Hawˇseˬ 11:12 - Akha

¹² Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ ngaˬ-ahˇ, jaˬ myawꞈ mehˇ shuiˇ sheu lahˇ-euˬ meh. Saˇ jaˇ ziꞈ-awˇ muiˬ-eu shawˇ-eu, ngaˇ loꞈ-ehˇ gʼeh-eu Miˬyehˇ-ahˇ, Yuˇdaˆ tsawˇ haˬ iˬ nah keuˆ ni, maˬ tsehˆ leˇ ni puiˬ luꞈ-eu meh.”

Hawˇseˬ 11:12 ပူးပေါင်းရင်းမြစ်များ

Aˇ dahˬ 2:11

Lawˇ baˬ yaw beh gawˆ-aˬ, Piˇshahˬ lawˇ baˬ pyeuꞈ-awˇ, Haˬbiˇlaˬ miˇ kʼahˬ caw caw-ehˇ yoeˇ ka gʼeh-euˬ meh.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Jaceuq 78:36

Ehˇ kʼawꞈ, aˬ yawꞈ maꞈ ngehˬ-eu dawˬ jaˬ myawꞈ myawꞈ-awˇ, aˬ yawꞈ maꞈ neh kʼaˇ ehˇ taˬ-euˬ loꞈ-ehˇ maˬ jaˆ-a.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Hawˇseˬ 10:13

Ehˇkʼawꞈ, naw maꞈ yaw haiˬ sehˬ-awˇ, yaw haiˬ jeˬ yehˬ dzaˬ taˬ-euˬ meh. Jaˬ myawꞈ mehˇ shuiˇ aˇ siˬ aˇ lu, naw maꞈ dzaˬ taˬ-euˬ jaˆ-eu meh. “Mahˬ laˆ lawˬ hawˇ-eu guiˇ zaˬ deuˬ, yaw myaˬ ma lehˇ naw maꞈ noeˬ-eu,

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Hawˇseˬ 12:7

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Kaˬnaˬ tsawˇ haˬ kʼoeˇ deuˬ loꞈ-ehˇ, maˬ sui maˬ dawˇ-eu tsawˇ haˬ meh. Maˬ tsaˬ-eu daˇ leuˇ neh saˆ-awˇ, mehˇ shuiˇ shuiˇ-eu nui ma ahˇ meh.

Hawˇseˬ 4:15

“Naw maꞈ Iˇsaˬleˬlaˆ miˇ kʼahˬ, ngaˬ-ahˇ saˇ jaˇ puiˬ-awˇ dehꞈ kʼawꞈ, Yuˇdaˆ miˇ kʼahˬ kʼoeˇ loˇ maˬ ngeuˇ. Giˇlaˇgaˬlaˇ meuˬ-ahˇ taˬ le. Behˬdaˬbeˬ meuˬ-ahˇ jiˇ taˬ le. Sahˬpaˬ Miˬyehˇ tsawˇ myahˇ gʼoe-awˇ, kamˬ tsehˆ ehˇ tsehˆ-eu dawˬ taˬ ngehˬ.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Hawˇseˬ 7:3

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ-euˬ nui ma laꞈ gʼoꞈ, sahˬpaˬ laˬ kʼaˬ cehˇ ni mˇ-awˇ, aˬ yawꞈ maꞈ-euˬ jaˬ myawꞈ mehˇ shuiˇ, sahˬ ma nui saˇ bi za-eu meh.

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

1 Gawˇliˬtu 6:2

Miˬyehˇ-euˬ tsawˇ haˬ deuˬ miˇ tsaˬ heu-ahˇ yaˇ kʼaˬ ya daˇ tehꞈ-a lehˇ naw maꞈ maˬ siˬ nya te loˇ. Naw maꞈ miˇ tsaˬ heu-ahˇ yaˇ kʼaˬ ya daˇ-eu jeˬ ngeuˇ naˇ, nyiˇ dui dui-eu gaˇ teu deuˬ-ahˇ maˬ jahˇ jiˇ nya te loˇ.

Panmaeq 1:6

Kʼoeˇ uˬ taꞈ, aˬ yawꞈ-euˬ Aˬda Miˬyehˇ-euˬ gaˇ bi mˇ-eu gʼaˇ duˬ, aˬ dui-ahˇ piˇ ma-euˬ miˇ kʼahˬ tiˬ kʼahˬ bi pyeuꞈ laˇ-euˬ meh. Yaw shehꞈ kʼahˬ sehˇ hawˇ-eu baoˬ, mˬ maˬ maˬ byaˆ zaˇ ziˇ Yeˬsuˇ Ka li-ahˇ jaˆ luꞈ-uˇ. Aˬ miˬ.

Panmaeq 3:21

Ngaˇ gʼaˬ leˇ-euˬ miˇ neh, ngaˬ Da-euˬ dzoeˬ dzaˬ nuiˇ mahˬ kʼoeˇ taˆ ngaˬ Da-euˬ gaˇ dzeˇ nuiˇ luꞈ-eu loꞈ-ehˇ, gʼaˬ leˇ-euˬ tsawˇ haˬ deuˬ-ahˇ, ngaˬ-euˬ dzoeˬ dzaˬ nuiˇ mahˬ kʼoeˇ taˆ ngaˬ-euˬ gaˇ dzeˇ bi nuiˇ ma.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”