇ-euˬ dawˬ ya gaˬ ni laꞈ taˆ paw maˬ ehˇ, laꞈ oˆ paw maˬ ehˇ, nahˇ ma doˆ kʼehˬ paw maˬ ehˇ, nahˇ ma ga kʼehˬ paw maˬ ehˇ, kʼoeˇ paw heu paw-ehˇ coeˬ coeˬ-ehˇ shaˬ kʼawꞈ, tiˬ gaˇ-iˬ ma ya gaˬ-aˇ.

Miˇkaˬ 3:4

Naw maꞈ Sahˬpaˬ Miˬyehˇ-ahˇ ngoeˇ ngoeˇ-ehˇ ya shaˇ-eu aˇ yamˬ peh le luꞈ meh. Ehˇ kʼawꞈ, naw maꞈ-ahˇ aˬ yawꞈ dawˬ maˬ ngehˬ cawˬ-a. Naw maꞈ maˬ muiˬ maˬ jaˬ-eu jeˬ mˇ-eu miˇ neh, naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ-a.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Luˇkaꞈ 5:16

Ehˇ kʼawꞈ, ciˬ cuˇ ni gʼeh-eu bawˇ tsahˬ bawˇ dahˇ-ahˇ Yeˬsuˇ iˇ-awˇ, guiˬ lahˬ shaˇ-iˇ-euˬ meh.

Yoˇhaˬ 7:34

Naw maꞈ ngaˬ-ahˇ poˆ tehꞈ-a. Ehˇ kʼawꞈ, maˬ poˆ mawˇ nya-aˇ. Aˬ jeˬ miˇ neh ehˇ naˇ, ngaˇ jawˇ gaˇ naw maꞈ maˬ laˇ keuˆ nya-a.”