Hawˇseˬ 5:10 - Akha

¹⁰ Sahˬpaˬ Miˬyehˇ ehˇ-eu dawˬ-aˬ, “Yuˇdaˆ miˇ kʼahˬ sahˬ paˬ sahˬ ma, Iˇsaˬleˬlaˆ-ahˇ ceh laˇ-awˇ, miˇ kʼahˬ ceh geuꞈ taˬ-euˬ miˇ neh, Lawˇ baˬ iˇ jeuˬ oe-eu loꞈ-ehˇ, aˬ yawꞈ maꞈ-ahˇ ngaˇ kʼehˬ nehˬ ma.

Hawˇseˬ 5:10 ပူးပေါင်းရင်းမြစ်များ

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Jaceuq 69:24

Aˬ yawꞈ maꞈ kʼoeˇ taˆ nawˬ-euˬ nui pehˇ tahˬ daˆ nehˬ-awˇ, guˆ laˇ paˬ-ehˇ gʼeh-eu nawˬ-euˬ nui ma bi mawˇ-awˬ.

Jaceuq 88:17

Nawˇ kʼehˬ-eu kʼaˆ-eu jeˬ iˇ jeuˬ oe-eu loꞈ-ehˇ, nah ga-ehˇ ngaˬ-euˬ kʼoeˇ taˆ keuˆ le-awˇ, yawˬ paw na luꞈ tiˬ gʼoeˬ teuˇ le luꞈ meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 22:28

Nawˬ-euˬ aˬ poeˬ aˬ bawˇ deuˬ neh tsaˬ tsoˆ taˬ yaꞈ-euˬ miˇ kaˬ-ahˇ, tiˬ jawˇ-iˬ taˬ laˆ jiˆ. -5-

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Yeˬsaˬgeˬlaˇ 22:22

Baw baw gaˇ pyuˇ baw guiˇ-eu loꞈ-ehˇ, aˬ yawꞈ maꞈ-ahˇ Yeˬluˇsaˬlehˬ meuˬ laꞈ kʼoeˇ baw guiˇ nehˬ ma. Kʼoeˇ ngeh, Sahˬpaˬ Miˬyehˇ-euˬ nui ma aˬ yawꞈ maꞈ ya mawˇ duˬ tehꞈ-a.”

Yeˬsaˬgeˬlaˇ 7:8

“Gʼawˬ myahˇ maˬ gʼeh-ehˇ, ngaˇ nui ma pehˇ-eu jeˬ aˇ naˆ ni gʼeh-eu gaˇ kawˆ naw maꞈ-ahˇ siˬ laˇ tehꞈ-a. Naw maꞈ neh kʼaˇ mˇ kʼaˇ shaˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ-awˇ, naw maꞈ nui daˆ daˆ laˇ paˬ-ehˇ dehꞈ-eu aˇ poeˬ, ngaˇ paˇ biꞈ kʼoꞈ nehˬ ma.

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”

Luˇkaꞈ 6:49

Ehˇ kʼawꞈ, ngaˬ neh mehˬ-euˬ dawˬ gaˬ-awˇ maˬ naˇ haˬ geuꞈ-eu tsawˇ haˬ-aˬ, dawˬ pehˬ maˬ laˆ ziꞈ ni nymˇ tsoˆ-euˬ tsawˇ haˬ-ahˇ duˇ-eu meh. Iˇ jeuˬ jeuˬ le-awˇ nymˇ kʼoeˇ nymˇ-ahˇ ciˬ tahˬ ciˬ tuˆ ngeh, tiˬ poˆ tehꞈ-ehˇ coˬ dzeh-iˇ-awˇ, coˬ pyaˆ coˬ shaˆ jiˇ-eu meh.

Dawˬmehˬ 19:14

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ-ahˇ yaw beh neh jaˆ luꞈ-eu yawˬ ha nehˬ-ehˇ nymˇ kaˬ taꞈ-eu tsawˇ haˬ-euˬ miˇ kaˬ maˬ ya teh jiˆ-a.

Dawˬmehˬ 27:17

“ ‘Yawˬ ha-ahˇ nymˇ kaˬ taꞈ-eu tsawˇ haˬ-euˬ nymˇ kaˬ teh jiˆ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu je keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.