Gawˇlawˇsehˇ 4:6 - Akha

⁶ Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawmaf ngaeq-eu dawqdeuq, aqmyanluf guiqlanq yawdzanr byan-awr, saqdeuf dawvkuir taq-euq lof-aer, aqsur ghaq-anr aqjox-aer ngaeqkhof naeq-eu tsaq nga laer siqnya-awr ngaeq-awq.

Gawˇlawˇsehˇ 4:6 ပူးပေါင်းရင်းမြစ်များ

1 Laˬsaˬbaˬ 16:24

Yawꞈ-euˬ yaw shehꞈ kʼahˬ sehˇ huiˬ-eu, tsawˇ jeuˬ dawˬ tawˆ-ahˇ dzawˇ nehˬ-awˇ, Yawꞈ neh mˇ-euˬ huiˬ-eu gaˇ deuˬ, tsawˇ haˬ dawˬ tawˆ-ahˇ ja mehˬ yawˬ.

Jaceuq 105:2

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ, aˬ cawˬ-ahˇ dzawˇ nehˬ-awˬ.

Jaceuq 119:13

Nawˬ neh biꞈ laꞈ-euˬ zahˇ dawˬ kʼoꞈ dawˬ dawˬ tawˆ luꞈ, ngaˇ gui poˆ poˆ ma.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Jaceuq 45:2

Kʼaˬ dzeˇ zaˬ dawˬ tawˆ luꞈ laꞈ kʼoeˇ, nawˇ aˬ cawˬ naˆ maˬ tseˇ seuˆ jeuꞈ aˇ gʼehˇ muiˬ-eu meh. Nawˇ dawˬ sahˇ dui dui-awˇ, Miˬyehˇ nawˬ-ahˇ aˬ myah luꞈ guiˬ lahˬ biꞈ-eu meh.

Jaceuq 66:16

Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.

Dawqdaq 15:4

Dawˬ muiˬ maˬ shiˇ jaˆ gʼaˬ. Dawˬ doeˇ shaˆ shiˇ mehˬ dzaˬ.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawˬ tsoˆ 10:12

Tsawˇ gahˇ ahˇ-eu tsawˇ haˬ-euˬ dawˬ yawˬ ha-euˬ myaˆ pyawˬ naˇ mehˇ laˆ saˆ-awˇ, aˬ dzawˬ aˇ gah-euˬ dawˬ yawˬ ha-ahˇ daˬ laˆ ga-eu meh.

Yeˬsaˬgeˬlaˇ 43:24

Jeˬ zaˬ kʼoeˇ nyiˬ mawˇ ngaˬ-euˬ mehˬ shi nawˇ ya yuˇ laꞈ meh. Piˇ ma deuˬ jeˬ zaˬ kʼoeˇ nyiˬ mawˇ-ahˇ saˬ deuꞈ byaˆ-awˇ, miˬ dzaˬ dzah puiˆ-awˇ lawˇ-eu jeˬ ngaˬ-ahˇ ya lawˇ meh.

Uˬ duˬ 2:13

Dzaˬ la gʼo cehˇ lawˇ-eu aˬ geu poˆ maˬ kaˬ, saˬ deuꞈ ya dawˆ meh. Aˬ jeˬ miˇ neh ehˇ naˇ, saˬ deuꞈ-aˬ, naw maꞈ hawˇ-eu Miˬyehˇ-euˬ yaw kaˬ-ahˇ jaˆ-eu dawˬ ma saˇ jaˇ-euˬ dah zaˇ pyeuꞈ-eu meh. Naw maꞈ kʼaˇ lawˇ kʼaˇ shehˇ-eu jeˬ dawˬ tawˆ luꞈ laꞈ kʼoeˇ, saˬ deuꞈ ya bi keuˬ meh.

Maꞈtehˬ 5:13

“Naw maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ saˬ deuꞈ pyeuꞈ-eu meh. Ehˇ kʼawꞈ, saˬ deuꞈ kʼoeˇ saˬ ca taˆ-eu byoˆ-iˇ naˇ, aˬ joˆ-ehˇ paˇ taˆ laˇ nya nmˇ. Miˇ tsa tahˬ dzeh-awˇ, tsawˇ haˬ nawˬ nawˬ-ehˇ bi cah-eu uˬ taꞈ, aˬ jeˬ gaˇ dahˇ paˇ tsoeˬ nmˇ.

Maˬkuˆ 9:50

“Saˬ deuꞈ-aˬ, yaw muiˬ meh. Ehˇ kʼawꞈ, saˬ ca taˆ-eu byoˆ-iˇ naˇ, saˬ ca paˇ taˆ laˇ ni nawˇ aˬ joꞈ-ehˇ paˇ jahˇ nya nmˇ. “Naw maꞈ laꞈ kʼoeˇ cawˬ cawˬ taꞈ-eu saˬ deuꞈ saˬ ca bi ahˇ-awˇ, tiˬ gʼaˬ tiˇ gʼaˬ tsaˬ leˇ dzoeˇ leˇ-eu laꞈ kʼoeˇ dehꞈ-awˬ.”

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Dawˬmehˬ 11:19

Naw maꞈ-euˬ zaˬ deuˬ-ahˇ zahˇ dawˬ kʼoꞈ dawˬ kʼoeˇ deuˬ mehˬ nehˬ tsoˆ nehˬ-awˬ. Naw maꞈ iˇ kahˇ jawˇ ngeh maˬ ehˇ, gaˇ mahˇ kaˬ gaˇ iˇ ngeh maˬ ehˇ, gʼaˬ naˬ naˬ ngeh maˬ ehˇ, gaˇ mˇ ngeh maˬ ehˇ, zahˇ dawˬ kʼoꞈ dawˬ gaˇ kawˆ ja uˇ ja uˇ-ehˇ jawˇ-awˬ.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.