Haˬgaiˇ 2:17 - Akha

¹⁷ Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Haˬgaiˇ 2:17 ပူးပေါင်းရင်းမြစ်များ

Aˇ dahˬ 42:23

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yoˇsehˆ yaw muiˬ paˬ-ehˇ gʼoˆ shaw nya-awˇ siˬ nya-eu meh. Ehˇ kʼawꞈ, Yoˇsehˆ kʼoeˇ loꞈ-ehˇ siˬ nya tehꞈ-a lehˇ aˬ yawꞈ maꞈ maˬ noeˬ-a. Aˬ jeˬ miˇ neh ehˇ naˇ, Yoˇsehˆ hawˇ-eu aˬ yawꞈ maꞈ yaw kaˬ dawˬ ngehˬ cawˬ ngeh, Iˇjiˇtuˆ dawˬ hawˇ-eu Heˬbyehˇ dawˬ heu nyiˬ jeˬ luꞈ ngehˬ nya-eu tsawˇ kaˬ-ahˇ gʼoe-awˇ ngehˬ cawˬ-euˬ meh.

Aˇ dahˬ 42:27

Uˬ ciꞈ paw gaˇ pehˇ yaꞈ luꞈ ngeh, aˬ yawꞈ maꞈ laꞈ kʼoeˇ tiˬ gʼaˬ mahˬ tahˬ laˆ-ahˇ cehˇ bi dzaˬ-eu lehˇ cehˇ pehˇ zeuˇ puiˇ-euˬ meh. Kʼoeˇ ngeh, cehˇ kʼoeˇ taˆ pyuˇ dawˆ ahˇ kʼoꞈ taˬ-euˬ gaˇ aˬ yawꞈ ya mawˇ-euˬ meh.

Aˇ dahˬ 42:6

Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

1 Sahˬpaˬ 8:37

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ-iˇ ngeh maˬ ehˇ, muiˇ-eu deuˬ nawˬ-euˬ tsawˇ haˬ deuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 6:28

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ -iˇ ngeh maˬ ehˇ, muiˇ-eu deuˬ nawˬ-euˬ tsawˇ jeuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

Yawˇbaˆ 36:13

Miˬyehˇ maˬ baw-eu tsawˇ haˬ aˬ myah luꞈ nui ma pehˇ-awˇ, kʼehˬ gaˇ kʼaˆ gaˇ ya daˬ kʼawꞈ caw ba nehˬ laꞈ lehˇ shaˇ-eu maˬ siˬ nya-a.

Jaceuq 128:2

Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

Jaceuq 78:46

Aˬ yawꞈ maꞈ-euˬ deh yaˇ bi laˆ cawˆ-eu gʼaˇ duˬ, nyehˇ bahˇ baˬ maꞈ pyehˬ gʼeh leꞈ-euˬ meh.

Iˇsaˬyaˇ 28:2

Aˬ yawꞈ maꞈ-ahˇ guiˇ bi deuˆ le-eu lehˇ, baoˬ huiˬ-awˇ gʼaˬ kʼaˆ-eu tsawˇ haˬ-ahˇ, Sahˬpaˬ Miˬyehˇ bi lehˬ hmˬ taˬ-euˬ meh. Uˬ yehˇ aˇ siˬ ga le-eu loꞈ-ehˇ, uˬ yehˇ yehˇ ma ma le-eu loꞈ-ehˇ, iˇ jeuˬ jeuˬ le-eu loꞈ-ehˇ aˬ yawꞈ oe-awˇ, miˇ kʼahˬ kʼoeˇ kʼahˬ-ahˇ laˆ cawˆ le tehꞈ-a.

Iˇsaˬyaˇ 37:27

Kʼoeˇ gaˇ jawˇ-eu tsawˇ haˬ deuˬ gʼaˬ maˬ ahˇ-a. Aˬ yawꞈ maꞈ guˆ-awˇ tsoˆ leˇ jiˇ taˬ-euˬ meh. Aˬ yawꞈ maꞈ-aˬ, nahˇ ma doˆ kʼehˬ paw neh baw gʼeh laꞈ-euˬ jaˬ lehˇ zaw leˇ ngeh nyoeˬ-iˇ koˆ-iˇ-eu daˬ yawˬ hawˇ-eu, nymˇ mˬ-ahˇ dehꞈ-eu jaˆ gaˆ-ahˇ duˇ-eu meh.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬlaˬmiˇ 3:24

Ehˇ kʼawꞈ, shaꞈ dawˇ-eu jeˬ-euˬ miˬ yehˇ pyeuꞈ-euˬ Baˬlaˇ miˬ yehˇ-ahˇ uˬ duˬ tahˬ-euˬ baˬ da neh, yawˇ hawˇ-eu mawˇ neˇ deuˬ maˬ ehˇ, aˬ buˇ aˬ li deuˬ maˬ ehˇ, aˇ hu ba aˬ poeˬ aˬ bawˇ-euˬ ziˇ-ahˇ neh kʼaˇ mˇ jaˆ yaꞈ-euˬ jeˬ maˬ ehˇ, dawˬ tawˆ luꞈ laˆ smˬ jiˇ-euˬ ma.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Aˬmoˆ 4:6

Naw maꞈ-euˬ meuˬ dawˬ tawˆ luꞈ kʼoeˇ taˆ mehꞈ-eu shuꞈ-eu jeˬ keuˆ le ni mˇ-euˬ gʼaˬ ngaˇ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Haˬgaiˇ 1:11

Deh ga hawˇ-eu gawˬ jawˬ-ahˇ maˬ ehˇ, cehˇ yaˇ hawˇ-eu aˬ gaꞈ yaˇ-ahˇ maˬ ehˇ, saˬ loˬ tsiˇ aˇ bawˇ bawˇ yaˇ hawˇ-eu sahˬ lahˬ dawˬ tawˆ luꞈ kʼoeˇ taˆ maˬ ehˇ, tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, naw maꞈ neh kʼaˇ ka-euˬ yawˬ jeˬ na luꞈ kʼoeˇ taˆ maˬ ehˇ, uˬ yehˇ maˬ bi yehˇ le ni ngaˇ jahˇ-euˬ ma.”

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

Haˬgaiˇ 2:16

Cehˇ pyuˇ nyiˬ muiˇ ahˇ ma lehˇ naw maꞈ noeˬ-euˬ kʼawꞈ, tiˬ muiˇ tehꞈ-ehˇ ahˇ-eu maˬ ngeuˇ-a loˇ. Aˬ gaꞈ dzaˇ uiˇ tiˬ yaˇ tsaꞈ dahˬ ma lehˇ noeˬ-euˬ kʼawꞈ, oeˬ tseˇ tsaꞈ tehꞈ-ehˇ dahˬ-eu maˬ ngeuˇ-a loˇ.

Maˬlaˬkiˇ 3:11

Naw maꞈ neh dzaˬ la gʼo cehˇ ka taˬ-euˬ gaˇ aˇ mawˇ maˬ bi teuꞈ cawˆ-eu uˬ taꞈ, naw maꞈ-euˬ aˬ gaꞈ yaˇ kmˇ-ahˇ aˬ gaꞈ aˇ siˬ bi loˆ le ma.

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Panmaeq 2:21

Aˬ yawꞈ-euˬ iˬ baˇ-ahˇ noeˬ poˆ ni, ngaˇ aˬ yawꞈ-ahˇ aˇ yamˬ biꞈ taˬ-euˬ ma. Ehˇ kʼawꞈ, kʼaˬ miˬ sheu-eu jeˬ-ahˇ aˬ yawꞈ maˬ byehˇ dzeh-a.