Hawˇseˬ 4:3 - Akha

³ Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Hawˇseˬ 4:3 ပူးပေါင်းရင်းမြစ်များ

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬlaˬmiˇ 4:25

Tsawˇ haˬ tiˬ gʼaˬ-iˬ jawˇ zaˇ maˬ mawˇ-ehˇ, aˇ jiˇ kʼaˇ ngeuˇ-eu zaw byoˆ jiˇ-euˬ meh.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 38:20

Ngaˬ shaˬ aˇ jiˇ dawˬ tawˆ luꞈ maˬ ehˇ, jeˬ zaˬ yaw huiˬ yaw nyiˇ yawˬ jeˬ na luꞈ maˬ ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ dawˬ tawˆ luꞈ maˬ ehˇ, ngaˬ-ahˇ guˆ-awˇ yaw dzuˬ dzuˬ tehꞈ-a. Gawˬ jawˬ coˬ le-awˇ, lo guˇ byaˆ-iˇ-eu uˬ taꞈ, meuˬ lahˇ kʼaˇ ngeuˇ-eu coˬ pyaˆ jiˇ tehꞈ-a.

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.

Aˬmoˆ 1:2

Aˬmoˆ ehˇ-eu, “Ziˇoˬ meuˬ-euˬ gawˬ jawˬ kʼoeˇ taˆ, Sahˬpaˬ Miˬyehˇ lmˬ luꞈ-eu meh. Yeˬluˇsaˬlehˬ meuˬ laꞈ kʼoeˇ neh, yawꞈ-euˬ teˇ saˇ gaˬ doˆ laˇ-eu, mˬ jeˬ tsawˬ tehˆ tehˆ gaˇ duˇ meh. Jeˬ zaˬ gaˆ kʼahˬ gui-iˇ jiˇ-awˇ, Gaˬlaˬmeˬlaˇ gawˬ jawˬ uˬ du, yaˇ moꞈ nyoeˬ jiˇ koˆ jiˇ-euˬ meh.”

Aˬmoˆ 5:16

Kʼoeˇ miˇ neh, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Meuˬ laꞈ kʼoeˇ jaˆ-eu gaˇ ma doe ni noeˬ shaˬ-awˇ ui ui-ehˇ ngoeˇ tehꞈ-a. Tsawˇ ngoeˇ ngoeˇ dzaˬ-eu deuˬ nehˬ-ehˇ tsawˇ haˬ shiˇ taˬ-euˬ gaˇ tsawˇ ngoeˇ bi ngoeˇ caw-eu gʼaˇ duˬ, deh yaˇ mˇ dzaˬ-eu shaˬ zaˬ zahˬ zaˬ deuˬ-ahˇ keuˆ ni ya kuˇ gaˇ keuˆ tehꞈ-a.

Aˬmoˆ 8:8

Naw maꞈ kʼoeˇ loꞈ-ehˇ yaw haiˬ jeˬ mˇ-euˬ baˬ da neh miˇ luˆ luˆ laˇ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ guˆ dui dui tehꞈ-a. Miˇ kʼahˬ heu kʼahˬ kʼahˬ lah ni bi sheu nyeh-awˇ, Niˬlaˇ lawˇ baˬ -ahˇ iˇ cuꞈ dahˬ daˆ laˇ-awˇ paˇ dahˬ ka-iˇ-eu loꞈ-ehˇ jaˆ tehꞈ-a.

Naˬhmˬ 1:4

Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Zeˬpaˬniˇ 1:3

Tsawˇ haˬ hawˇ-eu jeˬ zaˬ maˬ ehˇ, ho zaˬ nga jiˇ dawˬ tawˆ maˬ ehˇ, ngaˬ shaˬ ngaˬ deˇ deuˬ-ahˇ maˬ ehˇ, dawˬ tawˆ luꞈ ngaˇ laˆ byoˆ jiˇ ma. Haiˬ-eu tsawˇ haˬ bi ga-iˇ-awˇ, miˇ tsaˬ heu kʼoeˇ taˆ kʼaˇ jawˇ-eu, tsawˇ jeuˬ dawˬ tawˆ laˆ byoˆ ma lehˇ, ngaˇ Sahˬpaˬ Miˬyehˇ ehˇ-eu ma.

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”