Haˬgaiˇ 2:15 - Akha

¹⁵ Sahˬpaˬ Miˬyehˇ ehˇ-eu, “Naw maꞈ Uˬ duˬ tahˬ nymˇ nymˇ ma tsoˆ muiˬ-eu aˇ dahˬ maˬ beh kʼoeˇ keuˆ ni, naw maꞈ kʼoeˇ taˆ aˬ joˆ-ehˇ keuˆ le-euˬ gaˇ kawˆ maˬ noeˬ duˬ-aˬ siˬ loˇ.

Haˬgaiˇ 2:15 ပူးပေါင်းရင်းမြစ်များ

Eˇzaˬlaˬ 3:10

Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.

Eˇzaˬlaˬ 4:24

Kʼoeˇ miˇ neh, Paˇshaˇ sahˬ paˬ Daˬliˇ uˆ lahˇ-eu nyiˬ kʼoꞈ tiˬ kʼoꞈ-ahˇ keuˆ ni, Uˬ duˬ tahˬ nymˇ nymˇ ma tsoˆ muiˬ-eu gaˇ kʼawˆ maˬ mˇ nya ni byehˇ taˬ-euˬ meh.

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Haˬgaiˇ 1:5

Naw maꞈ kʼoeˇ taˆ aˬ jeˬ keuˆ le-euˬ nya lehˇ shaˇ noeˬ haw sheˇ.

Haˬgaiˇ 1:7

Aˬ jeˬ miˇ neh kʼoeˇ loꞈ-ehˇ gʼeh-eu nga lehˇ naw maꞈ-ahˇ siˬ laˇ miˇ-a loˇ.

Haˬgaiˇ 2:16

Cehˇ pyuˇ nyiˬ muiˇ ahˇ ma lehˇ naw maꞈ noeˬ-euˬ kʼawꞈ, tiˬ muiˇ tehꞈ-ehˇ ahˇ-eu maˬ ngeuˇ-a loˇ. Aˬ gaꞈ dzaˇ uiˇ tiˬ yaˇ tsaꞈ dahˬ ma lehˇ noeˬ-euˬ kʼawꞈ, oeˬ tseˇ tsaꞈ tehꞈ-ehˇ dahˬ-eu maˬ ngeuˇ-a loˇ.

Haˬgaiˇ 2:18

Iˬ nah ba la gʼoeˬ siˬ tiˬ siˬ nyiˬ tseˇ oeˬ nah heu nah-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ gʼaˬ-euˬ aˇ nah meh. Iˬ nah neh dahˬ beh-awˇ, mehˬ hu paw aˬ joˆ-ehˇ pyeuꞈ laˇ nga lehˇ haw taˬ-awˬ.

Zaˬkaˬliˇ 8:10

Aˇ yamˬ kʼoeˇ yamˬ-ahˇ keuˆ ni, tsawˇ haˬ hawˇ-eu jeˬ zaˬ poˆ-awˇ gaˇ bi mˇ-eu gʼaˇ duˬ, pyuˇ yuˇ doˆ nya-eu tiˬ gʼaˬ-iˬ maˬ jawˇ-eu uˬ taꞈ, muiˇ-eu deuˬ kʼehˬ laˇ gaˇ maˬ guˆ-ehˇ dehꞈ-euˬ tiˬ gʼaˬ-iˬ maˬ jawˇ-a. Tsawˇ haˬ tiˬ gʼaˬ tiˇ gʼaˬ muiˇ ni ngaˇ jahˇ-euˬ ma.

Zaˬkaˬliˇ 8:11

Ehˇ kʼawꞈ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ-ahˇ, nymˬ-mˇ ngaˇ kʼoeˇ loꞈ-ehˇ maˬ paˇ jahˇ ma.

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.

1 Gawˇliˬtu 11:31

Aˬ dui yawˬ haˇ yawˬ ha jeˬ huˬ shaˇ sawˇ naˇ, Miˬyehˇ neh yaˇ kʼaˬ daˇ-euˬ jeˬ-ahˇ maˬ ya daˬ-aˇ.