Haˬbaˬkuˆ 2:3 - Akha

³ Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Haˬbaˬkuˆ 2:3 ပူးပေါင်းရင်းမြစ်များ

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Yeˬsaˬgeˬlaˇ 12:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ-awˇ, ngaˬ neh kʼaˇ ehˇ-euˬ jeˬ maˬ nyi naˬ ni keuˆ le tehꞈ-a. Ngaˬ-ahˇ puiˬ-eu tsawˇ haˬ deuˬ-oˇ, ngaˬ neh jahˇ ma lehˇ ehˇ taˬ-euˬ jeˬ naw maꞈ maˬ shiˇ mi naˆ-ehˇ bi keuˆ le ma lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma.”

Jaceuq 102:13

Ziˇoˬ meuˬ-ahˇ gʼawˬ shaˬ gaˬ-eu aˇ yamˬ tsaˬ laˇ-euˬ meh. Nymˬ-mˇ aˇ yamˬ tsaˬ dui dui meh.

Daˬyeˬlaˇ 10:14

Aˬ kaˇ mehˬ hu paw nawˬ-euˬ tsawˇ jeuˬ kʼoeˇ taˆ aˬ joˆ-ehˇ pyeuꞈ laˇ-eu gaˇ kawˆ nawˇ gʼoˆ shaw nya ni ngaˇ ja mehˬ le-euˬ ma. Heu-aˬ, aˬ kaˇ mehˬ hu paw pyeuꞈ laˇ-eu gaˇ kawˆ-ahˇ taꞈ leˇ-eu yaw sahˇ laꞈ kʼoeˇ ya siˬ ya mawˇ-eu jeˬ meh.”

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Gʼaˬkʼehˇ 1:7

Aˬ yawꞈ maꞈ-ahˇ Yeˬsuˇ ehˇ nehˬ-eu, “Aˇ yamˬ aˇ law-ahˇ ngaˬ Da-euˬ baoˬ neh toꞈ taˬ gʼaˬ jiˇ-euˬ meh. Naw maꞈ siˬ nya-eu maˬ loˬ-a.

Daˬyeˬlaˇ 8:19

Aˬ yawꞈ ehˇ-eu, “Miˬyehˇ nui ma pehˇ-eu jeˬ aˬ joˆ-ehˇ gʼeh laˇ nga lehˇ nawˬ-ahˇ ngaˇ mehˬ nehˬ nyaˇ. Nawˬ neh ya siˬ ya mawˇ-euˬ heu-aˬ, aˇ saˬ saˬ-eu aˇ nah aˇ yamˬ-ahˇ taꞈ leˇ-eu meh.

Gaˬlaˬtiˆ 4:2

Aˬ da gʼaˬ neh ehˇ taˬ-euˬ aˇ yamˬ maˬ keuˆ laˇ kʼoeˇ keuˆ ni, aˬ yawꞈ-ahˇ bo saˆ-eu deuˬ hawˇ-eu aˬ yawꞈ-euˬ gaˇ mˇ dah nehˬ-eu deuˬ ya bi jawˇ-eu meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

2 Sahˬpaˬ 6:33

Aˬ yawꞈ kʼoeˇ loꞈ-ehˇ ehˇ gʼaˬ-eu maˬ dah ni, sahˬ paˬ oe keuˆ-awˇ ehˇ-eu, “Nga maꞈ kʼoeˇ taˆ shaˬ-eu zahˬ-eu heu bi keuˆ le-euˬ gʼaˬ Sahˬpaˬ Miˬyehˇ meh loˇ. Aˬ yawꞈ tiˬ jeˬ paˬ jahˇ nehˬ laꞈ gaˇ ngaˇ dawˬ dawˬ-ehˇ maˬ paˇ jawˇ ma.”

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Yeˬsaˬgeˬlaˇ 30:9

“Aˇ nah kʼoeˇ nah keuˆ le-awˇ, Iˇjiˇtuˆ miˇ kʼahˬ cawˆ-iˇ ngeh, saˇ baoˬ laꞈ kʼoeˇ ngaˇ tsawˇ haˬ pyehˬ gʼeh-awˇ, saˇ lehˆ ni jawˇ luꞈ-eu Suˬdaˬ miˇ kʼahˬ-ahˇ gaˇ kawˆ bi dzawˇ gaˬ-iˇ-awˇ, guˆ-eu laꞈ kʼoeˇ bi luiˬ gʼa laˇ ma. Ngaˇ kʼoeˇ loꞈ-ehˇ jahˇ-eu aˇ nah keuˆ le luꞈ meh.”