Haˬgaiˇ 2:12 - Akha

¹² Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.

Haˬgaiˇ 2:12 ပူးပေါင်းရင်းမြစ်များ

Doˆ-iˇ 29:37

Shiꞈ nah keuˆ ni, aˬ yawꞈ nah yawꞈ kʼoeˇ loꞈ-ehˇ jahˇ-awˬ. Kʼoeˇ ngeh, lawˇ duˬ kʼoeˇ muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu aˬ geu gʼaˬ maˬ kaˬ, aˬ geu jeˬ maˬ kaˬ, muiˬ-eu shawˇ-eu jeˬ-euˬ baoˬ baˬ da neh, guˬ leˇ tehꞈ-a.

Dawˬ tsoˆ 10:1

Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Yeˬsaˬgeˬlaˇ 44:19

Miˇ kʼahˬ zaˬ deuˬ laˇ-awˇ jawˇ-eu laꞈ nyiˇ pu kaˬ-ahˇ aˬ yawꞈ maꞈ maˬ iˇ doˆ mi naˆ-ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ ngeh dm-euˬ aˬ yawꞈ maꞈ-euˬ mehˬ tsoeˬ deuˬ-ahˇ, muiˬ-eu shawˇ-eu kuˆ lawˆ deuˬ laꞈ kʼoeˇ ya lehˆ taˬ yaꞈ meh. Muiˬ-eu shawˇ-eu mehˬ tsoeˬ kʼoeˇ baˬ da neh miˇ kʼahˬ zaˬ deuˬ-ahˇ maˬ bi guˬ dzaˬ leˇ-eu gʼaˇ duˬ, kʼoeˇ loꞈ-ehˇ ya dm paˇ meh.

Uˬ duˬ 6:27

Jeˬ zaˬ kʼoeˇ mawˇ-euˬ shaˬ jiˇ-ahˇ kʼaˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, aˬ geu jeˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh, guˬ leˇ tehꞈ-a. Jeˬ zaˬ kʼoeˇ mawˇ-euˬ shiˬ lehꞈ leˇ-euˬ mehˬ tsoeˬ-ahˇ, muiˬ-eu shawˇ-eu jawˇ duˬ tiˬ tsahˇ-ahˇ iˇ-awˇ ya tsiˬ shawˇ meh.

Uˬ duˬ 6:29

Piˇ maˬ deuˬ-euˬ nymˇ kʼahˬ zaˬ deuˬ pyeuꞈ-eu kʼaˬ dzeˇ zaˬ deuˬ, lawˇ gʼaˬ-euˬ dzaˇ kʼoeˇ dzaˬ nya meh. Dzaˇ kʼoeˇ-aˬ, muiˬ dui shawˇ dui dui-eu meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Maꞈtehˬ 23:19

Naw maꞈ aˇ naˆ naˆ-ehˇ myaˆ behꞈ behꞈ te. Aˬ geu jeˬ huiˬ dzehˬ ta. Lawˇ-euˬ jeˬ huiˬ dzehˬ ta loˇ. Lawˇ-euˬ jeˬ-ahˇ Miˬyehˇ gʼaˇ duˬ bi muiˬ bi shawˇ laˇ-eu lawˇ duˬ kʼoeˇ hmˬ huiˬ dzehˬ ta loˇ.

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.