Hawˇseˬ 13:4 - Akha

⁴ Sahˬpaˬ Miˬyehˇ ehˇ-eu dawˬ-aˬ, “Sahˬpaˬ Miˬyehˇ pyeuꞈ-eu ngaˇ-aˬ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ nehˬ laꞈ-euˬ, naw maꞈ-euˬ Miˬyehˇ pyeuꞈ-eu ma. Naw maꞈ-euˬ Miˬyehˇ ngaˇ tehꞈ ma. Ka kʼoꞈ nehˬ-euˬ gʼaˬ ngaˇ tehꞈ ma.

Hawˇseˬ 13:4 ပူးပေါင်းရင်းမြစ်များ

2 Sahˬpaˬ 18:35

Miˬ yehˇ kʼoeˇ deuˬ aˬ yawꞈ maꞈ-euˬ miˇ kʼahˬ deuˬ-ahˇ nga maꞈ-euˬ sahˬ paˬ-euˬ laꞈ-ahˇ neh aˬ geu ngeh ka kʼoꞈ nehˬ haw-euˬ jaˆ ta. Toˆ-ehˇ ngeuˇ naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ ka kʼoꞈ nehˬ laꞈ tehꞈ-a lehˇ, naw maꞈ aˬ joˆ-ehˇ noeˬ kʼmˬ-eu nya.”

Iˇsaˬyaˇ 43:3

Ngaˇ-aˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, nawˬ-ahˇ ka kʼoꞈ nehˬ le-euˬ gʼaˬ ngaˇ ma. Nawˬ-euˬ dah zaˇ Iˇjiˇtuˆ-ahˇ ngaˇ bi shaˬ ma. Suˬdaˬ hawˇ-eu Seˬbaˇ miˇ kʼahˬ neh nawˬ-ahˇ paˇ kʼoꞈ ma.

Hawˇseˬ 11:1

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ yaw nyiˇ gʼeh ngeh, aˬ yawꞈ-ahˇ ngaˇ gaˬ dui dui-awˇ, ngaˬ-euˬ aˬ li tiˬ gʼaˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ kʼoꞈ doˆ laꞈ-euˬ ma.

Hawˇseˬ 12:10

“Bawˇlawˇpeh -ahˇ ngaˇ dawˬngehˬ-awˇ, yaw sahˇ laꞈ kʼoeˇ ya mawˇ-eu jeˬ, gʼawˬ mya poˆ ngaˇ byaˬ nehˬ-euˬ ma. Bawˇlawˇpeh-ahˇ gʼoe-eu laꞈ kʼoeˇ, ngaˬ-euˬ tsawˇ haˬ-ahˇ mehˬ-euˬ ma.

Hawˇseˬ 12:9

Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, aˇ hu kʼaˇ shuiꞈ deh-ahˇ shaˬ ngeh, sehˬ gʼawˆ laꞈ kʼoeˇ jawˇ-euˬ loꞈ-ehˇ, naw maꞈ ya jawˇ poˆ ni jahˇ ma.

Hawˇseˬ 2:15

Aˬ yawꞈ-euˬ aˬ gaꞈ yaˇ kmˇ deuˬ, aˬ yawꞈ-ahˇ ngaˇ paˇ biꞈ kʼoꞈ-awˇ, shaˬ zahˬ deh kʼawꞈ kuˇ-euˬ kʼoeˇ tsahˇ, noeˬ tmˬ duˬ laˇ gʼoˆ bi pyeuꞈ ma. Aˇ hu aˬ yawꞈ miˬ daꞈ geuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh, doˆ laˇ ngeh ngehˬ cawˬ-euˬ loꞈ-ehˇ, ngaˬ-ahˇ ngehˬ cawˬ poˆ laˇ tehꞈ-a.

Hawˇseˬ 2:20

Ngaˬ-euˬ saˇ jaˇ-ahˇ ngaˇ ziꞈ-awˇ, nawˬ-ahˇ ngaˬ-euˬ bi pyeuꞈ tsehˆ ma. Ngaˇ Sahˬpaˬ Miˬyehˇ ngeuˇ meh lehˇ, nawˇ yaw muiˬ-ehˇ siˬ duˬ tehꞈ-a.

Yawˇnaˆ 2:10

Kʼoeˇ naˇ, Yawˇnaˆ-ahˇ lawˇ deh-ahˇ meh dzeh doˆ-eu gʼaˇ duˬ ngaˬ shaˬ kʼoeˇ mawˇ-ahˇ Sahˬpaˬ Miˬyehˇ dawˬ biꞈ-awˇ, ngaˬ shaˬ kʼoeˇ mawˇ Yawˇnaˆ-ahˇ meh dzeh doˆ-euˬ meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”