Hawˇseˬ 2:9 - Akha

⁹ Kʼoeˇ baˬ da neh, yamˬ law tsaˬ ngeh, ngaˬ-euˬ cehˇ ngaˇ yuˇ kʼoꞈ jiˇ-awˇ, aˬ gaꞈ dzaˇ uiˇ yuˇ kʼoꞈ jiˇ ma. Aˬ yawꞈ gʼawˇ mawˇ bi dm gʼoeˬ-euˬ, yawˇ caꞈ hm hawˇ-eu saˬ paˇ deuˬ, ngaˇ yuˇ kʼoꞈ jiˇ-awˇ bi shaˬ ma.

Hawˇseˬ 2:9 ပူးပေါင်းရင်းမြစ်များ

Yeˬsaˬgeˬlaˇ 16:27

“Nymˬ-mˇ poˆ jawˇ-aˬ, nawˬ-ahˇ kʼehˬ nehˬ kʼaˆ nehˬ-awˇ, ngaˬ neh nawˬ-ahˇ biˇ oꞈ nehˬ-euˬ guiˬ lahˬ jeˬ biˇ yuˇ kʼoꞈ doˆ-eu gʼaˇ duˬ ngaˇ aˬ laꞈ cawˬ diˇ taˬ-euˬ ma. Nawˬ-ahˇ bye-awˇ, nawˇ dehꞈ jawꞈ gaˇ nui daˆ daˆ luꞈ-eu Piˇliˇtiˆ tsawˇ haˬ deuˬ-euˬ laꞈ-ahˇ, nawˬ-ahˇ ngaˇ a nehˬ ma.

Yeˬsaˬgeˬlaˇ 16:39

Ngaˇ nawˬ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-awˇ, nawˬ neh meh maˬ laˇ geuꞈ-euˬ jawˇ duˬ deuˬ hawˇ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ jawˇ duˬ deuˬ-ahˇ, aˬ yawꞈ maꞈ laˆ cawˆ tehꞈ-a. Nawˇ dm luꞈ-eu mehˬ tsoeˬ hawˇ-eu nawˇ geuꞈ luꞈ-eu myawˬ guˇ deuˬ aˬ yawꞈ maꞈ lehˆ doˆ jiˇ-awˇ, neˇ myawˆ ni bi jawˇ yaꞈ tehꞈ-a.

Yeˬsaˬgeˬlaˇ 23:26

Aˬ yawꞈ maꞈ nawˬ-euˬ mehˬ tsoeˬ nyehꞈ lehˆ-awˇ, nawˇ geuꞈ luꞈ-eu myawˬ guˇ deuˬ lehˆ doˆ geuꞈ tehꞈ-a.

Daˬyeˬlaˇ 11:13

“Suˇliˆ sahˬ paˬ gʼoꞈ leˇ-awˇ, yaw beh naˆ maˬ tseˇ myaˬ-eu guiˇ maꞈ paˇ lehˬ hmˬ leˇ tehꞈ-a. Aˇ yamˬ tsaˬ laˇ ngeh jawˇ, guiˇ deuˆ-eu keu ka tiˬ loꞈ ahˇ-eu myaˬ dui dui-eu guiˇ maꞈ sheuˬ-awˇ paˇ oe tehꞈ-a.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Hawˇseˬ 9:2

Ehˇ kʼawꞈ, gʼawˬ myahˇ ni maˬ gʼeh-ehˇ, naw maꞈ dzaˬ-eu dawˇ-eu gʼaˇ duˬ, cehˇ, saˬ loˬ tsiˇ, aˬ gaꞈ dzaˇ uiˇ, maˬ paˇ jaˆ-ehˇ pyeuꞈ-iˇ tehꞈ-a.

Yawˇlaˆ 2:14

Naw maꞈ Miˬyehˇ Sahˬpaˬ Miˬyehˇ nui ma noeˬ paˇ leˇ-eu baw-awˇ, naw maꞈ-ahˇ guiˬ lahˬ biꞈ nehˬ-awˇ, dzaˬ la gʼo cehˇ bi za le naˇ, aˬ gaꞈ dzaˇ uiˇ hawˇ-eu cehˇ deuˬ, aˬ yawꞈ-ahˇ naw maꞈ damˬ nya meh.

Zeˬpaˬniˇ 1:13

Aˬ yawꞈ maꞈ tahˇ joe bi joe-awˇ, nymˇ deuˬ bi deh pyaˆ jiˇ tehꞈ-a. Yawˬ ha neh tsoˆ taˬ-euˬ nymˇ muiˬ, yawˬ ha maˬ ya jawˇ gaˇ keuˆ-awˇ, yawˬ ha mˇ-euˬ aˬ gaꞈ yaˇ kmˇ, aˬ gaꞈ dzaˇ uiˇ maˬ ya dawˇ-aˇ.”

Maˬlaˬkiˇ 1:4

Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Maˬlaˬkiˇ 3:18

Yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ aˬ joˆ-ehˇ beu gaˇ-eu gaˇ kawˆ hawˇ-eu, ngaˬ-euˬ ehˇ dawˬ naˇ haˬ-eu tsawˇ haˬ hawˇ-eu maˬ naˇ haˬ-eu tsawˇ haˬ aˬ joˆ-ehˇ paˆ gaˇ-eu gaˇ kawˆ, ngaˬ-euˬ tsawˇ haˬ deuˬ tiˬ poˆ paˇ ya mawˇ duˬ tehꞈ-a.”