Haˬgaiˇ 1:2 - Akha

² “Uˬ duˬ tahˬ nymˇ nymˇ ma tsoˆ muiˬ-eu aˇ yamˬ maˬ keuˆ laˇ-aˬ siˬ lehˇ, tsawˇ haˬ teu deuˬ ehˇ luꞈ meh” lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Haˬgaiˇ 1:2 ပူးပေါင်းရင်းမြစ်များ

2 Sahˬpaˬ 12:7

Kʼoeˇ miˇ neh, Yeˬhawˇyaˬdaˬ hawˇ-eu piˇ ma nui deuˬ-ahˇ aˬ yawꞈ kuˇ-awˇ ehˇ nehˬ-eu, “Aˬ jeˬ miˇ neh naw maꞈ Uˬ duˬ tahˬ nymˇ nymˇ ma maˬ laˆ saˆ muiˬ te. Aˬ kaˇ naˇ, naw maꞈ neh za-euˬ pyuˇ deuˬ-ahˇ naw maꞈ maˬ paˇ ya jeˬ hmˬ meh. Uˬ duˬ tahˬ nymˇ nymˇ ma laˆ saˆ nya ni, pyuˇ kʼoeˇ naw maꞈ ya a nehˬ meh.”

Eˇzaˬlaˬ 4:23

Leˬhamˬ hawˇ-eu Shmˇshehˆ aˬ nyaꞈ hawˇ-eu aˬ nyaꞈ-euˬ cawˬ deuˬ-ahˇ Aˬtaˬdzeuˬsehˆ neh boꞈ ahˇ laꞈ-euˬ sahˬ boꞈ kʼoeˇ taꞈ gui mehˬ nehˬ ngeh, aˬ yawꞈ maꞈ Yeˬluˇsaˬlehˬ meuˬ-ahˇ yaw kawˇ-ehˇ le-awˇ, Yuˇdaˆ tsawˇ haˬ deuˬ-ahˇ meuˬ maˬ paˇ bi tsoˆ muiˬ ni laˆ tsoeˬ-euˬ meh.

Neˬhaˬmiˇ 4:10

Yuˇdaˆ tsawˇ haˬ deuˬ heu loꞈ-ehˇ caˇ dawˬ tiˬ bymˇ caˇ-euˬ meh. 2 “Kʼaˆ behˆ baꞈ-eu maˬ gʼaˬ leˇ nya. 2 Meu lahˇ coˬ pyaˆ taˬ-awˇ jaˆ-eu, yaw cawˆ maˬ baꞈ dzeh jiˇ coeˇ nya. 2 Iˬ nah meuˬ lahˇ aˬ joˇ gawˬ nmˇ.”

Dawqdaq 22:13

Laꞈ nyiˇ doˆ-iˇ naˇ aˇ laˬ jaˬ shiˇ kawꞈ laˇ-a ehˇ-eu-aˬ, iˇ kahˇ jawˇ mawꞈ-eu yaw doeˇ-euˬ dawˬ meh.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Dawˬ tsoˆ 11:4

Jaˬ lehˇ pyawˬ tsaˬ gaˇ dawˬ-eu tsawˇ haˬ siˬ yoeˬ maˬ ya sehˬ-ehˇ, mˬ dmˇ dzeuˇ ni dawˬ-eu tsawˇ haˬ cehˇ maˬ ya yehˬ dzaˬ-a.

Dawˬ tsoˆ 3:3

Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Haˬgaiˇ 1:3

Kʼoeˇ naˇ, Miˬyehˇ gʼaˇ duˬ ngehˬ dah-eu Haˬgaiˇ-ahˇ gʼoe-awˇ, dawˬ heu deuˬ Sahˬpaˬ Miˬyehˇ biꞈ leꞈ-euˬ meh.

Bawˇtsahˬ 13:31

Ehˇ kʼawꞈ, Gaˬlehˆ nehˬ-ehˇ le-euˬ tsawˇ haˬ deuˬ ehˇ-eu, “Maˬ ngeuˇ-a. Aˬ yawꞈ maꞈ-ahˇ aˬ dui guiˇ maˬ deuˆ gʼaˬ nya-a. Kʼoeˇ gaˇ jawˇ-eu tsawˇ haˬ kʼoeˇ deuˬ, aˬ dui naˆ maˬ tseˇ gʼaˬ kʼaˆ dzehˬ-eu meh.”