Haˬgaiˇ 1:6 - Akha

⁶ Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Haˬgaiˇ 1:6 ပူးပေါင်းရင်းမြစ်များ

2 Saˬmeuˬlaˆ 21:1

Daˬbiˇ sahˬ paˬ geuꞈ-awˇ uˆ lahˇ-euˬ aˇ yamˬ laꞈ kʼoeˇ, mehꞈ dui shuꞈ dui dui-eu aˇ kʼoꞈ smˇ kʼoꞈ keuˆ le-euˬ meh. Gaˇ kawˆ kʼoeˇ Sahˬpaˬ Miˬyehˇ-ahˇ Daˬbiˇ naˇ haˬ ngeh, “Sawˇluˆ hawˇ-eu aˬ yawꞈ-euˬ nymˇ kʼahˬ zaˬ deuˬ aˬ cawˬ-ahˇ sehꞈ-euˬ iˬ baˇ pi luꞈ-eu meh. Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ sehꞈ-euˬ meh” lehˇ, Sahˬpaˬ Miˬyehˇ ehˇ-eu meh.

1 Sahˬpaˬ 17:12

Miˬ coeˬ miˬ ma kʼoeˇ gʼaˬ ehˇ-eu, “Nawˬ-euˬ Miˬyehˇ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi, ngaˇ nawˬ-ahˇ dawˇ coe ni ehˇ nehˬ nyaˇ. Ngaˇ kaˬ muˇ maˬ jaˆ. Kʼmˬ maˬ-ahˇ ahˇ-eu cehˇ meu laꞈ kʼawˆ tiˬ kʼawˆ hawˇ-eu, ciˬ cuˇ-ahˇ dahˬ-eu saˬ loˬ tsiˇ ui cuiˆ jaˆ-eu tehꞈ ma. Kʼaˇ jaˆ-eu kʼoeˇ ngaˬ li nga nyaꞈ ma zaˬ kaˬ muˇ jahˇ dzaˬ-eu lehˇ, ngaˇ heu gaˇ miˬ dzaˬ ya le-euˬ ma. Kʼoeˇ gaˇ jaˆ-eu kʼoeˇ-aˬ, ngaˬ li nga nyaꞈ ma zaˬ gʼaˇ duˬ, aˇ saˬ saˬ-eu dzaˬ byawˇ ma. Kʼoeˇ dzaˬ jiˇ shaw naˇ ya shiˇ meh.”

Neˬhaˬmiˇ 5:2

Tiˬ paˆ na deuˬ ehˇ-eu, “Nga maꞈ nymˇ kʼahˬ zaˬ yaw myaˬ miˇ neh yaw dehꞈ ya dehꞈ ni dzaˬ-eu gʼaˇ duˬ cehˇ loˬ nya.”

Yawˇbaˆ 20:22

Aˬ yawꞈ kʼaˇ jaˆ maˬ jaˆ jaˆ ngeh, shaˬ zahˬ dawˬ tawˆ luꞈ kaꞈ dzahˬ-awˇ keuˆ le tehꞈ-a.

Yawˇbaˆ 20:28

Aˬ yawꞈ-euˬ pyuˇ shuiˇ myawˬ gahˬ dawˬ tawˆ luꞈ, Miˬyehˇ nui ma pehˇ-eu jeˬ laꞈ kʼoeˇ ya cawˆ-iˇ jiˇ tehꞈ-a.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Dawqdaq 11:24

Tsawˇ haˬ tiˬ gʼaˬ na, tsawˇ tsiˇ maˬ tsiˇ ni gamꞈ nehˬ kʼawꞈ, smˇ muiˬ paˇ muiˬ dzehˬ laˇ-eu meh. Tiˬ gʼaˬ na tsawˇ tsiˇ tsiˇ-awˇ laꞈ tuˆ tsiˇ kʼawꞈ, iˇ shaˬ shaˬ le-eu meh.

Iˇsaˬyaˇ 5:10

Mawˇ neˇ tseˇ guMawˇ neˇ tiˬ gu-euˬ nyoˬ tsehˬ tiˬ kahˇ tsehˬ-eu meh.* tsehˬ-euˬ aˬ gaꞈ yaˇ kmˇ, aˬ gaꞈ dzaˇ uiˇ ciˬ cuˇ tiˬ siˬCiˬ cuˇ tiˬ siˬ ehˇ-eu-aˬ, 5 gaˬ laˬ maˬ ngeuˇ naˇ, 22 liˆ byah-eu meh.* tehꞈ-ehˇ za le tehꞈ-a. Siˬ yoeˬ tiˬ puˬ sehˬ-awˇ mˇ ngeh, cehˇ tiˬ pehˬ tehꞈ-ehˇ za le tehꞈ-a.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 14:4

Uˬ yehˇ maˬ jaˆ-ehˇ miˇ tsaˬ koˆ-iˇ-euˬ miˇ neh, mˇ dzaˬ-eu tsawˇ haˬ deuˬ nui ma cawˆ dui dui-awˇ, myaˆ pyawˬ ciꞈ zaꞈ-euˬ meh.

Yeˬlaˬmiˇ 44:18

Ehˇ kʼawꞈ, mˬ taˆ miˬ yehˇ ma-ahˇ lawˇ-eu shehˇ-eu jeˬ hawˇ-eu, aˬ gaꞈ dzaˇ uiˇ shehˆ-awˇ lawˇ-eu jeˬ maˬ paˇ lawˇ ni byehˇ ngeh tiˬ nah neh, nga maꞈ tiˬ jeˬ-iˬ maˬ jaˆ-ehˇ pyeuꞈ-iˇ-awˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ baˬ da neh, nga maꞈ-euˬ tsawˇ haˬ deuˬ ya shiˇ-euˬ ma.”

Hawˇseˬ 4:10

Naw maꞈ oꞈ-eu lawˇ dzaˇ dzaˬ kʼawꞈ, uˬ maˆ dehˆ laˇ-euˬ maˬ baw-aˇ. Jeuˬ le o le-eu miˬyehˇ-ahˇ, naw maꞈ uˬ duˬ tahˬ shaˇ leˇ kʼawꞈ, zaˬ oeˬ sahˇ le-eu maˬ baw-aˇ. Aˬ jeˬ miˇ neh ehˇ naˇ, miˬyehˇ nui deuˬ mehˬ nah iˇ-awˇ, naw maꞈ ngaˬ-ahˇ byehˇ dzeh-euˬ meh.”

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Haˬgaiˇ 1:10

Kʼoeˇ miˇ neh, uˬ yehˇ maˬ yehˇ le, ceuˬ maˬ ga le-ehˇ, sahˬ lahˬ maˬ dehꞈ doˆ laˇ nya-a.

Haˬgaiˇ 1:5

Naw maꞈ kʼoeˇ taˆ aˬ jeˬ keuˆ le-euˬ nya lehˇ shaˇ noeˬ haw sheˇ.

Haˬgaiˇ 1:7

Aˬ jeˬ miˇ neh kʼoeˇ loꞈ-ehˇ gʼeh-eu nga lehˇ naw maꞈ-ahˇ siˬ laˇ miˇ-a loˇ.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

Haˬgaiˇ 2:16

Cehˇ pyuˇ nyiˬ muiˇ ahˇ ma lehˇ naw maꞈ noeˬ-euˬ kʼawꞈ, tiˬ muiˇ tehꞈ-ehˇ ahˇ-eu maˬ ngeuˇ-a loˇ. Aˬ gaꞈ dzaˇ uiˇ tiˬ yaˇ tsaꞈ dahˬ ma lehˇ noeˬ-euˬ kʼawꞈ, oeˬ tseˇ tsaꞈ tehꞈ-ehˇ dahˬ-eu maˬ ngeuˇ-a loˇ.

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”

Zaˬkaˬliˇ 8:10

Aˇ yamˬ kʼoeˇ yamˬ-ahˇ keuˆ ni, tsawˇ haˬ hawˇ-eu jeˬ zaˬ poˆ-awˇ gaˇ bi mˇ-eu gʼaˇ duˬ, pyuˇ yuˇ doˆ nya-eu tiˬ gʼaˬ-iˬ maˬ jawˇ-eu uˬ taꞈ, muiˇ-eu deuˬ kʼehˬ laˇ gaˇ maˬ guˆ-ehˇ dehꞈ-euˬ tiˬ gʼaˬ-iˬ maˬ jawˇ-a. Tsawˇ haˬ tiˬ gʼaˬ tiˇ gʼaˬ muiˇ ni ngaˇ jahˇ-euˬ ma.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Dawˬmehˬ 28:17

“Nawˬ-euˬ dzaˬ la gʼo cehˇ hawˇ-eu kʼoeˇ neh jahˇ-euˬ kaˬ muˇ deuˬ-ahˇ Sahˬpaˬ Miˬyehˇ yaˬ kʼehˇ yaˬ nehˬ tehꞈ-a.