Hawˇseˬ 12:6 - Akha

⁶ Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Hawˇseˬ 12:6 ပူးပေါင်းရင်းမြစ်များ

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

Jaceuq 123:2

Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Doˆ-iˇ 3:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ neh, nawˬ-ahˇ aˬ yawꞈ maꞈ jawˇ gaˇ bi oe-euˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Heu-aˬ, mˬ maˬ maˬ byaˆ zaˇ ziˇ ziꞈ-eu ngaˬ-euˬ tsawˇ myahˇ pyeuꞈ-eu ma. Tiˬ ziˇ saˇ-iˬ tiˬ ziˇ, ngaˬ-euˬ tsawˇ myahˇ-ahˇ heu loꞈ-ehˇ ya kuˇ tehꞈ-a.

Dawqdaq 1:23

Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Iˇsaˬyaˇ 1:16

Yawˬ haˇ yawˬ ha tsiˬ shawˇ-awˬ. Yawˬ haˇ yawˬ ha mˇ shawˇ-awˬ. Ngaˬ-euˬ mehˬ shi naw maꞈ kʼaˇ mˇ-euˬ yaw haiˬ jeˬ, dawˬ tawˆ luꞈ byehˇ dzeh-awˬ. Yaw haiˬ jeˬ maˬ mˇ ni dehꞈ paˇ-awˬ.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 31:6

Iˇsaˬleˬlaˆ tsawˇ haˬ deuˬ-oˇ, dzeuˇ laˇ ngeh naw maꞈ iˬ baˇ mˇ-awˇ ngaˬ-ahˇ puiˬ-eu kʼawꞈ, ngaˇ jawˇ gaˇ gʼoꞈ kʼoꞈ laˇ-awˬ.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Yawˇlaˆ 2:12

Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni, naw maꞈ-euˬ iˬ baˇ noeˬ poˆ-awˇ, maˬ dzaˬ-eu zahˇ jahˇ-eu laꞈ kʼoeˇ, nui noeˬ shaˬ-awˇ ngoeˇ-eu laꞈkʼoeˇ, ngaˇ jawˇ gaˇ paˇ gʼoꞈ kʼoꞈ laˇ-awˬ.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Aˬmoˆ 5:24

Ehˇ kʼawꞈ, dawˇ coe ni yaˇ kʼaˬ daˇ-eu jeˬ lawˇ gawˆ loꞈ-ehˇ bi yoeˇ le-awˇ, yaw tsaˬ yaw dawˇ jeˬ tiˬ jawˇ-iˬ maˬ tsiˇ leˇ-eu lawˇ baˬ loꞈ-ehˇ bi yoeˇ le-awˬ.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Zaˬkaˬliˇ 1:3

Ehˇ kʼawꞈ, nymˬ-mˇ naw maꞈ ngaˇ jawˇ gaˇ gʼoꞈ laˇ-awˬ. Ngaˇ kʼawꞈ naw maꞈ jawˇ gaˇ gʼoꞈ le ma lehˇ ngaˇ ehˇ-eu ma.

Zaˬkaˬliˇ 7:9

“Aˇ hu ba ngaˬ-euˬ tsawˇ haˬ deuˬ-ahˇ ngaˇ heu loꞈ-ehˇ dawˬ biꞈ-euˬ ma. ‘Yaw tsaˬ yaw dawˇ jeˬ-ahˇ naw maꞈ tuˆ tehˬ taˬ-awˇ, aˬ cawˬ-ahˇ gʼawˬ shaˬ gaˬ-eu nui ma ya ahˇ meh.

Zaˬkaˬliˇ 8:16

Naw maꞈ heu loꞈ-ehˇ mˇ-awˬ. Tiˬ gʼaˬ tiˇ gʼaˬ yaw tsaˬ yaw dawˇ jeˬ ngehˬ-awˬ tmˇ-awˬ. Yaˇ kʼaˬ daˇ ngeh, yaw tsaˬ yaw dawˇ dawˇ-ehˇ daˇ nehˬ-awˬ.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.