Hawˇseˬ 10:6 - Akha

⁶ Tahˬ pahˬ aˬ ma mawˇ kawˇ kʼoeˇ hmˬ, Aˬshuˇliˆ miˇ kʼahˬ-euˬ sahˬ paˬ, huiˬ dui mahˇ dui dui-eu gʼaˬ-ahˇ, ya baꞈ ha keuˆ nehˬ leˇ tehꞈ-a. Iˇsaˬleˬlaˆ tsawˇ haˬ deuˬ-aˬ, aˬ cawˬ ehˇ dawˬ geuꞈ-eu miˇ neh, daˬ ga-awˇ ya shaꞈ dawˇ tehꞈ-a.

Hawˇseˬ 10:6 ပူးပေါင်းရင်းမြစ်များ

2 Sahˬpaˬ 17:3

Aˬshuˇliˆ sahˬ paˬ Shaˬmaˬneˬzaˬ gʼaˬ aˬ yawꞈ-ahˇ guiˇ deuˆ laˇ-euˬ meh. Awˇsheˬ laꞈ oꞈ awꞈ-awˇ, aˬ yawꞈ kʼoꞈ yawꞈ kawˬ doˆ nehˬ-euˬ meh.

Yawˇbaˆ 18:7

Aˬ yawꞈ-euˬ kuiˇ toꞈ ziꞈ dah ni gʼeh-euˬ kʼawꞈ, nymˬ-mˇ sahˬ tiꞈ tiꞈ-euˬ meh. Aˬ yawꞈ coˬ-iˇ-euˬ aˬ cawˬ maˬ guˬ-a.

Iˇsaˬyaˇ 1:29

Naw maꞈ uˬ duˬ tahˬ-eu aˇ bawˇ kʼoeˇ deuˬ baˬ da neh, naw maꞈ kʼoeˇ taˆ shaꞈ dawˇ-eu jeˬ keuˆ le-awˇ, naw maꞈ neh ka-euˬ muiˬ-eu shawˇ-eu yaˇ kmˇ baˬ da neh, naw maꞈ myaˆ pyawˬ ya cawˆ tehꞈ-a.

Iˇsaˬyaˇ 30:3

Ehˇ kʼawꞈ, aˬ yawꞈ maꞈ-ahˇ haw piˇ nehˬ-eu gʼaˇ duˬ, Iˇjiˇtuˆ sahˬ paˬ baoˬ maˬ jaˆ-ehˇ, Iˇjiˇtuˆ miˇ kʼahˬ-ahˇ nui kʼaˬ tsmˬ-euˬ, aˇ saˬ saˬ ngeh daˬ ga dui dui tehꞈ-a.

Iˇsaˬyaˇ 45:16

Tahˬ pahˬ aˬ ma mawˇ kawˇ tehˆ-eu tsawˇ haˬ deuˬ, ya shaꞈ dawˇ tehꞈ-a. Aˬ yawꞈ maꞈ dawˬ tawˆ luꞈ daˬ ga tehꞈ-a.

Yeˬlaˬmiˇ 48:13

Kʼoeˇ ngeh jawˇ, Beˬdeˬlaˇ miˬ yehˇ-ahˇ gʼoe-euˬ baˬ da neh, Iˇsaˬleˬlaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le-euˬ loꞈ-ehˇ, Sheˬmoˇshaˆ miˬ yehˇ-ahˇ gʼoe-euˬ baˬ da neh, Mawˇbaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Yeˬsaˬgeˬlaˇ 16:28

“Aˬ cawˬ kʼoeˇ myaˆ ni gʼeh-eu nehˬ-ehˇ yuꞈ-euˬ nawˇ nui kʼahˇ maˬ shiˇ-eu miˇ neh, Aˬshuˇliˆ tsawˇ haˬ deuˬ-euˬ mehˬ nah nawˇ caw teh-eu meh. Kʼoeˇ deuˬ nehˬ-ehˇ paˇ yuꞈ gʼaˬ-euˬ kʼawꞈ, nawˇ nui kʼahˇ maˬ shiˇ-a siˬ.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Daˬyeˬlaˇ 11:8

Aˬ yawꞈ maꞈ-euˬ miˬ yehˇ deuˬ hawˇ-eu, miˬ yehˇ kʼoeˇ deuˬ-ahˇ damˬ nehˬ taˬ-euˬ shuiˇ hawˇ-eu pyuˇ neh jahˇ taˬ-euˬ mˇ myawˬ keu ka deuˬ, Iˇjiˇtuˆ miˇ kʼahˬ-ahˇ aˬ yawꞈ yuˇ kʼoꞈ gʼeh tehꞈ-a. Aˇ yamˬ gʼawˬ myahˇ ni, aˬ yawꞈ guiˇ maˬ paˇ deuˆ ni jawˇ tehꞈ-a.

Hawˇseˬ 4:19

Jaˬ lehˇ lehˇ ma neh lehˬ yoˆ-awˇ, aˬ yawꞈ maꞈ-ahˇ hehˇ byoˆ gʼeh ngeh, lawˇ ciꞈ zaˬ-euˬ lawˇ guiˇ baˬ da, aˬ yawꞈ maꞈ daˬ ya ga tehꞈ-a.

Hawˇseˬ 4:7

“Piˇ ma ngehˬ myaˬ iˬ baˇ ngehˬ mˇ, aˬ yawꞈ maꞈ-euˬ yaw shehꞈ kʼahˬ sehˇ, daˬ ga jiˇ ni ngaˇ jahˇ nehˬ ma.

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Hawˇseˬ 8:6

Iˇsaˬleˬlaˆ ba jiˬ tehˆ-euˬ, mawˇ kawˇ kʼoeˇ miˬ yehˇ maˬ ngeuˇ-a. Saˬmaˬliˆ-euˬ mawˇ neˇ mawˇ kawˇ, kʼehꞈjiˇ kʼoeˆjiˇ gaˇkeuˆ tehꞈ-a.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”