Hawˇseˬ 12:9 - Akha

⁹ Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, aˇ hu kʼaˇ shuiꞈ deh-ahˇ shaˬ ngeh, sehˬ gʼawˆ laꞈ kʼoeˇ jawˇ-euˬ loꞈ-ehˇ, naw maꞈ ya jawˇ poˆ ni jahˇ ma.

Hawˇseˬ 12:9 ပူးပေါင်းရင်းမြစ်များ

Aˇ dahˬ 25:27

Aˬ li kʼoeˇ nyiˬ li huiˬ laˇ ngeh, Iˇsawˇ gʼaˬ-aˬ, bawˇ cah cah-eu nui ma ahˇ-eu shaˬ mi aˬ da tiˬ gʼaˬ pyeuꞈ laˇ-euˬ meh. Yaˬkoˆ gʼaˬ-aˬ, ciˬ cuˇ ni iˇ kahˇ-ahˇ tehꞈ-ehˇ jawˇ-eu meh.

2 Saˬmeuˬlaˆ 7:2

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ aˬ yawꞈ ehˇ nehˬ-eu, “Shuˬ liˇ neh tsoˆ taˬ-euˬ nymˇ laꞈ kʼoeˇ ngaˇ jawˇ luꞈ-eu ma. Ehˇ kʼawꞈ, Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ tehꞈ-ehˇ jaˆ luꞈ-a siˬ.”

Eˇzaˬlaˬ 3:4

Zahˇ sahˇ kʼoꞈ jaˆ-eu loꞈ-ehˇ, Sehˬ gʼawˆ-euˬ bawˬ-iˬ aˬ yawꞈ maꞈ gʼeh-awˇ, aˬ yawꞈ nah yawꞈ ya lawˇ-eu jeˬ lawˇ-euˬ meh.

Jaceuq 49:7

Tsawˇ haˬ tiˬ gʼaˬ-iˬ yawˬ haˇ yawˬ ha maˬ ka kʼoꞈ nya-a. Aˬ yawꞈ-euˬ saꞈ laˇ aˇ poeˬ Miˬyehˇ-ahˇ maˬ biꞈ tsehˆ nya-a.

Jaceuq 81:10

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ gʼaˬ ngaˇ ma. Naw maꞈ-euˬ kʼaˬ meh mˇ nga-awˬ. Naw maꞈ-ahˇ ngaˇ bi dzaˬ bi dawˇ ma.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Dawqdaq 30:12

Yawˬ haˇ yawˬ ha yaw shawˇ ma lehˇ noeˬ-eu jawꞈ dui dui-eu tsawˇ haˬ jawˇ-eu meh.

Yeˬlaˬmiˇ 35:7

Nymˇ maˬ tsoˆ, deh yaˇ maˬ mˇ ni ya jawˇ-awˇ, aˬ gaꞈ yaˇ kmˇ mˇ-eu maˬ ehˇ, zeuˇ-eu maˬ ehˇ, maˬ ya jahˇ-a lehˇ, nga maꞈ-ahˇ aˬ yawꞈ ehˇ taˬ-euˬ meh. Boeˇ miˬ siˬ kʼaˬ loꞈ-ehˇ nga maꞈ ya jawˇ luꞈ-eu miˇ kʼahˬ heu kʼahˬ laꞈ kʼoeˇ, gʼawˬ myahˇ ni ya jawˇ daˆ leꞈ-eu gʼaˇ duˬ, aˬ myah luꞈ sehˬ gʼawˆ tehꞈ-ehˇ gʼawˆ-awˇ ya jawˇ meh lehˇ, aˬ yawꞈ dawˬ biꞈ taˬ-euˬ meh.

Yeˬlaˬmiˇ 5:27

Aˇ jiˇ kʼmˇ-eu tsawˇ haˬ kʼa loˇ nyehꞈ byah taˬ-euˬ loꞈ-ehˇ, myawꞈ geuꞈ kʼaˆ geuꞈ taˬ-euˬ myawˬ gahˬ, aˬ yawꞈ maꞈ-euˬ nymˇ laꞈ kʼoeˇ byah-eu meh. Kʼoeˇ miˇ neh aˬ yawꞈ maꞈ smˇ muiˬ muiˬ-awˇ baoˬ ahˇ-eu meh.

Hawˇseˬ 11:1

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ yaw nyiˇ gʼeh ngeh, aˬ yawꞈ-ahˇ ngaˇ gaˬ dui dui-awˇ, ngaˬ-euˬ aˬ li tiˬ gʼaˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ kʼoꞈ doˆ laꞈ-euˬ ma.

Hawˇseˬ 13:4

Sahˬpaˬ Miˬyehˇ ehˇ-eu dawˬ-aˬ, “Sahˬpaˬ Miˬyehˇ pyeuꞈ-eu ngaˇ-aˬ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ nehˬ laꞈ-euˬ, naw maꞈ-euˬ Miˬyehˇ pyeuꞈ-eu ma. Naw maꞈ-euˬ Miˬyehˇ ngaˇ tehꞈ ma. Ka kʼoꞈ nehˬ-euˬ gʼaˬ ngaˇ tehꞈ ma.

Hawˇseˬ 2:15

Aˬ yawꞈ-euˬ aˬ gaꞈ yaˇ kmˇ deuˬ, aˬ yawꞈ-ahˇ ngaˇ paˇ biꞈ kʼoꞈ-awˇ, shaˬ zahˬ deh kʼawꞈ kuˇ-euˬ kʼoeˇ tsahˇ, noeˬ tmˬ duˬ laˇ gʼoˆ bi pyeuꞈ ma. Aˇ hu aˬ yawꞈ miˬ daꞈ geuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh, doˆ laˇ ngeh ngehˬ cawˬ-euˬ loꞈ-ehˇ, ngaˬ-ahˇ ngehˬ cawˬ poˆ laˇ tehꞈ-a.

Uˬ duˬ 19:36

Tsaˬ-eu daˇ dza, tsaˬ-eu lu jawꞈ-i hawˇ-eu, tsaˬ-eu cehˇ pehˬ zmˬ-awˬ. Ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ nehˬ-euˬ ma.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.

Zaˬkaˬliˇ 11:5

Zeuˇ-eu tsawˇ haˬ deuˬ yawˇ kʼoeˇ deuˬ-ahˇ sehꞈ kʼawꞈ, yaˇ kʼaˬ daˇ gaˇ maˬ ya daˬ-a. Aˬ yawꞈ maꞈ shaˬ jiˇ sehꞈ ahˬ-awˇ, ‘Nga maꞈ smˇ muiˬ muiˬ laˇ-euˬ miˇ neh, Sahˬpaˬ Miˬyehˇ-ahˇ ja ceuˬ ma’ lehˇ ehˇ-eu meh. Yawˇ kʼoeˇ deuˬ-ahˇ bo-eu yaw sahˇ gʼaˬ kʼawꞈ, yawˇ kʼoeˇ deuˬ-ahˇ gʼawˬ shaˬ maˬ gaˬ-a.

Bawˇtsahˬ 15:41

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ naw maꞈ-euˬ Miˬyehˇ pyeuꞈ laˇ ni, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Ngaˇ-aˬ, Sahˬpaˬ Miˬyehˇ ma.”

Yoˇhaˬ 7:2

Sehˬ gʼawˆ-euˬ Bawˬ-iˬ gʼeh-eu aˇ yamˬ peh laˇ-euˬ meh.