Hawˇseˬ 10:12 - Akha

¹² Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Hawˇseˬ 10:12 ပူးပေါင်းရင်းမြစ်များ

Jaceuq 105:4

Sahˬpaˬ Miˬyehˇ-ahˇ laꞈ jeuˬ shaˇ-awˇ, aˬ yawꞈ-ahˇ aˬ myah luꞈ uˬ duˬ tahˬ-awˬ.

Jaceuq 72:6

Sahˬ paˬ gʼaˬ deh ga-ahˇ yehˇ le-eu uˬ yehˇ-ahˇ duˇ luꞈ-uˇ. Miˇ tsaˬ-ahˇ yehˇ shehˬ le-eu uˬ yehˇ-ahˇ duˇ luꞈ-uˇ.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawˬ tsoˆ 11:6

Siˬ yoeˬ kʼaˇ sehˬ-euˬ dehꞈ laˇ meh lehˇ maˬ ehˇ tsehˆ nya-ehˇ, aˬ geu ngeh yamˬ-ahˇ sehˬ-euˬ muiˬ dzehˬ-eu gaˇ kawˆ maˬ siˬ duˬ nya-eu miˇ neh, uˬ shawˬ paw tehꞈ-ehˇ maˬ sehˬ ni, uˬ ciꞈ paw kʼawꞈ sehˬ-awˬ.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 32:20

lawˇ gawˆ dawˬ peh ya ka dzaˬ ya ka dawˇ-awˇ, mawˇ neˇ hawˇ-eu mahˬ tahˬ laˆ pyehˬ taˬ-euˬ naw maꞈ, laˬ kʼaˬ cehˇ duˬ aˇ naˆ ni huiˬ-eu nga.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Yeˬsaˬgeˬlaˇ 34:26

“Aˬ yawꞈ maꞈ-ahˇ ngaˇ guiˬ lahˬ biꞈ-awˇ, ngaˬ-euˬ muiˬ-eu shawˇ-eu gawˬ duˇ jawˬ jawˬ-ehˇ bi jawˇ ma. Aˇ yamˬ tsaˬ ni, aˬ yawꞈ maꞈ gʼaˇ duˬ ngaˇ uˬ yehˇ bi yehˇ le ma.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Aˬmoˆ 5:4

Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Luˇkaꞈ 13:24

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Gʼaˬkʼehˇ 2:18

Aˇ nah aˇ yamˬ kʼoeˇ keuˆ le ngeh, ngaˬ-euˬ zaˬ kʼaˆ deuˬ-euˬ kʼoeˇ taˆ, zaˬ miˬ zaˬ yo maˬ tseˇ paˆ ni, ngaˬ-euˬ Yaw sahˇ shehˆ daˆ nehˬ-awˇ, ngaˬ-euˬ gʼaˇ duˬ bi ngehˬ dah ma.

2 Gawˇliˬtu 9:10

Ka-eu gʼaˇ duˬ siˬ yoeˬ hawˇ-eu dzaˬ-eu gʼaˇ duˬ kaˬ muˇ biꞈ-eu Miˬyehˇ-aˬ, naw maꞈ damˬ-eu jeˬ-ahˇ taꞈ leˇ-eu loˬ-eu siˬ yoeˬ nuiˆ yoeˬ dawˬ tawˆ luꞈ biꞈ nehˬ laꞈ-eu uˬ taꞈ, naw maꞈ nui ma keuˆ-awˇ damˬ-eu jeˬ siˬ le loˆ le-awˇ gʼawˬ mya ni za laˇ ni caw ba tehꞈ-a.

Yaˬkoˆ 3:18

Tsaˬ leˇ dzoeˇ leˇ ni mˇ-eu tsawˇ haˬ deuˬ neh tsaˬ leˇ dzoeˇ leˇ-eu siˬ yoeˬ sehˬ-euˬ gaˇ, yaw tsaˬ yaw dawˇ jeˬ ya yehˬ-eu meh.