Haˬgaiˇ 1:12 - Akha12 Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh. အခန်းကိုကြည့်ပါ။ |
Haˬgaiˇ 1:12
19 ပူးပေါင်းရင်းမြစ်များ
aˬ cawˬ tsawˇ jeuˬ-ahˇ sheuˬ-euˬ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Piˇ ma aˇ jeuˬ aˇ ca deuˬ laꞈ kʼoeˇ aˬ cawˬ tsawˇ jeuˬ-ahˇ sheuˬ-euˬ deuˬ-aˬ, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ mehˇ nmˇ deuˬ-euˬ zaˬ deuˬ uˆ deuˬ pyeuꞈ-eu Mawˇseˬyaˇ, Eˇliˇzaˬ, Yaˬliˆ hawˇ-eu, Geˬdaˬliˇ meh.
Aˬ yawꞈ nyaꞈ ehˇ-eu dawˬ-ahˇ Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu Yeˬhawˇzaˬdaˆ-euˬ aˬ li Yawˇshuˆ aˬ ha nyaꞈ ya gaˬ ngeh, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma tsoˆ muiˬ-eu gaˇ-ahˇ tiˬ poˆ paˇ dawꞈ leˇ-awˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ aˬ yawꞈ nyaꞈ-ahˇ caw ba nehˬ-euˬ meh.
Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.
Kʼoeˇ naˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ hawˇ-eu, Baˬbuˇloˬ miˇ kʼahˬ-ahˇ neh gʼoꞈ doˆ le-euˬ tsawˇ haˬ dawˬ tawˆ luꞈ-euˬ nui ma-ahˇ Sahˬpaˬ Miˬyehˇ ciˬ tuˇ nehˬ-awˇ, aˬ yawꞈ maꞈ dawˬ tawˆ luꞈ, aˬ yawꞈ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ-euˬ meh.
Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.
Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.
Kʼoeˇ loꞈ-ehˇ jahˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ ya gaˬ haw-euˬ naw maꞈ-euˬ zaˬ deuˬ uˆ deuˬ kʼawꞈ, ya gaˬ haw tehꞈ-a. Kʼoeˇ naˇ, Yawˇdaˬ lawˇ baˬ nui baˬ paw jaˆ-eu naw maꞈ jawˇ leˇ-eu lehˇ gʼeh-eu miˇ kʼahˬ-ahˇ aˬ yawꞈ maꞈ kʼaˇ jawˇ kʼoeˇ keuˆ ni, aˬ yawꞈ-euˬ ehˇ dawˬ-ahˇ ya naˇ haˬ geuꞈ-eu gaˇ kawˆ aˬ yawꞈ maꞈ siˬ nya laˇ tehꞈ-a.”
Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.
ကြော်ငြာတွေ