Hawˇseˬ 11:3 - Akha

³ Iˇsaˬleˬlaˆ cah nya laˇ ni, cah dzawˇ dzawˇ nehˬ-euˬ gʼaˬ ngaˇ ma. Ngaˬ neh ciˬ huiˬ ciˬ mahˇ-euˬ kʼawꞈ, aˬ yawꞈ maꞈ-ahˇ ngaˇ haw meh lehˇ, tiˬ pawꞈ-iˬ maˬ noeˬ doˆ leˇ-a.

Hawˇseˬ 11:3 ပူးပေါင်းရင်းမြစ်များ

Jaceuq 107:20

Aˬ yawꞈ-euˬ dawˬ neh aˬ yawꞈ maꞈ-ahˇ laˆ saˆ taˬ-awˇ, shiˇ gaˇ maˬ bi keuˆ ni ka kʼoꞈ-euˬ meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Doˆ-iˇ 19:4

“Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ-awˇ, kʼaˬ dzeˇ dzeˇ ma tiˬ mawˇ, yawˬ ha-euˬ zaˬ-ahˇ aˬ dahˇ kʼoeˇ taˆ euˬ-awˇ zaw gʼeh-eu loꞈ-ehˇ, ngaˇ jawˇ-eu jawˇ duˬ heu tsahˇ-ahˇ, naw maꞈ-ahˇ ngaˇ sheuˬ doˆ laꞈ-euˬ naw maꞈ siˬ nya-eu meh.

Doˆ-iˇ 23:25

Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ naw maꞈ uˬ duˬ tahˬ naˇ, ngaˇ naw maꞈ-ahˇ dzaˬ dzaˬ dawˇ dawˇ hawˇ-eu iˇ cuꞈ guiˬ lahˬ biꞈ-awˇ, naw maꞈ kʼoeˇ taˆ naˇ-eu gawˇ-eu jeˬ maˬ bi keuˆ le ni yuˇ dzeh ma.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 46:3

“Yaˬkoˆ-euˬ zaˬ deuˬ uˆ deuˬ-oˇ, Iˇsaˬleˬlaˆ tsawˇ jeuˬ laꞈ kʼoeˇ kʼaˇ dzeˇ luꞈ-eu deuˬ-oˇ, ngaˇ ehˇ gaˇ naˇ haˬ-awˬ. Naw maꞈ dehꞈ le ngeh tiˬ nah neh, naw maꞈ-ahˇ ngaˇ bo saˆ-euˬ ma.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Hawˇseˬ 7:1

Iˇsaˬleˬlaˆ tsawˇ haˬ deuˬ-ahˇ, naˇ gawˇ dawˬ tawˆ laˆ taˬ nehˬ-awˇ, paˇ bi dehꞈ doˆ laˇ ma ehˇ ngeh, ngaˬ-euˬ myaˆ-ahˇ mawˇ laˇ-eu-aˬ, aˬ yawꞈ maꞈ neh mˇ byah taˬ-euˬ, yaw haiˬ hawˇ-eu yaw cawˆ tehꞈ meh. Tiˬ gʼaˬ tiˇ gʼaˬ mehˇ shuiˇ shuiˇ-eu, aˬ cawˬ nymˇ-ahˇ smˇ kʼoeˬ kʼoeˬ-eu, gaˇ ma doe ni tahˇ joe joe-eu, heu deuˬ aˬ yawꞈ maꞈ mˇ-eu meh.

Hawˇseˬ 7:15

Aˬ yawꞈ maꞈ-ahˇ ngaˇ ciˬ huiˬ-awˇ, gʼaˬ kʼaˆ laˇ ni bo saˆ-euˬ kʼawꞈ, ngaˬ-ahˇ puiˬ-eu leh jeh-eu meh.

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Dawˬmehˬ 1:31

Kʼoeˇ uˬ taꞈ, bawˇ tsahˬ bawˇ dahˇ laꞈ kʼoeˇ aˬ yawꞈ neh mˇ-euˬ gaˇ deuˬ-ahˇ kʼawꞈ, naw maꞈ ya mawˇ-euˬ meh. Aˬ da tiˬ gʼaˬ yawˬ ha-euˬ aˬ li-ahˇ ciˬ gʼeh-eu loꞈ-ehˇ, gaˇ pehˇ kahˇ li-ehˇ, heu gaˇ keuˆ ni naw maꞈ-ahˇ aˬ yawꞈ sheuˬ keuˆ laꞈ-euˬ meh’ lehˇ ngaˇ naw maꞈ-ahˇ ehˇ-euˬ maˬ ngeuˇ-a loˇ.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.