Hawˇseˬ 11:9 - Akha

⁹ Ngaˬ-euˬ nui pehˇ huiˬ-eu baˬ da, nawˬ-ahˇ ngaˇ maˬ paˇ kʼehˬ nehˬ ma. Iˇsaˬleˬlaˆ-oˇ, nawˬ-ahˇ ngaˇ, tiˬ jawˇ-iˬ maˬ paˇ laˆ cawˆ ma. Aˬ jeˬ miˇ neh ehˇ naˇ, ngaˇ Miˬyehˇ ma. Tsawˇ haˬ maˬ ngeuˇ. Muiˬ-eu shawˇ-eu gʼaˬ pyeuꞈ-eu ngaˇ, naw maꞈ nehˬ-ehˇ jawˇ-eu gʼaˬ ma. Nui naꞈ nui pehˇ ahˇ-eu laꞈ kʼoeˇ, naw maꞈ jawˇ gaˇ maˬ paˇ oe ma.

Hawˇseˬ 11:9 ပူးပေါင်းရင်းမြစ်များ

2 Saˬmeuˬlaˆ 20:10

Yoˇbaˬ-euˬ aˇ caˇ laꞈ-ahˇ tuˆ tehˬ taˬ-euˬ mi cehˇ-ahˇ Aˬmaˬsaˬ maˬ mawˇ nya-ehˇ, Yoˇbaˬ neh uˬ maˆ bi tsawˆ byoe-awˇ, baw uˇ miˇ tsa ga doˆ le-euˬ meh. Yoˇbaˬ gʼaˬ laꞈ lahˬ maˬ ka dah mi naˆ-ehˇ, aˬ yawꞈ tiˬ poˆ tehꞈ-ehˇ shiˇ tsehˆ-euˬ meh. Kʼoeˇ naˇ, Yoˇbaˬ hawˇ-eu Aˬbiˇshaiˇ aˬ nyaꞈ nmˇ Sheˬba-euˬ mehˬ nah teh-iˇ-eu lehˇ doˆ-iˇ-euˬ meh.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 41:16

Aˬ yawꞈ maꞈ-ahˇ dzeh diˇ-awˇ, jaˬ lehˇ neh bi baw byoˆ gʼeh-awˇ, jaˬ lehˇ lehˇ ma neh bi hehˇ dzaˬ tehꞈ-a. Kʼoeˇ naˇ, ngaˇ naw maꞈ-euˬ Miˬyehˇ pyeuꞈ-eu miˇ neh, naw maꞈ laˬ kʼaˬ ya cehˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, naw maꞈ ja ceuˬ tehꞈ-a.

Iˇsaˬyaˇ 48:9

“Ngaˬ-euˬ tsawˇ myahˇ baˬ da neh nui pehˇ ngaˇ dzahˬ tehˬ-awˇ, ngaˬ-ahˇ ja ceuˬ-eu jeˬ baˬ da neh ngaˇ oˇ oꞈ-awˇ, nawˬ-ahˇ maˬ laˆ cawˆ ni taˬ nehˬ-euˬ ma.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Yeˬlaˬmiˇ 26:3

Tsawˇ haˬ kʼoeˇ deuˬ ngaˬ-euˬ dawˬ-ahˇ naˇ haˬ geuꞈ-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ-ahˇ byehˇ dzeh-eu baw le. Aˬ yawꞈ maꞈ kʼoeˇ loꞈ-ehˇ dehꞈ paˇ naˇ, aˬ yawꞈ maꞈ neh mˇ-euˬ yaw haiˬ jeˬ baˬ da neh, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-eu luˬ-iˇ seˇ-iˇ-eu jeˬ, maˬ paˇ bi keuˆ le ni byehˇ ma.”

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

1 Saˬmeuˬlaˆ 26:8

Daˬbiˇ-ahˇ Aˬbiˇshaiˇ ehˇ nehˬ-eu, “Nymˇ ciꞈ nawˬ-ahˇ muiˇ-eu gʼaˬ-ahˇ, nawˬ-euˬ aˬ laꞈ laꞈ kʼoeˇ Miˬyehˇ a nehˬ laꞈ-euˬ ngaˇ. Aˬ yawꞈ-euˬ gahˬ neh aˬ yawꞈ-ahˇ miˇ tsa tsawˆ tsoˆ nehˬ-eu gʼaˇ duˬ ngaˬ-ahˇ aˬ kawˬ-aˬ biꞈ laꞈ-awˬ. Nyiˬ laꞈ luꞈ tuˆ tehˬ-awˇ maˬ tsawˆ ni, tiˬ laꞈ tehꞈ-ehˇ tsawˆ ma.”