Hawˇseˬ 5:15 - Akha

¹⁵ “Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Hawˇseˬ 5:15 ပူးပေါင်းရင်းမြစ်များ

Aˇ dahˬ 42:21

Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

2 Laˬsaˬbaˬ 7:14

aˬ yawꞈ maꞈ ngaˬ-ahˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ neh mˇ-euˬ yaw haiˬ jeˬ-ahˇ noeˬ poˆ-awˇ byehˇ dzeh naˇ, aˬ yawꞈ maꞈ-euˬ shaˇ dawˬ-ahˇ mˬ kʼoeˇ taˆ ngaˇ naˇ haˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ paˇ bi baw paˇ bi za le ma.

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

Jaceuq 107:13

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:19

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:28

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:6

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 132:14

“Heu gaˇ-ahˇ ngaˇ mˬ maˬ maˬ byaˆ zaˇ ziˇ jawˇ ma. Heu gaˇ jawˇ-awˇ ngaˇ uˆ lahˇ ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 78:34

Aˬ yawꞈ maꞈ laꞈ kʼoeˇ tiˬ paˆ na deuˬ-ahˇ kʼaˇ bi shiˇ ngeh, dzeˇ-eu deuˬ aˬ yawꞈ jawˇ paw gʼoꞈ kʼoꞈ laˇ-awˇ, aˬ yawꞈ maꞈ nui ma noeˬ poˆ-eu laꞈ kʼoeˇ, nui ma laꞈ kʼoeˇ keuˆ ni guiˬ lahˬ shaˇ-eu meh.

Jaceuq 83:16

Sahˬpaˬ Miˬyehˇ-oˇ, shaꞈ dawˇ-eu jeˬ aˬ yawꞈ maꞈ-euˬ myaˆ kʼeh bi keuˆ le-awˇ, nawˬ-euˬ baoˬ aˬ yawꞈ maꞈ-ahˇ siˬ leˇ ni jahˇ nehˬ-awˬ.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Yeˬlaˬmiˇ 2:27

Aˇ bawˇ-ahˇ aˬ da shaˇ kuˇ-awˇ, kʼaˬ lo-ahˇ aˬ ma shaˇ kuˇ-eu naw maꞈ, ngaˬ-ahˇ naˇ kʼah ciˬ pyawˇ nehˬ yaꞈ-euˬ baˬ da neh, daˬ ga-awˇ ya shaꞈ dawˇ tehꞈ-a. Ehˇ kʼawꞈ, shaˬ-eu zahˬ-eu jeˬ-ahˇ naw maꞈ ya tahˬ puˬ ngeh, ka kʼoꞈ nehˬ laꞈ lehˇ ngaˬ-ahˇ shaˇ-eu meh.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Ngoeˇ dawˬ 3:40

Aˬ dui gaˇ ma saˇ shawˇ duˬ-awˇ, aˬ dui Sahˬpaˬ Miˬyehˇ jawˇ gaˇ, ciˬ pyawˇ-awˇ gʼoꞈ kʼoꞈ leˇ kaˇ-euˇ.

Yeˬsaˬgeˬlaˇ 10:4

Sahˬpaˬ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ jawˇ gaˇ neh tuˇ laˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ le-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ mˬ dmˇ byah-awˇ, pu ka tiˬ byah ni yaw shehꞈ bya-eu meh.

Yeˬsaˬgeˬlaˇ 11:23

Kʼoeˇ naˇ Sahˬpaˬ Miˬyehˇ-euˬ yaw shehꞈ kʼahˬ sehˇ kʼoeˇ Yeˬluˇsaˬlehˬ meuˬ-ahˇ neh luˆ laˇ-awˇ, nahˇ ma doˆ kʼehˬ paw jaˆ-eu gawˬ jawˬ paw le-euˬ meh.

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 8:6

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ pyeuꞈ luꞈ-eu gaˇ kawˆ nawˇ mawˇ duˬ maˬ loˇ. Iˇsaˬleˬlaˆ tsawˇ haˬ deuˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ-ahˇ haw sheˇ. Tiˬ jawˇ saˇ-iˬ tiˬ jawˇ, ngaˬ-euˬ muiˬ-eu shawˇ-eu jawˇ duˬ-ahˇ neh gaˇ mahˇ kaˬ gaˇ, aˬ yawꞈ maꞈ ngaˬ-ahˇ teh doˆ luꞈ-eu meh. Heu naˆ maˬ tseˇ nui daˆ daˆ laˇ paˬ-ehˇ gʼeh-eu jeˬ-ahˇ nawˇ paˇ ya mawˇ tehꞈ-a.”

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Hawˇseˬ 5:6

Yawˇ hawˇ-eu mawˇ neˇ lawˇ lawˇ-ehˇ, Sahˬpaˬ Miˬyehˇ-ahˇ poˆ leˇ kʼawꞈ, yawꞈ maꞈ-ahˇ byehˇ dzeh-euˬ miˇ neh, maˬ poˆ mawˇ nya ni shaˬ tehꞈ-a.

Miˇkaˬ 1:3

Yawꞈ-euˬ shawˇ-eu jawˇ duˬ-ahˇ neh, Sahˬpaˬ Miˬyehˇ oe luꞈ-eu meh. Mˬ-ahˇ neh yawꞈ zaꞈ ka le-awˇ, gawˬ jawˬ deuˬ-ahˇ nawˬ le tehꞈ-a.

Bawˇtsahˬ 21:7

Iˇsaˬleˬlaˆ tsawˇ haˬ deuˬ Moˇseˬ jawˇ gaˇ laˇ-awˇ ehˇ-eu, “Sahˬpaˬ Miˬyehˇ hawˇ-eu nawˬ-ahˇ iˬ baˇ taˬ-eu laꞈ kʼoeˇ nga maꞈ iˬ baˇ mˇ-euˬ ma. Aˇ lawˇ heu deuˬ byoˆ-iˇ ni Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.” Kʼoeˇ ngeh, Iˇsaˬleˬlaˆ tsawˇ haˬ deuˬ gʼaˇ duˬ Moˇseˬ guiˬ lahˬ shaˇ-euˬ meh.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.