Hawˇseˬ 2:21 - Akha

^21-22 Aˇ nah aˇ yamˬ kʼoeˇ keuˆ laˇ ngeh, ngaˬ-euˬ tsawˇ jeuˬ Iˇsaˬleˬlaˆ shaˇ-euˬ dawˬ-ahˇ ngaˇ naˇ haˬ ma. Miˇ tsaˬ tahˬ kʼawˇ heu-euˬ kʼoeˇ taˆ, uˬ yehˇ yehˇ le ni ngaˇ jahˇ ma. Cehˇ, aˬ gaꞈ, saˬ loˬ heu deuˬ-ahˇ, miˇ tsaˬ neh bi loˆ le tehꞈ-a.

Hawˇseˬ 2:21 ပူးပေါင်းရင်းမြစ်များ

Iˇsaˬyaˇ 55:10

“Ngehˇ hawˇ-eu uˬ yehˇ mˬ taˆ neh ga le ngeh, dzaˬ-eu aˇ siˬ hawˇ-eu ka-eu aˇ nuiˆ sahˇ le nya ni, aˇ cuˬ aˇ yehˆ bi yehˆ laˇ-eu gʼaˇ duˬ, miˇ tsaˬ-ahˇ iˇ cuꞈ maˬ shehˬ nyiꞈ yaꞈ-ehˇ, maˬ gʼoꞈ daˆ leˇ kʼmˬ gaˇ duˇ ni,

Iˇsaˬyaˇ 62:4

Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Yeˬsaˬgeˬlaˇ 36:29

Naw maꞈ-ahˇ kʼaˇ bi jawꞈ-iˇ-eu yawˬ jeˬ na luꞈ laꞈ kʼoeˇ ngaˇ ka kʼoꞈ ma. Naw maꞈ tiˬ jawˇ-iˬ maˬ paˇ ya mehꞈ ya shuꞈ-eu gʼaˇ duˬ, dzaˬ la gʼo cehˇ za le ni ngaˇ dawˬ biꞈ ma.

Hawˇseˬ 14:7

Ngaˇ bo saˆ haw piˇ-eu uˬ moˆ. Aˬ yawꞈ maꞈ paˇ jawˇ poˆ laˇ-awˇ, dzaˬ la gʼo cehˇ paˇ ka poˆ-awˇ, aˬ gaꞈ siˬ dui dui-eu loꞈ-ehˇ, baw dui za dui dui le tehꞈ-a. Leˬbaˬnoˬ gawˬ jawˬ-ahˇ doˆ-eu, muiˬ-eu aˬ gaꞈ dzaˇ uiˇ loꞈ-ehˇ, aˬ yawꞈ maꞈ tsawˇ myahˇ doˆ tehꞈ-a.

Yawˇlaˆ 2:19

Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Zaˬkaˬliˇ 8:8

Nahˇ ma doˆ kʼehˬ ga kʼehˬ paw neh aˬ yawꞈ maꞈ-ahˇ ngaˇ sheuˬ kʼoꞈ uiˬ laꞈ-awˇ, Yeˬluˇsaˬlehˬ meuˬ-ahˇ bi jawˇ ma. Aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu laꞈ kʼoeˇ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ neh aˬ yawꞈ maꞈ-ahˇ ngaˇ uˆ lahˇ ma.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.

Maˬlaˬkiˇ 3:11

Naw maꞈ neh dzaˬ la gʼo cehˇ ka taˬ-euˬ gaˇ aˇ mawˇ maˬ bi teuꞈ cawˆ-eu uˬ taꞈ, naw maꞈ-euˬ aˬ gaꞈ yaˇ kmˇ-ahˇ aˬ gaꞈ aˇ siˬ bi loˆ le ma.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.