Hawˇseˬ 13:14 - Akha

¹⁴ Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Hawˇseˬ 13:14 ပူးပေါင်းရင်းမြစ်များ

Yawˇbaˆ 33:24

mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ gʼawˬ shaˬ haw gaˬ-awˇ, ‘Aˬ yawꞈ-ahˇ shiˇ-eu miˇ kʼahˬ-ahˇ maˬ bi keuˆ-iˇ ni pyehˬ nehˬ-awˬ. Pyehˬ nehˬ poeˬ ngaˇ biꞈ ma’ lehˇ ehˇ tehꞈ-a.

Yawˇbaˆ 41:22

Aˬ yawꞈ-euˬ kawˬ lahˇ-ahˇ baoˬ ahˇ-awˇ, aˬ yawꞈ-ahˇ kʼaˇ tahˬ puˬ-eu deuˬ guˆ dui dui-eu meh.

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Jaceuq 30:3

Shiˇ-eu lmˬbymˇ maˬbi keuˆni, ngaˬ-euˬsaꞈlaˇ-ahˇ ka kʼoꞈ-awˇ, duˬkʼahˬ-ahˇmaˬbi ga byoˆni, ngaˬ-ahˇnawˇbi dehꞈlaꞈ-euˬmeh.

Jaceuq 49:15

Ehˇ kʼawꞈ Miˬyehˇ ngaˬ-ahˇ ka kʼoꞈ le-awˇ, shiˇ-eu jeˬ-euˬ baoˬ laꞈ kʼoeˇ, ngaˬ-ahˇ bi dzeuˇ-iˇ laꞈ tehꞈ-a.

Jaceuq 49:16

Tsawˇ haˬ tiˬ gʼaˬ smˇ muiˬ muiˬ laˇ luꞈ-awˇ, pyuˇ shuiˇ myawˬ gahˬ myaˬ laˇ gaˇ ya mawˇ ngeh nui ma taˬ cawˆ.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 86:13

Nawˇ ngaˬ-ahˇ maˬ tsehˆ leˇ ni gaˬ-eu jeˬ huiˬ dui dui meh. Lmˬ bymˇ laꞈ kʼoeˇ ngaˬ-ahˇ nawˇ ka kʼoꞈ doˆ nehˬ laꞈ-euˬ meh.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

Iˇsaˬyaˇ 26:19

Shiˇ dzeuˇ-euˬ nga maꞈ tsawˇ haˬ deuˬ, paˇ gʼoꞈ doˆ laˇ tehꞈ-a. Aˬ yawꞈ maꞈ-euˬ gʼawˇ mawˇ paˇ gʼoꞈ dehꞈ laˇ tehꞈ-a. Lmˬ bymˇ-ahˇ yuꞈ-eu deuˬ gʼoꞈ dehꞈ doˆ laˇ jiˇ-awˇ, laˬ kʼaˬ cehˇ-eu caˇ dawˬ paˇ caˇ tehꞈ-a. Ceuˬ ga ngeh jawˇ miˇ tsaˬ dehꞈ zoˇ laˇ-eu loꞈ-ehˇ, aˇ hu neh shiˇ dzeuˇ-euˬ tsawˇ haˬ deuˬ-ahˇ, Sahˬpaˬ Miˬyehˇ bi dehꞈ zoˇ laˇ tehꞈ-a.

Yeˬlaˬmiˇ 15:6

Naw maꞈ ngaˬ-ahˇ byehˇ dzeh-euˬ meh. Naw maꞈ ngaˬ-ahˇ naˇ kʼah ciˬ pyawˇ nehˬ laꞈ-euˬ meh. Kʼoeˇ baˬ da neh ngaˇ nui ma pehˇ-eu maˬ dzahˬ tehˬ coeˇ-ehˇ, ngaˬ-euˬ aˬ laꞈ cawˬ doˆ leꞈ-awˇ, naw maꞈ-ahˇ baꞈ deh leꞈ-euˬ ma.

Yeˬlaˬmiˇ 20:16

Sahˬpaˬ Miˬyehˇ gʼawˬ shaˬ maˬ gaˬ nehˬ ni, laˆ cawˆ nehˬ-euˬ meuˬ deuˬ loꞈ-ehˇ, tsawˇ haˬ kʼoeˇ gʼaˬ-euˬ guiˬ lahˬ doeˇ luꞈ-uˇ. Uˬ shawˬ paw naˇ-awˇ mahˇ-eu teˇ saˇ-ahˇ ya gaˬ-awˇ, nah gʼahˇ paw guiˇ deuˆ-awˇ guˇ-eu teˇ saˇ ya gaˬ luꞈ-uˇ.

Yeˬlaˬmiˇ 31:35

Nah gʼahˇ paw bi bya-eu gʼaˇ duˬ, Sahˬpaˬ Miˬyehˇ nahˇ ma biꞈ-awˇ, uˬ ciꞈ paw bi bya-eu gʼaˇ duˬ, ba la hawˇ-eu aˬ guiˇ biꞈ taˬ-euˬ meh. Iˬ ma laˆ shaˆ-ahˇ aˬ yawꞈ sheu nyeh-awˇ, iˇ luˆ dzeh-awˇ bi mahˇ-euˬ meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh.

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Hawˇseˬ 7:10

Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ neh yaw haiˬ mˇ-euˬ, aˬ yawꞈ maꞈ gaˬ dehˆ taˬ-euˬ meh. Kʼoeˇ naˆ naˆ-ehˇ pyeuꞈ laˇ taˬ kʼawꞈ, aˬ yawꞈ maꞈ-euˬ Miˬyehˇ pyeuꞈ-eu, Sahˬpaˬ Miˬyehˇ jawˇ-eu paw dzeˇ, aˬ yawꞈ maꞈ maˬ gʼoꞈ pyawˇ laˇ-a.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

2 Gawˇliˬtu 5:4

Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

1 Teˇsaˬloˇni 4:14

Yeˬsuˇ shiˇ-awˇ paˇ gʼoꞈ dehꞈ laˇ-euˬ meh lehˇ aˬ dui jah-eu ma. Kʼoeˇ miˇ neh, Yeˬsuˇ-ahˇ jah jah-ehˇ shiˇ-euˬ tsawˇ haˬ deuˬ-ahˇ Yeˬsuˇ nehˬ-ehˇ tiˬ kawˆ loꞈ-ehˇ Miˬyehˇ sheuˬ kʼoꞈ laꞈ tehꞈ-a lehˇ aˬ dui jah-eu ma.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Panmaeq 20:13

Kʼoeˇ naˇ, iˬ ma laˆ shaˆ-aˬ, aˬ yawꞈ laꞈ kʼoeˇ shiˇ taˬ-euˬ tsawˇ haˬ deuˬ Miˬyehˇ-ahˇ a nehˬ-euˬ meh. Shiˇ-eu jeˬ maˬ ehˇ, shiˇ-eu miˇ kʼahˬ maˬ ehˇ, aˬ yawꞈ maꞈ neh kʼaˇ nyehꞈ tehˬ taˬ-euˬ shiˇ-euˬ tsawˇ haˬ deuˬ a nehˬ-euˬ meh. Kʼoeˇ naˇ, tsawˇ haˬ dawˬ tawˆ luꞈ yawˬ ha neh kʼaˇ mˇ dzeuˇ yaꞈ-euˬ loꞈ-ehˇ yaˇ kʼaˬ bi daˇ-euˬ meh.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Panmaeq 6:8

Ngaˇ haw gʼeh ngeh, pyuˇ pya ni gʼeh-eu mahˬ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ-aˬ, shiˇ-eu jeˬ lehˇ myahˇ-awˇ, aˬ yawꞈ-euˬ mehˬ nah tehˬ ni shiˇ-eu miˇ kʼahˬ caw teh luꞈ-eu meh. Guiˇ deuˆ-eu jeˬ, mehꞈ-eu shuꞈ-eu jeˬ, naˇ-eu gawˇ-eu jeˬ , jeˬ zaˬ yaw haiˬ jeˬ, heu loꞈ-ehˇ gʼeh-eu deuˬ-ahˇ gʼoe-awˇ aˬ cawˬ-ahˇ sehꞈ-eu gʼaˇ duˬ, miˇ tsaˬ heu oeˬ bymˇ tiˬ bymˇ kʼoeˇ taˆ uˆ lahˇ-eu baoˬ aˬ yawꞈ nyaꞈ-ahˇ biꞈ taˬ-euˬ meh.

1 Saˬmeuˬlaˆ 15:29

Iˇsaˬleˬlaˆ miˇ kʼahˬ-euˬ yawˬ shehꞈ kʼahˬ sehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ maˬ myawꞈ-a. Nui ma poˆ laˆ maˬ paˇ-a.”