Hawˇseˬ 4:1 - Akha

¹ Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Hawˇseˬ 4:1 ပူးပေါင်းရင်းမြစ်များ

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Jaceuq 81:9

Miˬyehˇ nui gʼaˬ-ahˇ naw maꞈ tiˬ jawˇ-iˬ uˬ duˬ maˬ ya tahˬ-a.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Iˇsaˬyaˇ 28:14

Yeˬluˇsaˬlehˬ meuˬ zaˬ deuˬ-ahˇ uˆ lahˇ luꞈ-eu, nui ma huiˬ-eu tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Iˇsaˬyaˇ 34:1

Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ.

Iˇsaˬyaˇ 34:8

Ziˇoˬ meuˬ-ahˇ Sahˬpaˬ Miˬyehˇ ka kʼoꞈ le-awˇ, muiˇ-eu deuˬ-ahˇ laꞈ poˆ poˆ nehˬ ngeh nah, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Iˇsaˬyaˇ 5:3

“Yeˬluˇsaˬlehˬ meuˬ-ahˇ jawˇ-eu tsawˇ haˬ hawˇ-eu, Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-oˇ, nymˬ-mˇ poˆ jawˇ, ngaˇ hawˇ-eu ngaˬ-euˬ aˬ gaꞈ yaˇ kmˇ-ahˇ, naw maꞈ yaˇ kʼaˬ daˇ nehˬ laꞈ sheˇ.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Iˇsaˬyaˇ 59:8

Naw maꞈ dawˬ peh tiˬ gʼaˬ-iˬ nui saˇ maˬ oꞈ-a. Naw maꞈ mˇ-euˬ yaw tsaˬ tiˬ jeˬ-iˬ maˬ jaˆ-a. Gaˇ ma yaw gʼahˬ kahˇ-ahˇ naw maꞈ cah-awˇ, kʼoeˇ gaˇ kʼaˇ cah-eu tsawˇ haˬ nui saˇ maˬ oꞈ-a.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 11:7

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ ngaˇ sheuˬ doˆ nehˬ ngeh, ngaˬ-euˬ ehˇ dawˬ-ahˇ ya naˇ haˬ meh lehˇ ngaˇ ehˇ duˬ nehˬ-awˇ, iˬ nah keuˆ ni ngaˇ kʼoeˇ loꞈ-ehˇ ehˇ luꞈ-eu ma.

Yeˬlaˬmiˇ 19:3

Sahˬpaˬ Miˬyehˇ ngaˬ-ahˇ heu loꞈ-ehˇ bi ngehˬ bi tmˇ laꞈ-euˬ meh. “Yuˇdaˆ sahˬ paˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Iˇsaˬleˬlaˆ-euˬ Miˬyehˇ ehˇ gaˇ naˇ haˬ-awˬ. Kʼaˇ ya gaˬ-eu tsawˇ haˬ deuˬ myaꞈ leˇ jiˇ paˬ-ehˇ gʼeh-eu guˆ-eu gaˆ-eu jeˬ, jawˇ duˬ heu tsahˇ-ahˇ ngaˇ bi keuˆ le ma.

Yeˬlaˬmiˇ 2:4

Yaˬkoˆ-euˬ zaˬ Yaˬkoˆ-euˬ uˆ, Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 2:9

“Teu miˇ neh Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ pyehˆ tseˇ haw ma. Aˬ yawꞈ maꞈ-euˬ zaˬ deuˬ-ahˇ ngaˇ caw tseˇ ma.

Yeˬlaˬmiˇ 25:31

Teˇ saˇ kʼoeˇ mˬ dzeˇ miˇ dzeˇ-ahˇ tahˬ-iˇ tehꞈ-a. Aˬ jeˬ miˇ neh ehˇ naˇ, miˇ kʼahˬ tsawˇ jeuˬ deuˬ-ahˇ, Sahˬpaˬ Miˬyehˇ yaˇ kʼaˬ ja le tehꞈ-a. Tsawˇ haˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, maˬ tsaˬ maˬ dawˇ-eu deuˬ bi shiˇ ma’ lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 34:4

Zeˬdaˬkiˇ-oˇ, nawˬ-euˬ gaˇ kawˆ ngaˇ ehˇ gaˇ naˇ haˬ sheˇ. Guiˇ deuˆ-eu laꞈ kʼoeˇ nawˇ maˬ ya shiˇ-aˇ.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬlaˬmiˇ 5:4

Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Yeˬlaˬmiˇ 51:5

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Miˬyehˇ-aˬ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ maˬ byehˇ dzeh. Iˇsaˬleˬlaˆ-euˬ muiˬ-eu shawˇ-eu gʼaˬ pyeuꞈ-eu ngaˬ-ahˇ aˬ yawꞈ maꞈ mˇ lehˬ kʼawꞈ, ngaˇ maˬ byehˇ dzeh.

Yeˬlaˬmiˇ 6:13

Huiˬ zaˬ nyiˇ zaˬ dawˬ tawˆ luꞈ kʼawꞈ, maˬ dawˇ-eu laꞈ kʼoeˇ pyuˇ poˆ-awˇ, Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ mehˇ shuiˇ shuiˇ dzaˬ-eu meh.

Yeˬlaˬmiˇ 7:28

Yawˬ ha-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ yawˬ ha tsawˇ jeuˬ maˬ naˇ haˬ ehˇ, kʼehˬ nehˬ kʼaˆ nehˬ-eu jeˬ-ahˇ ya daˬ kʼawꞈ, maˬ paˇ laˇ nya nga lehˇ, aˬ yawꞈ maꞈ-ahˇ nawˇ ya ehˇ nehˬ meh. Saˇ jaˇ ziꞈ-eu jeˬ shiˇ tsehˆ-euˬ meh. Saˇ jaˇ ziꞈ-eu gaˇ kawˆ ja-eu tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 9:20

Ngaˇ heu loꞈ-ehˇ ehˇ-euˬ ma. “Zaˬ miˬ zaˬ deuˬ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ maꞈ dawˬ ngehˬ gaˇ naˬ bawˇ ciˬ kʼmˇ-awˬ. Zaˬ miˬ deuˬ-ahˇ tsawˇ ngoeˇ dawˬ kawˬ mehˬ-awˇ, aˬ nmˇ deuˬ-ahˇ kuiˇ deuˇ gui-eu mehˬ-awˬ.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Yeˬlaˬmiˇ 9:7

Kʼoeˇ miˇ neh Baoˬ huiˬ-eu Sahˬpaˬ Miˬyehˇ ehˇ-eu, “Shmˇ puiˆ neˇ-awˇ tsehˬ ka haw-eu loꞈ-ehˇ, ngaˬ-euˬ tsawˇ haˬ deuˬ-ahˇ ngaˇ lawˬ haw ma. Ngaˬ-euˬ tsawˇ haˬ iˬ baˇ mˇ-euˬ miˇ neh, ngaˇ aˬ jeˬ paˇ gʼeh nehˬ nya nmˇ.

Yeˬsaˬgeˬlaˇ 16:35

Nymˬ-mˇ poˆ jawˇ, Yeˬluˇsaˬlehˬ meh maˬ laˇ-oˇ, Sahˬpaˬ Miˬyehˇ ehˇ gaˇ naˇ haˬ sheˇ.

Hawˇseˬ 12:2

Yuˇdaˆ tsawˇ haˬ deuˬ-euˬ yaw ca, Sahˬpaˬ Miˬyehˇ ja-eu jaˆ meh. Iˇsaˬleˬlaˆ deuˬ-euˬ yaw lehˬ, Sahˬpaˬ Miˬyehˇ kʼehˬ-eu jaˆ meh. Aˬ yawꞈ maꞈ-ahˇ geuˇ-eu loꞈ-ehˇ, kʼehˬ-eu kʼaˆ-eu ya daˬ tehꞈ-a.

Hawˇseˬ 12:3

Aˬ yawꞈ maꞈ-euˬ aˬ poeˬ Yaˬkoˆ, uˬ maˆ laꞈ kʼoeˇ uˇ luꞈ ngeh neh, Iˇsawˇ-euˬ kuiˇ nuiꞈ-ahˇ tsuˆ-awˇ, aˬ yawꞈ paˇ huiˬ loˆ laˇ ngeh jawˇ, Miˬyehˇ nehˬ-ehˇ paˇ dawꞈ-euˬ meh.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Hawˇseˬ 5:4

Miˬyehˇ jawˇ gaˇ maˬ gʼoꞈ leˇ ni, aˬ yawꞈ maꞈ neh mˇ-euˬ yaw lehˬ, aˬ yawꞈ maꞈ-ahˇ gʼeu tehˬ-eu meh. Miˬ yehˇ nui deuˬ-ahˇ gʼoe-eu jeˬ, nui ma laꞈ kʼoeˇ ciˇ tahˬ iˇ-awˇ, Sahˬpaˬ Miˬyehˇ-ahˇ maˬ siˬ-a.

Yawˇlaˆ 1:2

Tsawˇ mawˬ tsawˇ kʼaˆ deuˬ naˇ haˬ-awˬ. Yuˇdaˆ miˇ kʼahˬ laꞈ kʼoeˇ jawˇ-eu, yawˬ gʼaˬ yawˬ na luꞈ naˇ haˬ-awˬ. Naw maꞈ-euˬ ziˇ laꞈ kʼoeˇ maˬ ehˇ, aˬ poeˬ aˬ bawˇ-euˬ ziˇ maˬ ehˇ, heu loꞈ-ehˇ gʼeh-eu gaˇ kawˆ heu, puˬ haw mawˇ haw-euˬ jaˆ meh loˇ.

Aˬmoˆ 3:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naˇ haˬ sheˇ. Naw maꞈ tsawˇ jeuˬ jeuˬ lah ni-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu Sahˬpaˬ Miˬyehˇ neh naw maꞈ-euˬ gaˇ kawˆ heu loꞈ-ehˇ ehˇ taˬ-euˬ meh.

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Miˇkaˬ 6:2

Gawˬ jawˬ deuˬ hawˇ-eu ziꞈ dah ni jaˆ-eu miˇ tsaˬ tahˬ kʼawˇ heu-euˬ zeuˇ dahˇ deuˬ-oˇ, Sahˬpaˬ Miˬyehˇ dawˬ ja ja gaˇ naˇ haˬ sheˇ. Sahˬpaˬ Miˬyehˇ Iˇsaˬleˬlaˆ tsawˇ haˬ nehˬ-ehˇ ja paˬ-ehˇ gʼeh-eu jeˬ jaˆ meh. Iˇsaˬleˬlaˆ tsawˇ jeuˬ nehˬ-ehˇ aˬ yawꞈ pyehˇ paˬ-ehˇ gʼeh-eu gaˇ kawˆ jaˆ-eu meh.

Yoˇhaˬ 8:55

Naw maꞈ aˬ yawꞈ-ahˇ maˬ siˬ nya-a. Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ yawꞈ-ahˇ maˬ siˬ nya nya lehˇ ngaˇ ehˇ naˇ, ngaˇ kʼawꞈ naw maꞈ loꞈ-ehˇ jaˬ myawꞈ myawꞈ-eu tsawˇ haˬ-ahˇ duˇ tehꞈ-a. Ngaˇ aˬ yawꞈ-ahˇ a diˇ siˬ nya-awˇ, aˬ yawꞈ-euˬ dawˬ-ahˇ naˇ haˬ geuꞈ luꞈ-eu ma.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

Panmaeq 2:11

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-aˬ, nyiˬ poˆ tiˬ poˆ shiˇ-eu jeˬ-ahˇ maˬ paˇ ya daˬ meh.

Panmaeq 2:29

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.