Hawˇseˬ 11:4 - Akha

⁴ Nui gaˬ shaˬ coeˇ byah-eu laꞈ kʼoeˇ, aˬ yawꞈ maꞈ-ahˇ ngaˇ tsahˇ-euˬ ma. Aˬ yawꞈ maꞈ-ahˇ ciˬ cuˇ cuˇ-awˇ, baˬ ba tiˬ gaˇ ciˬ tawꞈ-euˬ ma. Ngaˬ-euˬ gʼawˇ mawˇ awˆ kʼoꞈ nehˬ-awˇ, aˬ yawꞈ maꞈ-ahˇ bi dzaˬ-euˬ ma.

Hawˇseˬ 11:4 ပူးပေါင်းရင်းမြစ်များ

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

Jaceuq 105:40

Aˬ yawꞈ maꞈ shaˇ dzaˬ-eu loꞈ-ehˇ kʼahˬ zaˬ laˬ ma pyehˬ gʼeh leꞈ-awˇ, nui kʼahˇ tiˬ shiˇ ya dzaˬ dehˆ ni, mˬ taˆ neh dzaˬ dzaˬ dawˇ dawˇ biꞈ ka leꞈ-euˬ meh.

Doˆ-iˇ 16:32

Moˇseˬ ehˇ-eu, “Sahˬpaˬ Miˬyehˇ aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ ngeh, bawˇ tsahˬ bawˇ dahˇ laꞈ kʼoeˇ aˬ dui dzaˬ-eu gʼaˇ duˬ aˬ yawꞈ neh biꞈ laꞈ-euˬ dzaˇ-ahˇ, aˬ kaˇ, aˬ dui-euˬ zaˬ deuˬ uˆ deuˬ kʼawꞈ ya mawˇ haw ni, aˬ yawꞈ maꞈ gʼaˇ duˬ, maˬnaˆ kaˬ muˇ ui cuiˆ jeˬ hmˬ taˬ-awˬ lehˇ Sahˬpaˬ Miˬyehˇ ehˇ-eu meh.”

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

Dawˬmehˬ 32:12

Miˬ yehˇ nui gʼaˬ-ahˇ maˬ gʼoe ni, Sahˬpaˬ Miˬyehˇ tiˬ gʼaˬ tehꞈ-ehˇ, aˬ yawꞈ maꞈ-ahˇ sheuˬ doˆ-euˬ meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.