Hawˇseˬ 5:13 - Akha

¹³ “Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Hawˇseˬ 5:13 ပူးပေါင်းရင်းမြစ်များ

2 Sahˬpaˬ 15:19

Aˬshuˇliˆ sahˬ paˬ Tiˇgaˬlaˇpaˬleˬsaˬ gʼaˬ Iˇsaˬleˬlaˆ miˇ kʼahˬ-ahˇ guiˇ deuˆ le-awˇ, Meˬnaˇheˬ gʼaˬ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ ya uˆ lahˇ ni, sahˬ paˬ kʼoeˇ gʼaˬ-ahˇ pyuˇ nyiˬ muiˇ oeˬ yaˇ jawꞈ-i biꞈ-euˬ meh.

2 Sahˬpaˬ 15:29

Peˬkah sahˬ paˬ geuꞈ-awˇ uˆ lahˇ-euˬ aˇ nah aˇ yamˬ laꞈ kʼoeˇ, Iˇyaˬ meuˬ, AˬbeˬlaˇBehˬmaˬkaˬhaˬ meuˬ, Yaˬnoˇaˬ meuˬ, Geˬdeˬshaˆ meuˬ, Haˬzoˬ meuˬ hawˇ-eu, Giˇlaˆ miˇ kʼahˬ, Naˬtaˬliˇ miˇ kʼahˬ heu deuˬ-ahˇ, Aˬshuˇliˆ sahˬ paˬ Tiˇgaˬlaˇpaˬleˬsaˬ neh deuˆ geuꞈ-awˇ, Aˬshuˇliˆ miˇ kʼahˬ-ahˇ tsawˇ haˬ nyehꞈ daˆ gʼeh-euˬ meh.

2 Sahˬpaˬ 16:7

Aˬshuˇliˆ sahˬ paˬ Tiˇgaˬlaˇpaˬleˬsaˬ jawˇ gaˇ Aˬkaˆ tsawˇ haˬ pyehˬ gʼeh-awˇ, “Ngaˇ-aˬ, nawˬ-ahˇ gʼoe-eu nawˬ-euˬ zaˬ kʼaˆ ma. Nawˇ tiˬ poˆ oe-awˇ, ngaˬ-ahˇ guiˇ deuˆ luꞈ-eu Suˇliˆ sahˬ paˬ hawˇ-eu Iˇsaˬleˬlaˆ sahˬ paˬ-euˬ laꞈ-ahˇ, ngaˬ-ahˇ ka kʼoꞈ nehˬ le-awˬ” lehˇ bi tsaꞈ gaˬ leˇ-euˬ meh.

Iˇsaˬyaˇ 3:7

Kʼoeˇ ngeh aˬ yawꞈ heu loꞈ-ehˇ ehˇ kʼoꞈ nehˬ tehꞈ-a. “Ngaˇ naˇ gawˇ laˆ saˆ-eu tsawˇ haˬ maˬ geuꞈ. Ngaˬ-euˬ nymˇ-ahˇ dzaˬ-eu hawˬ maˬ jaˆ-ehˇ, dm-eu mehˬ tsoeˬ kʼawꞈ maˬ jaˆ. Aˬ cawˬ kʼoeˇ taˆ uˆ lahˇ-eu aˬ yuiꞈ aˬ tsu, ngaˬ-ahˇ taˬ kʼehˇ doˇ laꞈ.”

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬsaˬgeˬlaˇ 23:5

Oˬhoˬlaˬ gʼaˬ ngaˬ nehˬ-ehˇ jawˇ luꞈ ngeh neh meh maˬ laˇ geuꞈ-awˇ, Aˬshuˇliˆ tsawˇ haˬ deuˬ nehˬ-ehˇ kʼaˬ miˬ sheu-euˬ meh.

Hawˇseˬ 10:6

Tahˬ pahˬ aˬ ma mawˇ kawˇ kʼoeˇ hmˬ, Aˬshuˇliˆ miˇ kʼahˬ-euˬ sahˬ paˬ, huiˬ dui mahˇ dui dui-eu gʼaˬ-ahˇ, ya baꞈ ha keuˆ nehˬ leˇ tehꞈ-a. Iˇsaˬleˬlaˆ tsawˇ haˬ deuˬ-aˬ, aˬ cawˬ ehˇ dawˬ geuꞈ-eu miˇ neh, daˬ ga-awˇ ya shaꞈ dawˇ tehꞈ-a.

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Hawˇseˬ 14:3

Aˬshuˇliˆ miˇ kʼahˬ nga maꞈ-ahˇ, ka kʼoꞈ nehˬ nya-eu maˬ ngeuˇ-a. Guiˇ deuˆ-eu dziˬ mahˬ kʼoeˇ deuˬ kʼawꞈ, nga maꞈ-ahˇ maˬ haw piˇ nya-a. Tahˬ pahˬ aˬ ma mawˇ kawˇ deuˬ-ahˇ, nga maꞈ-euˬ Miˬyehˇ ngeuˇ ma lehˇ, tiˬ jawˇ-iˬ maˬ paˇ kuˇ poˆ ma. Uˬ duˬ tahˬ shaˇ kʼaˇ maˬ za-ehˇ, shaˬ laˇ taˬ-euˬ tsawˇ haˬ deuˬ-ahˇ, Sahˬpaˬ Miˬyehˇ nawˇ ya mawˇ ngeh, gʼawˬ shaˬ gaˬ nehˬ laꞈ-eu meh” lehˇ, Miˬyehˇ-ahˇ guiˬ lahˬ shaˇ leˇ-awˬ.

Hawˇseˬ 2:7

Zaˬ kʼaˬ mehˬ nah yawꞈ caw teh kʼawꞈ, zaˬ kʼaˬ deuˬ-ahˇ maˬ teh miˇ-aˇ. Zaˬ kʼaˬ kʼoeˇ deuˬ-ahˇ poˆ doe kʼawꞈ, maˬ poˆ mawˇ nya-ehˇ pyeuꞈ laˇ-awˇ, ‘Kʼaˬdzeˇzaˬ yaw beh gʼaˬ jawˇgaˇ, ngaˇ paˇ gʼoꞈ poˆ-iˇ shaw-iˬ ma. Aˇ hu aˬ yawꞈ nehˬ-ehˇ dehꞈ ngeh, iˬ nah dehꞈ luꞈ-eu naˆ maˬ tseˇ, maˬ gaˇ dui dui law miˇ-a’ lehˇ, aˬ yawꞈ ehˇ-eu yaw duˬ baw meh.

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Hawˇseˬ 8:9

Bawˇ tsahˬ mahˬ tahˬ laˆ-ahˇ duˇ-eu, nui ma gʼahˇ-eu Iˇsaˬleˬlaˆ, Aˬshuˇliˆ miˇ kʼahˬ-ahˇ le-awˇ, caw ba laꞈ lehˇ shaˇ leˇ-euˬ meh. Aˬ cawˬ-ahˇ pyuˇ shuiˇ tawˆ nehˬ-awˇ, yawˬ ha-ahˇ bi haw piˇ-euˬ meh.

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”