Hawˇseˬ 13:7 - Akha

⁷ Kʼoeˇ baˬ da neh naw maꞈ-ahˇ ngaˇ, aˇ laˬ jaˬ shiˇ loꞈ-ehˇ kawꞈ-awˇ, naw maꞈ iˇ-eu gaˇ pehˇ gaˇ laˆ, kʼaˬ zuiˬ loꞈ-ehˇ loꞈ-awˇ dawꞈ ma.

Hawˇseˬ 13:7 ပူးပေါင်းရင်းမြစ်များ

Yawˇbaˆ 10:16

Ngaˇ tiˬ jeˬ paˬ mˇ pyeuꞈ-eu lehˇ gʼeh ngeh, aˇ laˬ jaˬ shiˇ loꞈ-ehˇ nawˇ ngaˬ-ahˇ teh le-awˇ, ngaˬ-ahˇ laˆ coeˬ laˆ ciˆ-eu gʼaˇ duˬ, kʼaˆ jeˬ-ehˇ gʼeh-eu jeˬ kʼawꞈ nawˇ mˇ-eu meh.

Iˇsaˬyaˇ 42:13

Guiˇ deuˆ-eu tsawˇ haˬ loꞈ-ehˇ Sahˬpaˬ Miˬyehˇ doˆ le-awˇ, guiˇ deuˆ-eu lehˇ aˬ yawꞈ lehˬ hmˬ dah taˬ-euˬ meh. Guiˇ deuˆ-eu teˇ saˇ aˬ yawꞈ guˇ kʼaˆ leꞈ-awˇ, muiˇ-eu deuˬ-ahˇ aˬ yawꞈ-euˬ baoˬ bi mawˇ-eu meh.

Yeˬlaˬmiˇ 25:38

Lo kʼahˬ byehˇ-awˇ cah-eu aˇ laˬ jaˬ shiˇ loꞈ-ehˇ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ, byehˇ dzeh-awˇ cah-euˬ meh. Sahˬpaˬ Miˬyehˇ-euˬ nui ma pehˇ-eu jeˬ hawˇ-eu, guiˇ deuˆ-eu mi zaˬ mi cehˇ baˬ da neh, aˬ yawꞈ maꞈ-euˬ muiˬ-eu miˇ kʼahˬ, kʼaˇ shuiꞈ deh ga pyeuꞈ tsehˆ-euˬ meh.”

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Ngoeˇ dawˬ 3:10

Kʼaˬ hmˇ loꞈ-ehˇ ngaˬ-ahˇ loꞈ-awˇ, aˇ laˬ jaˬ shiˇ loꞈ-ehˇ shahˇ-awˇ,

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Aˬmoˆ 1:2

Aˬmoˆ ehˇ-eu, “Ziˇoˬ meuˬ-euˬ gawˬ jawˬ kʼoeˇ taˆ, Sahˬpaˬ Miˬyehˇ lmˬ luꞈ-eu meh. Yeˬluˇsaˬlehˬ meuˬ laꞈ kʼoeˇ neh, yawꞈ-euˬ teˇ saˇ gaˬ doˆ laˇ-eu, mˬ jeˬ tsawˬ tehˆ tehˆ gaˇ duˇ meh. Jeˬ zaˬ gaˆ kʼahˬ gui-iˇ jiˇ-awˇ, Gaˬlaˬmeˬlaˇ gawˬ jawˬ uˬ du, yaˇ moꞈ nyoeˬ jiˇ koˆ jiˇ-euˬ meh.”

Aˬmoˆ 3:4

Aˇ laˬ jaˬ shiˇ tiˬ mawˇ aˬ yawꞈ kawꞈ sehꞈ dzaˬ-eu lehˇ gʼeh-eu bawˇ tsahˬ jeˬ zaˬ maˬ tahˬ puˬ le-euˬ gaˇ, bawˇ tsahˬ-ahˇ lmˬ meh loˇ. Huiˬ loˆ laˇ-euˬ aˇ laˬ jaˬ shiˇ zaˬ tiˬ mawˇ tiˬ jeˬ paˬ maˬ kawꞈ sehꞈ taˬ-euˬ gaˇ, lo kʼahˬ-ahˇ uˇ-awˇ lmˬ meh loˇ.

Aˬmoˆ 3:8

Aˇ laˬ jaˬ shiˇ joeˬ laˇ ngeh, aˬ suˇ gʼaˬ maˬ guˆ ni jawˇ tehˬ coeˇ ta. Baoˬ huiˬ-eu Sahˬpaˬ Miˬyehˇ dawˬ ngehˬ ngeh, aˬ yawꞈ-euˬ dawˬ maˬ tsaꞈ gaˬ-iˇ ni aˬ suˇ gʼaˬ jawˇ tehˬ coeˇ ta.

Panmaeq 13:2

Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.