Gawˇlawˇsehˇ 3:23 - Akha

²³ Aˬ geu jeˬ mˇ-eu maˬ kaˬ, tsawˇ haˬ zaˬ gʼaˇ duˬ mˇ-eu loꞈ-ehˇ maˬ ngeuˇ ni, Sahˬpaˬ Yeˬsuˇ gʼaˇ duˬ mˇ-eu loꞈ-ehˇ nui ma keuˆ-awˇ mˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Nawmaf kharmr kharshar-eu aqgeu jeq maqkaq, tsawrhaq-anr mrnaeq-eu maqngeur-eu, Sanqpaq Miqyaer-anr mrnaeq-eu lof-aer nuima keuv-awr mr-awq.

Gawˇlawˇsehˇ 3:23 ပူးပေါင်းရင်းမြစ်များ

2 Laˬsaˬbaˬ 31:21

Uˬ duˬ tahˬ nymˇ nymˇ ma gʼaˇ duˬ mˇ-eu paw maˬ ehˇ, zahˇ dawˬ kʼoꞈ dawˬ mehˬ nah caw teh-eu paw maˬ ehˇ, aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ Miˬyehˇ-ahˇ saˇ jaˇ ziꞈ-awˇ aˬ yawꞈ nui ma tsaˬ-eu loꞈ-ehˇ tehꞈ-ehˇ mˇ-euˬ miˇ neh, aˬ yawꞈ neh mˇ-euˬ gaˇ deuˬ huiˬ laˇ mahˇ laˇ-euˬ meh.

Jaceuq 103:1

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ muiˬ-eu shawˇ-eu tsawˇ myahˇ-ahˇ ja ceuˬ-awˬ.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:145

Nui ma laꞈ kʼoeˇ keuˆ ni nawˬ-ahˇ ngaˇ kuˇ-eu ma. Sahˬpaˬ Miˬyehˇ-oˇ, ngaˬ-euˬ dawˬ-ahˇ naˇ haˬ nehˬ laꞈ. Nawˬ-euˬ dawˬ-ahˇ ngaˇ naˇ haˬ-eu ma.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maꞈtehˬ 6:16

“Naw maꞈ maˬ dzaˬ-eu zahˇ jahˇ ngeh, aˬ cawˬ bi mawˇ-eu gʼaˇ duˬ jahˇ-eu tsawˇ haˬ deuˬ loꞈ-ehˇ, myaˆ pyawˬ nyoeˬ kʼeuˇ ni taˬ gʼeh. Aˬ yawꞈ maꞈ maˬ dzaˬ ni dzahˬ luꞈ gaˇ aˬ cawˬ haw siˬ nya ni, myaˆ pyawˬ ciˇ jawꞈ ni jawˇ-eu meh. Ngaˇ maˇ jawˆ ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ-eu meh.

Lormav 14:6

Aˇ nah tiˬ nah na-ahˇ lah-eu daw-eu tsawˇ haˬ-aˬ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ lah-eu daw-eu meh. Yawˬ jeˬ na luꞈ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ dzaˬ-eu meh. Aˬ jeˬ miˇ neh ehˇ naˇ, aˬ yawꞈ Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ-eu meh. Yawˬ jeˬ na luꞈ maˬ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu miˇ neh maˬ dzaˬ-eu meh. Kʼoeˇ-euˬ gʼaˇ duˬ Sahˬpaˬ miˬyehˇ-euˬ guiˬ lahˬ-ahˇ aˬ yawꞈ ja ceuˬ-eu meh.

Lormav 14:8

Aˬ dui ya dehꞈ naˇ, Sahˬpaˬ Miˬyehˇ gʼaˇ duˬ dehꞈ-eu jeˬ pyeuꞈ-awˇ, ya shiˇ naˇ, Sahˬpaˬ Miˬyehˇ gʼaˇ duˬ shiˇ-eu jeˬ pyeuꞈ-eu ma. Kʼoeˇ miˇ neh aˬ dui-aˬ, dehꞈ-eu maˬ ehˇ, shiˇ-eu maˬ ehˇ, Sahˬpaˬ Miˬyehˇ-euˬ pyeuꞈ-eu ma.

Eˇpeˇsu 5:22

Miˬ zaˬ deuˬ-oˇ, Sahˬpaˬ Yeˬsuˇ-euˬ ehˇ dawˬ naˇ haˬ-eu loꞈ-ehˇ, yawˬ ha kʼaˬ dzeˇ zaˬ-euˬ ehˇ dawˬ naˇ haˬ-awˬ.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

1 Beˬtuˆluˆ 2:13

Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, miˇ kʼahˬ sahˬpaˬ sahˬ ma dawˬ tawˆ luꞈ-euˬ laꞈ oˆ dehꞈ-awˬ. Miˇ kʼahˬ sahˬ paˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ pyeuꞈ-eu Gehˇsaˬ sahˬ paˬ-euˬ ehˇ dawˬ-ahˇ maˬ ehˇ,

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.