Gawˇlawˇsehˇ 3:10 - Akha

¹⁰ Nui ma yaw shuiꞈ-ahˇ naw maꞈ dm paˇ gʼaˬ-euˬ meh. Heu-aˬ, Beh-euˬ yaw sahˇ pyeuꞈ-eu Miˬyehˇ-ahˇ naw maꞈ tiˬ byah tiˬ loꞈ bi siˬ nya laˇ-eu gʼaˇ duˬ, aˬ yawꞈ-euˬ aˇ gʼehˇ-ahˇ duˇ laˇ ni aˬ myah luꞈ yaw shuiꞈ bi paˇ laˇ luꞈ-eu tsawˇ haˬ yaw shuiꞈ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ tsawrhaq yawshuif dmdav-euq mae. Yawshuif khoerghaq-aq, aqyawf-anr bae-euq ghaq-euq shaevdzeuf lof-aer bi durlarni, siqnya-eu tsawrganr bi lavshuif-euq mae.

Gawˇlawˇsehˇ 3:10 ပူးပေါင်းရင်းမြစ်များ

Aˇ dahˬ 5:1

Heu-aˬ, Aˬdaˬ-ahˇ neh dehꞈ ka leꞈ-euˬ tsuiꞈ pyeuꞈ-eu meh. Tsawˇ haˬ zaˬ-ahˇ Miˬyehˇ beh ngeh, aˬ yawꞈ-ahˇ duˇ ni beh-euˬ meh.

Yawˇbaˆ 29:14

Ngaˇ aˬ myah luꞈ yaw tsaˬ yaw dawˇ dawˇ-ehˇ dehꞈ-awˇ,

Jaceuq 51:10

Miˬyehˇ-oˇ, ngaˬ-ahˇ shawˇ jehˆ ni gʼeh-eu nui ma tiˬ siˬ beh ahˇ nehˬ laꞈ. Nawˬ-ahˇ saˇ jaˇ ziꞈ-eu nui loˆ bi ahˇ laꞈ.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Yeˬsaˬgeˬlaˇ 11:19

Aˬ yawꞈ maꞈ-ahˇ ngaˇ nui ma saꞈ laˇ yaw shuiꞈ biꞈ paˇ nehˬ ma. Kʼaˬ lo loꞈ-ehˇ gʼahˇ-eu aˬ yawꞈ maꞈ-euˬ nui ma ngaˇ yuˇ dzeh-awˇ, shaˬ jiˇ loꞈ-ehˇ nahˬ-eu nui ma dawˆ paˇ nehˬ ma.

Yeˬsaˬgeˬlaˇ 18:31

Naw maꞈ kʼaˇ mˇ kʼaˇ shaˇ luꞈ-eu yaw haiˬ jeˬ byehˇ dzeh jiˇ-awˇ, nui ma yaw shuiꞈ paˇ-awˬ. Naw maꞈ Iˇsaˬleˬlaˆ tsawˇ haˬ deuˬ aˬ jeˬ miˇ neh shiˇ mawꞈ-eu nya.

Yeˬsaˬgeˬlaˇ 36:26

Naw maꞈ-ahˇ nui ma saꞈ laˇ yaw shuiꞈ biꞈ nehˬ ma. Gʼahˇ dui dui-eu naw maꞈ-euˬ kʼaˬ lo nui ma yuˇ dzeh-awˇ, naˇ haˬ geuꞈ-eu nui ma biꞈ paˇ nehˬ ma.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 6:4

Aˬ dui iˇ cuꞈ shawˇ-euˬ baˬ da neh aˬ yawꞈ nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, a yawꞈ shiˇ-euˬ gaˇ taꞈ-eu ma. Kʼoeˇ-aˬ, Aˬda Miˬyehˇ-euˬ yaw shehꞈ kʼahˬ sehˇ huiˬ-eu baoˬ neh Ka li-ahˇ bi gʼoꞈ dehꞈ laˇ-euˬ loꞈ-ehˇ, aˬ dui kʼawꞈ yaw shuiꞈ dehꞈ paˇ nya-eu gʼaˇ duˬ pyeuꞈ-eu ma.

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 4:16

Heu miˇ neh, nga maꞈ-euˬ nui ma tiˬ jawˇ-iˬ gʼaˬ maˬ baˬ. Nga maꞈ-euˬ shiˬ shaˬ jiˇ gʼawˇ mawˇ tiˬ jawˇ saˇ-iˬ tiˬ jawˇ teˬ le byoˆ le luꞈ kʼawꞈ, nga maꞈ-euˬ saꞈ laˇ gʼawˇ mawˇ tiˬ nah saˇ-iˬ tiˬ nah gʼaˬ yaw shuiꞈ za luꞈ ma.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Gaˬlaˬtiˆ 3:27

Naw maꞈ Ka li laꞈ kʼoeˇ iˇ cuꞈ kʼaˇ shawˇ-euˬ deuˬ-aˬ, mehˬ tsoeˬ dm-eu loꞈ-ehˇ Ka li-ahˇ dm taˬ-euˬ gaˇ duˇ meh.

Gaˬlaˬtiˆ 6:15

Baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, huiˬ-eu gaˇ kawˆ maˬ ngeuˇ-a. Tsawˇ haˬ yaw shuiꞈ pyeuꞈ laˇ-eu tehꞈ-ehˇ huiˬ dui dui-eu gaˇ kawˆ pyeuꞈ-eu meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Eˇpeˇsu 2:15

Tsawˇ jeuˬ heu nyiˬ jeuˬ-ahˇ aˬ yawꞈ laꞈ kʼoeˇ tsawˇ jeuˬ yaw shuiꞈ tiˬ jeuˬ tehꞈ-ehˇ bi pyeuꞈ laˇ-eu gʼaˇ duˬ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ aˬ yawꞈ laˆ byoˆ-euˬ meh. Kʼoeˇ loꞈ-ehˇ mˇ-awˇ, tsaˬ leˇ dzoeˇ leˇ-eu jeˬ bi keuˆ le-euˬ meh.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

Gawˇlawˇsehˇ 3:14

Heu deuˬ dawˬ tawˆ luꞈ mˇ-euˬ kʼoeˇ taˆ gʼoeˇ-eu gaˬ-eu jeˬ bi jaˆ-awˬ. Gʼoeˇ-eu gaˬ-eu jeˬ-aˬ, dawˬ tawˆ luꞈ tiˬ gaˇ taꞈ leˇ jiˇ ni gahˇ dzahˬ-eu meh.

Piˇleˇmoˬ 1:6

Nawˇ hawˇ-eu nga maꞈ yaw kaˬ jah-eu laꞈ kʼoeˇ cawˬ cawˬ taꞈ-eu heu-aˬ, Ka li laꞈ kʼoeˇ za-euˬ guiˬ lahˬ yawˬ jeˬ na luꞈ-ahˇ aˬ dui siˬ nya dzehˬ laˇ-eu gʼaˇ duˬ pyeuꞈ ni ngaˇ guiˬ lahˬ shaˇ-eu ma.

HeˬByehˇ 6:6

Kʼoeˇ sawˇ miˇ tsa, jah-eu jeˬ-ahˇ aˬ yawꞈ maꞈ byehˇ dzeh-euˬ meh. Iˬ baˇ noeˬ poˆ-eu tsahˇ-ahˇ aˬ yawꞈ maꞈ-ahˇ paˇ bi gʼoꞈ poˆ laˇ-eu gʼaˇ duˬ maˬ paˇ awˬ meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-euˬ Zaˬmaˇ-ahˇ laꞈ yaꞈ kʼoeˇ taˆ paˇ taꞈ tehˬ poˆ-awˇ, miˇ kʼahˬ zaˬ mehˬ shi paˇ bi shaꞈ dawˇ poˆ-eu jeˬ mˇ luꞈ-eu meh.

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.

1 Yoˇhaˬ 2:5

Ehˇ kʼawꞈ, Miˬyehˇ-euˬ ehˇ dawˬ kʼaˇ naˇ haˬ geuꞈ-eu tsawˇ haˬ-aˬ, aˬ yawꞈ-euˬ laꞈ kʼoeˇ Miˬyehˇ-ahˇ gaˬ-eu jeˬ byah laˇ gʼaˬ-euˬ meh. Kʼoeˇ loꞈ-ehˇ naˇ haˬ geuꞈ-eu laꞈ kʼoeˇ, aˬ dui aˬ yawꞈ laꞈ kʼoeˇ jawˇ-eu tsawˇ haˬ pyeuꞈ-eu gaˇ kawˆ yaw duˬ yaw ciˇ baw-eu meh.

Panmaeq 21:5

Kʼoeˇ naˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, yawˬ jeˬ na luꞈ ngaˬ neh yaw shuiꞈ jahˇ paˇ jiˇ-euˬ ma.” Aˬ yawꞈ ngaˬ-ahˇ paˇ ehˇ-eu, “Heu loꞈ-ehˇ boꞈ ahˇ taˬ-awˬ. Aˬ jeˬ miˇ neh ehˇ naˇ, dawˬ heu deuˬ tsaˬ dui dui-awˇ jah paˬ-ehˇ gʼeh dui dui-eu meh.”