Haˬgaiˇ 1:5 - Akha

⁵ Naw maꞈ kʼoeˇ taˆ aˬ jeˬ keuˆ le-euˬ nya lehˇ shaˇ noeˬ haw sheˇ.

Haˬgaiˇ 1:5 ပူးပေါင်းရင်းမြစ်များ

Jaceuq 48:13

Meuˬ lahˇ deuˬ-ahˇ cah haw doe-awˇ, gawˬ ziꞈ taˬ-euˬ taˆ nymˇ deuˬ-ahˇ haw duˬ-eu laꞈ kʼoeˇ, zaˬ ziˇ-ahˇ heu loꞈ-ehˇ mehˬ nehˬ yaꞈ-awˬ.

Doˆ-iˇ 7:23

Aˬ yawꞈ-euˬ nymˇ nymˇ ma-ahˇ aˬ yawꞈ gʼoꞈ leˇ-awˇ, aˬ yawꞈ-ahˇ tiˬ jeˬ-iˬ maˬ deuˬ leˇ ni, tiˬ jeˬ-iˬ maˬ gʼeh-eu loꞈ-ehˇ jawˇ leˇ-euˬ meh.

Doˆ-iˇ 9:21

Ehˇ kʼawꞈ, tiˬ paˆ na deuˬ-aˬ, Sahˬpaˬ Miˬyehˇ neh ehˇ taˬ-euˬ dawˬ aˬ yawꞈ maꞈ-ahˇ gaˬ leˇ gaˇ maˬ duˇ ni, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, laꞈ nyiˇ paw bi jawˇ-euˬ meh.

Ngoeˇ dawˬ 3:40

Aˬ dui gaˇ ma saˇ shawˇ duˬ-awˇ, aˬ dui Sahˬpaˬ Miˬyehˇ jawˇ gaˇ, ciˬ pyawˇ-awˇ gʼoꞈ kʼoꞈ leˇ kaˇ-euˇ.

Yeˬsaˬgeˬlaˇ 18:28

Aˬ yawꞈ yawˬ ha-euˬ yaw lehˬ noeˬ siˬ-awˇ, iˬ baˇ maˬ mˇ ni byehˇ-euˬ meh. Kʼoeˇ miˇ neh, aˬ yawꞈ maˬ ya shiˇ-ehˇ, yaw dehꞈ ya dehꞈ daˆ leꞈ tehꞈ-a.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Daˬyeˬlaˇ 10:12

Aˬ yawꞈ ehˇ-eu, “Daˬyeˬlaˇ-oˇ, taˬ guˆ. Nawˇ zaˬ siˬ tsawˇ gahˇ za nya ni nui ma nahˬ yu ni taˬ ma lehˇ noeˬ tsehˆ dahˬ beh ngeh nah neh, nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Nawˬ neh guiˬ lahˬ shaˇ-euˬ gaˇ kawˆ ehˇ kʼoꞈ nehˬ le-eu lehˇ ngaˇ oe-euˬ ma.

Daˬyeˬlaˇ 6:14

Dawˬ kʼoeˇ dawˬ-ahˇ sahˬ paˬ ya gaˬ ngeh, nui ma shaˬ zahˬ naꞈ-awˇ, Daˬyeˬlaˇ-ahˇ ka kʼoꞈ-eu gʼaˇ duˬ, nahˇ ma ga ahˇ ngeh keuˆ ni shaˇ noeˬ dui dui-euˬ meh.

Haˬgaiˇ 1:4

“Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ luꞈ ngeh, naw maꞈ nymˇ muiˬ tsoˆ-awˇ ya jawˇ ta loˇ.

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Haˬgaiˇ 1:7

Aˬ jeˬ miˇ neh kʼoeˇ loꞈ-ehˇ gʼeh-eu nga lehˇ naw maꞈ-ahˇ siˬ laˇ miˇ-a loˇ.

Luˇkaꞈ 15:17

Aˬ li kʼoeˇ gʼaˬ aˬ yawˇ yawꞈ noeˬ gahˇ laˇ-awˇ, ‘Ngaˬ da-ahˇ gʼaˬ mahˇ mahˇ dzaˬ-eu tsawˇ haˬ deuˬ maˬ dzaˬ maˬ dawˇ jiˇ coeˇ-a. Ehˇ kʼawꞈ, ngaˇ-aˬ, heu gaˇ hawˬ dzahˬ sehꞈ shaw-iˬ miˇ-a.

2 Gawˇliˬtu 13:5

Naw maꞈ jah-eu jeˬ-ahˇ ziꞈ dah ni tuˆ tehˬ luꞈ ma loˇ lehˇ yawˬ haˇ yawˬ ha pyehˆ tseˇ haw-awˬ. Yawˬ haˇ yawˬ ha lawˬ haw-awˬ. Yeˬsuˇ Ka li naw maꞈ laꞈ kʼoeˇ jawˇ meh lehˇ maˬ siˬ duˬ te loˇ. Maˬ ngeuˇ naˇ, lawˬ haw-eu jeˬ laꞈ kʼoeˇ naw maꞈ smˬ-iˇ teˬ loˇ.

Gaˬlaˬtiˆ 6:4

Yawˬ gʼaˬ na luꞈ yawˬ ha aˬ joˆ-ehˇ mˇ luꞈ shaˇ luꞈ-eu gaˇ kawˆ shaˇ noeˬ-eu tsaˬ meh. Yawˬ ha yaw muiˬ jeˬ mˇ-euˬ miˇ neh kʼahˬ sehˇ jehˆ mawꞈ naˇ, aˬ cawˬ neh mˇ taˬ-euˬ jeˬ-ahˇ ciˬ cehˆ maˬ cehˆ ni jehˆ-eu tsaˬ meh.