Hawˇseˬ 13:1 - Akha

¹ Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Hawˇseˬ 13:1 ပူးပေါင်းရင်းမြစ်များ

Aˇ dahˬ 2:17

Ehˇ kʼawꞈ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ nawˇ maˬ ya pyaˆ dzaˬ-a. Pyaˆ dzaˬ naˇ, dzaˬ ngeh nah neh nawˇ ya shiˇ tehꞈ-a” lehˇ ehˇ nehˬ-euˬ meh.

1 Sahˬpaˬ 12:25

Iˇsaˬleˬlaˆ miˇ kʼahˬ-euˬ sahˬ paˬ Yeˬyawˇbamˬ-aˬ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu Sheˬkmˬ meuˬ-ahˇ yaw muiˬ paˬ-ehˇ paˇ laˆ ziꞈ-awˇ, kʼoeˇ gaˇ tiˬ kʼehˬ jawˇ-euˬ meh. Kʼoeˇ naˇ, aˬ yawꞈ doˆ-iˇ-awˇ, Peˬnoeˬlaˇ meuˬ paˇ laˆ ziꞈ-iˇ-euˬ meh.

Yawˇbaˆ 29:21

Ngaˇ nui noeˬ nui duˇ kʼaˇ biꞈ ngeh, dawˬ tawˆ luꞈ ciˬ cuˇ ni jawˇ-awˇ, yaw muiˬ paˬ-ehˇ naˇ haˬ geuꞈ-eu meh.

Yawˇbaˆ 29:22

Ngaˬ neh ngehˬ gʼaˬ tmˇ gʼaˬ-euˬ gaˇ, aˬ yawꞈ maꞈ ja kʼaˇ maˬ za-a. Ngaˬ-euˬ dawˬ uˬ yehˇ deh-euˬ loꞈ-ehˇ nyiꞈ leˇ-eu meh.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Iˇsaˬyaˇ 7:8

Suˇliˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Daˬmaˬsehˇ meuˬ taꞈ-ehˇ maˬ paˇ kʼaˆ dzehˬ-ehˇ, Daˬmaˬsehˇ meuˬ kʼawꞈ, sahˬ paˬ Leˬzeˬ aˬ yawꞈ-eu mawˇ do taꞈ-ehˇ maˬ paˇ kʼaˆ dzehˬ-aˇ. Iˇsaˬleˬlaˆ miˇ kʼahˬ-aˬ, mehˬ hu paw koꞈ tseˇ ngaˬ kʼoꞈ laꞈ kʼoeˇ, miˇ kʼahˬ tiˬ kʼahˬ maˬ paˇ pyeuꞈ ni pyaˆ-iˇ shaˆ-iˇ jiˇ tehꞈ-a.

Hawˇseˬ 11:2

Ehˇ kʼawꞈ, ngehˬ kuˇ ngehˬ iˇ iˇ-awˇ, ngaˬ-ahˇ gaˇ mahˇ kaˬ-iˇ-euˬ meh. Baˬlaˇ miˬyehˇ-ahˇ lawˇ nehˬ-awˇ, tahˬ pahˬ aˬ ma mawˇ kawˇ deuˬ-ahˇ, tsiˇ yaw saw doꞈ damˬ nehˬ-euˬ meh.

Hawˇseˬ 2:10

Yawꞈ-euˬ zaˬ kʼaˬ deuˬ-euˬ mehˬ shi, yawꞈ-ahˇ neˇ myawˆ ni lehˆ dzeh-awˇ, ngaˬ-euˬ baoˬ uˬ moˆ bi shaˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Hawˇseˬ 8:4

“Aˬ yawꞈ maꞈ sahˬ paˬ ka-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yuiꞈ aˬ tsu tseˇ doˆ-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yawꞈ maꞈ-euˬ pyuˇ kʼoˇ shuiˇ kʼoˇ, tahˬ pahˬ aˬ ma mawˇ kawˇ kʼaˇ-awˇ, yawˬ ha ya luˬ ya seˇ-iˇ ni, yawˬ haˇ yawˬ ha bymˬ luꞈ-eu meh.

Bawˇtsahˬ 10:22

Kʼoeˇ naˇ, Aˬmiˇhuˆ-euˬ aˬ li Eˇliˇshaˬmaˇ uˆ lahˇ-eu Eˇpaˬleˬ tsawˇ jeuˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, tiˬ maꞈ saˇ-iˬ tiˬ maꞈ ya doˆ-iˇ-eu meh.

Bawˇtsahˬ 13:16

Heu deuˬ-aˬ, miˇ kʼahˬ kʼoeˇ kʼahˬ-ahˇ bi kʼoeˬ sho haw leˇ-eu gʼaˇ duˬ, Moˇseˬ neh pyehˬ gʼeh-euˬ tsawˇ haˬ deuˬ meh. Nuˬ-euˬ aˬ li Awˇsheˬ-ahˇ, Yawˇshuˆ lehˇ aˬ yawꞈ myahˇ paˇ nehˬ-euˬ meh.

Bawˇtsahˬ 13:8

Eˇpaˬleˬ tsawˇ jeuˬ laꞈ kʼoeˇ, Nuˬ-euˬ aˬ li Awˇsheˬ

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

Yawˇshuˆ 3:7

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ dawˬ tawˆ luꞈ, nawˬ-ahˇ huiˬ-eu tsawˇ haˬ tiˬ gʼaˬ loꞈ-ehˇ taˬ huiˬ taˬ mahˇ-awˇ, Moˇseˬ nehˬ-ehˇ ngaˇ jawˇ-euˬ loꞈ-ehˇ nawˬ nehˬ-ehˇ kʼawꞈ ngaˇ jawˇ-eu gaˇ kawˆ aˬ yawꞈ maꞈ ya siˬ duˬ ni, iˬ nah ngaˇ mˇ ma.

Yaˇ kʼaˬ daˇ 12:1

Eˇpaˬleˬ tsawˇ haˬ deuˬ guiˇ deuˆ-eu gʼaˇ duˬ lehˬ hmˬ-awˇ, Yawˇdaˬ lawˇ baˬ tsehˆ doˆ-awˇ, Zaˬpoˬ meuˬ-ahˇ laˇ-awˇ, Yeˬpaˬtaˆ-ahˇ heu loꞈ-ehˇ ehˇ laˇ-euˬ meh. “Aˬ jeˬ miˇ neh nga maꞈ-ahˇ naw maꞈ maˬ kuˇ ni, miˇ kaˬ iˇ dzeuˇ-awˇ, Aˬmoˬ tsawˇ haˬ deuˬ-ahˇ guiˇ deuˆ-iˇ teˬ. Nawˬ-euˬ uˬ duˬ kʼoeˇ taˆ nawˬ-euˬ nymˇ nga maꞈ keuˬ puiˆ ma.”

Yaˇ kʼaˬ daˇ 8:1

Kʼoeˇ naˇ, Eˇpaˬleˬ tsawˇ haˬ deuˬ Giˇdoˬ-ahˇ ehˇ-eu, “Miˇdiˬyaˬ tsawˇ haˬ deuˬ-ahˇ nawˇ guiˇ deuˆ leˇ ngeh, aˬ jeˬ miˇ neh nga maꞈ-ahˇ maˬ kuˇ gaˬ teˬ. Aˬ jeˬ miˇ neh teu loꞈ-ehˇ jahˇ nehˬ laꞈ te” lehˇ ehˇ-awˇ, nui ma maˬ saˇ ni iˬ baˇ taˬ-euˬ meh.

1 Saˬmeuˬlaˆ 15:17

Saˬmeuˬlaˆ ehˇ-eu, “Nawˇ-aˬ, huiˬ-eu tsawˇ haˬ tiˬ gʼaˬ maˬ ngeuˇ lehˇ yawˬ haˇ yaw ha noeˬ kʼawꞈ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu kʼoeˇ taˆ aˬ yuiꞈ geuꞈ-awˇ sheuˬ gʼeh luꞈ-eu tsawˇ haˬ tiˬ gʼaˬ meh. Iˇsaˬleˬlaˆ miˇ kʼahˬ-euˬ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tsiˇ shehˆ daˆ taˬ-euˬ meh.