Hawˇseˬ 10:2 - Akha

² Nui ma yaw gʼoꞈ ahˇ-eu aˇ poeˬ, nymˬ-mˇ paˇ ya daˬ poˆ tehꞈ-a. Aˬ yawꞈ maꞈ-euˬ lawˇ duˬ kʼoeˇ deuˬ, Miˬyehˇ laˆ kʼehˬ laˆ kʼoeˆ nehˬ-awˇ, muiˬ-eu shawˇ-eu kʼawˇ zeuˇ kʼoeˇ deuˬ, laˆ piˬ laˆ byoˆ jiˇ nehˬ tehꞈ-a.

Hawˇseˬ 10:2 ပူးပေါင်းရင်းမြစ်များ

1 Sahˬpaˬ 18:21

Tsawˇ haˬ kʼoeˇ deuˬ jawˇ gaˇ Eˇliˇyaˆ le-awˇ, “Naw maꞈ-euˬ nui ma laꞈ kʼoeˇ nyiˬ jeˬ noeˬ noeˬ-ehˇ aˇ myah keuˆ ni jawˇ-eu gʼeh te. Sahˬpaˬ Miˬyehˇ-aˬ, Miˬyehˇ pyeuꞈ-eu meh lehˇ ngeuˇ naˇ, aˬ yawꞈ-ahˇ uˬ duˬ tahˬ-awˬ. Ehˇ kʼawꞈ, Baˬlaˇ miˬ yehˇ-aˬ, Miˬyehˇ pyeuꞈ-eu meh lehˇ ngeuˇ naˇ kʼawꞈ, aˬ yawꞈ-ahˇ uˬ duˬ tahˬ-awˬ” lehˇ ehˇ kʼawꞈ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ-a.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Hawˇseˬ 7:8

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, hawˬ tahˬ tiˬ pyawˬ ba-euˬ loꞈ-ehˇ, aˬ cawˬ miˇ kʼahˬ-ahˇ gʼoe luꞈ meh.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Miˇkaˬ 5:13

Naw maꞈ-euˬ tahˬ pahˬ aˬ ma mawˇ kawˇ deuˬ hawˇ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ ngaˇ laˆ cawˆ ma. Naw maꞈ neh yawˬ haˇ yawˬ ha jahˇ taˬ-euˬ jeˬ-ahˇ naw maꞈ uˬ duˬ maˬ paˇ ya tahˬ ni pyeuꞈ-iˇ tehꞈ-a.

Zeˬpaˬniˇ 1:5

Nymˇ mˬ kʼoeˇ taˆ pawˬ dmˬ dmˬ-awˇ, nahˇ ma ba la aˬ guiˇ deuˬ-ahˇ, uˬ duˬ kʼaˇ tahˬ-eu tsawˇ haˬ deuˬ, ngaˇ laˆ cawˆ gaˇ ya daˬ tehꞈ-a. Ngaˬ-ahˇ uˬ duˬ tahˬ-eu geuꞈ-awˇ, Miˇlaˬkoˬ-ahˇ kʼaˇ gʼoe-euˬ deuˬ, laˆ cawˆ nehˬ gaˇ ya daˬ tehꞈ-a.

Zaˬkaˬliˇ 13:2

Aˇ yamˬ kʼoeˇ yamˬ keuˆ laˇ ngeh, miˇ kʼahˬ kʼoeˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-euˬ tsawˇ myahˇ ngaˇ shiˆ byoˆ-awˇ, tsawˇ haˬ yawˬ gʼaˬ na luꞈ bi ngehˇ byoˆ jiˇ ma. Miˬyehˇ gʼaˇ duˬ ngehˬ dah-eu tsawˇ haˬ ma lehˇ kʼaˇ ehˇ-eu deuˬ-ahˇ ngaˇ yuˇ dzeh jiˇ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ-eu nui ma bi byoˆ-iˇ ma.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Luˇkaꞈ 16:13

“Tsawˇ haˬ tiˬ gʼaˬ-iˬ baw leˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.”

Yaˬkoˆ 1:8

Aˬ jeˬ miˇ neh ehˇ naˇ, aˬ yawꞈ kʼaˇ mˇ kʼaˇ shaˇ-eu jeˬ laꞈ kʼoeˇ nui ma poˆ poˆ laˆ laˆ-ehˇ noeˬ-awˇ, nui tsehˆ maˬ ahˇ-a.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Yoˇhaˬ 2:15

Miˇ tsaˬ heu hawˇ-eu miˇ tsaˬ kʼoeˇ taˆ jaˆ-eu jeˬ-ahˇ gaˬ-eu nui ma taˬ bi ahˇ. miˇ tsaˬ heu-ahˇ gaˬ-eu tsawˇ haˬ-aˬ, Aˬda Miˬyehˇ-ahˇ maˬ gaˬ nya-a.

1 Saˬmeuˬlaˆ 5:4

Yawˬ shawˬ yawˬ uˬ shawˬ yaw naꞈ-ehˇ, Dawˬ ma saˇ jaˇ Bahˬ keuˆ mehˬ shi tahˬ pahˬ aˬ ma mawˇ kawˇ kʼoeˇ hmˬ paˇ coˬ-iˇ taˬ-euˬ gaˇ aˬ yawꞈ maꞈ paˇ ya mawˇ-euˬ meh. Kʼoeˇ ngeh poˆ jawˇ, tahˬ pahˬ aˬ ma mawˇ kawˇ kʼoeˇ hmˬ-euˬ uˬ duˬ hawˇ-eu aˬ laꞈ nyiˬ laꞈ luꞈ kʼehꞈ tsehˆ-iˇ-awˇ, laˇ gʼoˆ dawˬ peh dawˬ dzm dawˬ tehꞈ kʼoeˇ taˆ ga luꞈ-eu meh. Gʼawˇ mawˇ hmˬ tehꞈ-ehˇ Dawˬ ma saˇ jaˇ Bahˬ keuˆ mehˬ shi ga yaꞈ-euˬ meh.