Hawˇseˬ 11:10 - Akha10 “Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a. အခန်းကိုကြည့်ပါ။ |
Hawˇseˬ 11:10
36 ပူးပေါင်းရင်းမြစ်များ
Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.
Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.
“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.
“Yeˬlaˬmiˇ nawˇ-aˬ, ngaˬ neh kʼaˇ ehˇ taˬ-eu jeˬ ya dzawˇ gaˬ meh. Tsawˇ haˬ kʼoeˇ deuˬ-ahˇ nawˇ heu loꞈ-ehˇ ya ehˇ nehˬ meh. ‘Sahˬpaˬ Miˬyehˇ mˬ taˆ jawˇ-awˇ lmˬ ngeh, mˬ taˆ yaw goˇ tsahˇ-ahˇ mˬ jeˬ tsawˬ tehˆ mahˇ laˇ tehꞈ-a. Aˬ yawꞈ-euˬ tsawˇ haˬ heu deuˬ-ahˇ aˬ yawꞈ lmˬ-awˇ, aˬ gaꞈ dzaˇ uiˇ nawˬ-eu tsawˇ haˬ loꞈ-ehˇ guˇ gaˇ, miˇ tsaˬ zaˬ dawˬ tawˆ luꞈ ya gaˬ tehꞈ-a.
Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”
Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”
Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.
Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.
Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.
Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.
Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.
ကြော်ငြာတွေ