Hawˇseˬ 12:4 - Akha

⁴ Mˬ taˆ gʼaˬ kʼehˇ-ahˇ dawꞈ gʼaˬ-awˇ, ngoeˇ-awˇ guiˬ lahˬ shaˇ geuꞈ-euˬ meh. Beˬdeˬlaˇ lehˇ kuˇ-eu tsahˇ-ahˇ, Miˬyehˇ aˬ yawꞈ jawˇ gaˇ oe-awˇ, aˬ yawꞈ-ahˇ dawˬ ngehˬ cawˬ-euˬ meh.

Hawˇseˬ 12:4 ပူးပေါင်းရင်းမြစ်များ

Aˇ dahˬ 25:26

Jeˬ nah dehꞈ le-euˬ gʼaˬ-aˬ, Iˇsawˇ-euˬ aˬ kuiˇ kuiˇ nuiꞈ-ahˇ ziꞈ dah ni tsuˆ tehˬ-awˇ dehꞈ doˆ le-euˬ miˇ neh, Yaˬkoˆ lehˇ myahˇ nehˬ-euˬ meh. Aˬ yawꞈ nyaꞈ nmˇ dehꞈ le ngeh, Iˇtsaˆ koꞈ tseˇ kʼoꞈ kʼawˆ laˇ-euˬ meh.

Aˇ dahˬ 32:24

Ehˇ kʼawꞈ, aˬ yawꞈ tiˬ gʼaˬ tehꞈ-ehˇ nui baˬ-ahˇ jawˇ yaꞈ-euˬ meh. Kʼoeˇ ngeh, tsawˇ haˬ tiˬ gʼaˬ oe-awˇ, uˬ ciꞈ miˇ lah-ehˇ aˬ yawꞈ nehˬ-ehˇ dawꞈ ceh ceh-awˇ, uˬ bya dawꞈ bya-euˬ meh.

Aˇ dahˬ 32:25

Yaˬkoˆ-ahˇ aˬ yawꞈ maˬ dawꞈ gʼaˬ nya luꞈ-a lehˇ tsawˇ haˬ kʼoeˇ gʼaˬ siˬ duˬ ngeh, Yaˬkoˆ-euˬ shaˬ pyaˬ kʼehꞈ-ahˇ teˇ-awˇ, shaˬ pyaˬ myaˆ teˇ puiˇ nehˬ-euˬ meh.

Aˇ dahˬ 32:26

“Ngaˬ-ahˇ pyehˬ-awˇ bi iˇ laꞈ-awˬ. Uˬ bya bya laˇ shaw-iˬ ngaˇ” lehˇ, tsawˇ haˬ kʼoeˇ gʼaˬ Yaˬkoˆ-ahˇ ehˇ-eu meh. “Ngaˬ-ahˇ dawˬ ngehˬ maˬ gʼeh nehˬ laꞈ kʼoeˇ keuˆ ni, ngaˇ nawˬ-ahˇ maˬ pyehˬ nehˬ” lehˇ, aˬ yawꞈ-ahˇ Yaˬkoˆ ehˇ nehˬ-euˬ meh.

Aˇ dahˬ 32:29

“Nawˬ-euˬ tsawˇ myahˇ ngaˬ-ahˇ tiˬ poˆ ehˇ nehˬ laꞈ sheˇ” lehˇ, tsawˇ haˬ kʼoeˇ gʼaˬ-ahˇ Yaˬkoˆ ehˇ nehˬ ngeh, “Aˬ jeˬ miˇ neh nawˇ ngaˬ-euˬ tsawˇ myahˇ siˬ nya mawꞈ-eu nya” lehˇ tsawˇ haˬ kʼoeˇ gʼaˬ ehˇ-eu meh. Kʼoeˇ naˇ, Yaˬkoˆ-ahˇ aˬ yawꞈ dawˬ ngehˬ gʼeh nehˬ-euˬ meh.

Aˇ dahˬ 35:15

Jawˇ duˬ kʼoeˇ tsahˇ-ahˇ Beˬdeˬlaˇ lehˇ aˬ yawꞈ myahˇ nehˬ-euˬ meh.

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

Jaceuq 66:6

Iˬ ma laˆ shaˆ-ahˇ gui coˇ ni gʼeh-eu miˇ tsaˬ bi pyeuꞈ-iˇ-awˇ, aˬ dui-euˬ aˬ poeˬ aˬ bawˇ deuˬ lawˇ baˬ baˬ ma-ahˇ aˬ kuiˇ neh tsehˆ-euˬ meh. Aˬ yawꞈ neh mˇ-euˬ gaˇ baˬ da neh, kʼoeˇ gaˇ aˬ dui laˬ kʼaˬ cehˇ-euˬ ma.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.