Gawˇlawˇsehˇ 3:7 - Akha

⁷ Dzeuˇ laˇ ngeh, nui kʼahˇ kʼoeˇ deuˬ naw maꞈ-ahˇ uˆ gʼaˬ taˬ ngeh, naw maꞈ kʼoeˇ loꞈ-ehˇ dehꞈ dzeuˇ jawˇ dzeuˇ yaꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Dzeurlaf ngae, nawmaf khawf heudeuq-euq lafkhoer daef-awr, heudeuq-anr mrhaw sharhaw-euq mae.

Gawˇlawˇsehˇ 3:7 ပူးပေါင်းရင်းမြစ်များ

Lormav 7:5

Aˬ jeˬ miˇ neh ehˇ naˇ, aˬ dui shiˬ shaˬ jiˇ-euˬ nui noeˬ dehꞈ luꞈ ngeh, Zahˇ dawˬ kʼoꞈ dawˬ baˬ da neh iˬ baˇ mˇ mawꞈ-eu nui kʼahˇ aˬ duiˬ-euˬ gʼawˇ mawˇ laꞈ kʼoeˇ gaˇ mˇ luꞈ-awˇ, aˬ dui kʼaˇ mˇ kʼaˇ shaˇ-euˬ yawˬ jeˬ na luꞈ shiˇ-eu jeˬ-ahˇ aˇ saˬ saˬ leˇ-eu meh.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Gawˇlawˇsehˇ 2:13

Yaw beh naw maꞈ Yuˇdaˆ tsawˇ haˬ maˬ ngeuˇ-eu uˬ taꞈ, Zahˇ dawˬ kʼoꞈ dawˬ maˬ jaˆ-eu baˬ da neh maˬ ehˇ, naw maꞈ-euˬ iˬ baˇ baˬ da neh maˬ ehˇ, saꞈ laˇ shiˇ taˬ-euˬ gaˇ duˇ-eu meh. Ehˇ kʼawꞈ, nymˬ-mˇ-aˬ, Miˬyehˇ neh naw maꞈ-ahˇ Ka li nehˬ-ehˇ bi dehꞈ laˇ-euˬ meh. Aˬ dui-euˬ iˬ baˇ dawˬ tawˆ luꞈ-ahˇ Miˬyehˇ pyehˬ nehˬ laꞈ-euˬ meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.