Hawˇseˬ 12:8 - Akha

⁸ ‘Nga maꞈ smˇ muiˬ muiˬ dui dui ma. Maˬ sui maˬ dawˇ-eu jeˬ laꞈ kʼoeˇ, pyuˇ shuiˇ laˆ jaˆ taˬ-euˬ meh lehˇ, tsawˇ haˬ tiˬ gʼaˬ-iˬ nga maꞈ-ahˇ, maˬ ngehˬ nya-a’ lehˇ ehˇ-eu meh.

Hawˇseˬ 12:8 ပူးပေါင်းရင်းမြစ်များ

Jaceuq 49:6

pyuˇ shuiˇ myawˬ gahˬ-ahˇ gʼoe-eu tsawˇ haˬ deuˬ, smˇ muiˬ muiˬ gaˇ kʼahˬ sehˇ jehˆ-eu tsawˇ haˬ deuˬ, haiˬ-eu tsawˇ haˬ kʼoeˇ deuˬ-ahˇ ngaˇ maˬ guˆ.

Jaceuq 52:7

“Yawˬ ha-euˬ pyuˇ shuiˇ myawˬ gahˬ-ahˇ nui kʼaˬ tsmˬ-awˇ, yaw haiˬ jeˬ-ahˇ gʼoe-awˇ yaw dehꞈ dehꞈ-eu, Miˬyehˇ-ahˇ maˬ gʼoe-eu tsawˇ haˬ teu gʼaˬ-ahˇ haw-awˬ” lehˇ ehˇ tehꞈ-a.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Dawqdaq 30:12

Yawˬ haˇ yawˬ ha yaw shawˇ ma lehˇ noeˬ-eu jawꞈ dui dui-eu tsawˇ haˬ jawˇ-eu meh.

Dawqdaq 30:20

Saˇ jaˇ maˬ jawˇ-eu miˬ zaˬ tiˬ gʼaˬ-euˬ bawˬ toˆ-aˬ, aˬ cawˬ aˬ da nehˬ-ehˇ joe-awˇ, iˇ cuꞈ dzuiꞈ shawˇ gʼaˬ-awˇ neh, “Ngaˇ tiˬ jeˬ-iˬ maˬ bahˬ” lehˇ ehˇ nya-eu meh.

Yeˬlaˬmiˇ 2:23

Baˬlaˇ miˬ yehˇ-ahˇ nawˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ laˆ jawꞈ-aˬ lehˇ nawˇ aˬ joˆ-ehˇ ehˇ nya nmˇ. Deh kʼawꞈ-ahˇ nawˇ iˬ baˇ mˇ taˬ-euˬ gaˇ haw sheˇ. Nawˬ neh mˇ-euˬ gaˇ deuˬ shaˇ noeˬ haw sheˇ. Nawˇ-aˬ, aˇ caˆ behˇ tsehˆ-awˇ cehˆ luꞈ-eu, law taw aˬ ma-ahˇ duˇ-eu nga.

Yeˬlaˬmiˇ 2:35

‘Ngaˇ tiˬ jeˬ-iˬ iˬ baˇ maˬ ahˇ. Sahˬpaˬ Miˬyehˇ ngaˬ-ahˇ nui ma maˬ pehˇ-a’ lehˇ, naw maꞈ ehˇ luꞈ-eu meh. Ehˇ kʼawꞈ, naw maꞈ iˬ baˇ maˬ ahˇ lehˇ myawꞈ-eu baˬ da neh, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼehˬ ma.

Yeˬlaˬmiˇ 5:27

Aˇ jiˇ kʼmˇ-eu tsawˇ haˬ kʼa loˇ nyehꞈ byah taˬ-euˬ loꞈ-ehˇ, myawꞈ geuꞈ kʼaˆ geuꞈ taˬ-euˬ myawˬ gahˬ, aˬ yawꞈ maꞈ-euˬ nymˇ laꞈ kʼoeˇ byah-eu meh. Kʼoeˇ miˇ neh aˬ yawꞈ maꞈ smˇ muiˬ muiˬ-awˇ baoˬ ahˇ-eu meh.

Yeˬsaˬgeˬlaˇ 28:5

Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Hawˇseˬ 4:8

Ngaˬ-euˬ tsawˇ jeuˬ iˬ baˇ mˇ-eu, yawꞈ maꞈ dzaˬ gʼo doˆ-eu miˇ neh, iˬ baˇ ngehˬ mˇ ngehˬ mawꞈ-eu meh.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Haˬbaˬkuˆ 1:16

Za baˬ da neh smˇ muiˬ muiˬ-awˇ, yaw kuiˇ ya dzaˬ dehˆ-eu miˇ neh, za-ahˇ aˬ yawꞈ uˬ duˬ tahˬ-awˇ, lawˇ-eu shehˇ-eu jeˬ mˇ-euˬ meh.

Zaˬkaˬliˇ 11:5

Zeuˇ-eu tsawˇ haˬ deuˬ yawˇ kʼoeˇ deuˬ-ahˇ sehꞈ kʼawꞈ, yaˇ kʼaˬ daˇ gaˇ maˬ ya daˬ-a. Aˬ yawꞈ maꞈ shaˬ jiˇ sehꞈ ahˬ-awˇ, ‘Nga maꞈ smˇ muiˬ muiˬ laˇ-euˬ miˇ neh, Sahˬpaˬ Miˬyehˇ-ahˇ ja ceuˬ ma’ lehˇ ehˇ-eu meh. Yawˇ kʼoeˇ deuˬ-ahˇ bo-eu yaw sahˇ gʼaˬ kʼawꞈ, yawˇ kʼoeˇ deuˬ-ahˇ gʼawˬ shaˬ maˬ gaˬ-a.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

Maˬlaˬkiˇ 3:13

Sahˬpaˬ Miˬyehˇ ehˇ-euˬ, “Ngaˬ-ahˇ coeˬ dui dui laˇ-eu dawˬ naw maꞈ ngehˬ-euˬ meh. Ehˇ kʼawꞈ, ‘Nga maꞈ nawˬ-ahˇ aˬ jeˬ ehˇ taˬ-euˬ jaˆ ta’ lehˇ naw maꞈ ehˇ-eu meh.

Luˇkaꞈ 10:29

Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

Luˇkaꞈ 16:13

“Tsawˇ haˬ tiˬ gʼaˬ-iˬ baw leˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.”

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.