Hawˇseˬ 11:7 - Akha

⁷ Ngaˬ-ahˇ byehˇ-awˇ cehˆ-eu gʼaˇ duˬ, ngaˬ-euˬ tsawˇ haˬ zeuˆ pyawˇ-euˬ meh. Kʼaˆ baꞈ kah dui dui-eu miˇ neh, aˬ yawꞈ maꞈ guˇ guˇ-ehˇ ngoeˇ kʼawꞈ, baꞈ ka nehˬ-eu gʼaˬ maˬ jawˇ-aˇ.

Hawˇseˬ 11:7 ပူးပေါင်းရင်းမြစ်များ

Jaceuq 81:11

Ehˇ kʼawꞈ, ngaˬ-euˬ ehˇ dawˬ-ahˇ ngaˬ-euˬ tsawˇ haˬ deuˬ maˬ naˇ haˬ-a. Ngaˬ-euˬ ehˇ dawˬ Iˇsaˬleˬlaˆ maˬ geuꞈ-a.

Dawqdaq 14:14

Tsawˇ doeˇ laꞈ taꞈ yaw cawˆ jeˬ keuˆ le-awˇ, tsawˇ muiˬ mehˬ shi guiˬ lahˬ jaˆ tehꞈ-a.

Iˇsaˬyaˇ 26:10

Maˬ tsaˬ maˬ dawˇ-eu deuˬ-ahˇ nawˇ gʼawˬ shaˬ gaˬ kʼawꞈ, yaw tsaˬ yaw dawˇ jeˬ-ahˇ aˬ yawꞈ maꞈ maˬ poˆ-a. Yaw tsaˬ yaw dawˇ miˇ kʼahˬ heu laꞈ kʼoeˇ kʼawꞈ, miˇ kʼahˬ zaˬ deuˬ yaw lehˬ mˇ-awˇ, nawˬ-euˬ yaw shehꞈ kʼahˬ sehˇ-ahˇ, aˬ yawꞈ maꞈ maˬ mawˇ nya-a.

Yeˬlaˬmiˇ 14:7

Ngaˬ-euˬ tsawˇ haˬ deuˬ ngaˬ-ahˇ heu loꞈ-ehˇ shaˇ-eu meh. Nga maꞈ iˬ bahˇ ahˇ-eu bya tsehˆ ni jaˆ luꞈ kʼawꞈ, Sahˬpaˬ Miˬyehˇ nawˬ neh saˇ jaˇ dzaˬ-euˬ loꞈ-ehˇ, nga maꞈ-ahˇ ngehˬ gʼeh nehˬ laꞈ-awˬ. Nga maꞈ nawˬ-ahˇ gʼawˬ mya poˆ byehˇ dzeh-awˇ, nawˬ-ahˇ mˇ bahˬ laˆ bahˬ-euˬ ma.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 3:11

Iˇsaˬleˬlaˆ aˬ yawꞈ-ahˇ byehˇ dzeh-euˬ kʼawꞈ, saˇ jaˇ maˬ ziꞈ-eu Yuˇdaˆ naˆ maˬ tseˇ maˬ gaˇ meh lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Yeˬlaˬmiˇ 7:25

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ tiˬ nah neh iˬ nah keuˆ ni, ngaˬ-euˬ gʼaˇ duˬ bi ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ leꞈ-euˬ ma.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Yeˬlaˬmiˇ 8:5

Toˆ-ehˇ ngeuˇ naˇ aˬ jeˬ miˇ neh naw maꞈ mehˬ shiˬ ciˬ pyawˇ-awˇ doˆ-iˇ-euˬ, maˬ gʼoꞈ kʼoꞈ laˇ ni iˇ byoˆ te. Naw maꞈ tahˬ pahˬ aˬ ma mawˇ kawˇ maˬ byehˇ coeˇ-ehˇ, ngaˇ jawˇ gaˇ maˬ gʼoꞈ poˆ laˇ-a.

Hawˇseˬ 11:2

Ehˇ kʼawꞈ, ngehˬ kuˇ ngehˬ iˇ iˇ-awˇ, ngaˬ-ahˇ gaˇ mahˇ kaˬ-iˇ-euˬ meh. Baˬlaˇ miˬyehˇ-ahˇ lawˇ nehˬ-awˇ, tahˬ pahˬ aˬ ma mawˇ kawˇ deuˬ-ahˇ, tsiˇ yaw saw doꞈ damˬ nehˬ-euˬ meh.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Hawˇseˬ 4:16

Mawˇ neˇ mawˇ kʼaˇ yaw gahˇ loꞈ-ehˇ, Iˇsaˬleˬlaˆ nui ma gʼahˇ meh. Muiˬ dui dui-eu gaˆ dzaˬ duˬ-ahˇ, gaˆ dzaˬ luꞈ-eu yawˇ zaˬ loꞈ-ehˇ, Sahˬpaˬ Miˬyehˇ aˬ yawꞈ maꞈ-ahˇ, bi dzaˬ bi dawˇ nya tehꞈ-a loˇ.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”