Gawˇlawˇsehˇ 2:20 - Akha

²⁰ Naw maꞈ Ka li nehˬ-ehˇ shiˇ-awˇ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ-euˬ laꞈ-ahˇ ya buˬ ya law-iˇ-euˬ meh. Toˆ-ehˇ ngeuˇ naˇ, aˬ jeˬ miˇ neh naw maꞈ miˇ tsaˬ heu-ahˇ taꞈ-eu tsawˇ haˬ loꞈ-ehˇ dehꞈ te. Aˬ jeˬ miˇ neh naw maꞈ zahˇ sahˇ kʼoꞈ heu deuˬ-ahˇ caw teh-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nawmaf, Kali naeq-aer shir-awr, mirtsaq-euq zanrsanrkhof heudeuq-anr nae ghawq-ir dzeur-euq ngeur nar-aq, aqjeq mirnae mirtsaq-anr taf-eu lof-aer par daefluf-eu le? Nawmaf zanrtaq khoftaq heudeuq-euq uqmov jawrluf-eu le siq laq?

Gawˇlawˇsehˇ 2:20 ပူးပေါင်းရင်းမြစ်များ

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

2 Gawˇliˬtu 10:3

Nga maꞈ-aˬ, miˇ tsaˬ kʼoeˇ taˆ jawˇ luꞈ-eu tsawˇ haˬ ngeuˇ ma. Ehˇ kʼawꞈ, miˇ tsaˬ shiˬ shaˬ jiˇ-ahˇ taꞈ-eu guiˇ deuˆ luꞈ-eu maˬ ngeuˇ.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Eˇpeˇsu 2:15

Tsawˇ jeuˬ heu nyiˬ jeuˬ-ahˇ aˬ yawꞈ laꞈ kʼoeˇ tsawˇ jeuˬ yaw shuiꞈ tiˬ jeuˬ tehꞈ-ehˇ bi pyeuꞈ laˇ-eu gʼaˇ duˬ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ aˬ yawꞈ laˆ byoˆ-euˬ meh. Kʼoeˇ loꞈ-ehˇ mˇ-awˇ, tsaˬ leˇ dzoeˇ leˇ-eu jeˬ bi keuˆ le-euˬ meh.

Gawˇlawˇsehˇ 2:14

Aˬ dui-euˬ dziˇ dzoˆ boꞈ ahˇ taˬ-euˬ sahˬ gʼaˬ hawˇ-eu dziˇ dzoˆ ya tsoeˬ-eu zahˇ sahˇ kʼoꞈ dawˬ tawˆ luꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ duiˬ-euˬ dziˇ dzoˆ aˬ yawꞈ laˆ byoˆ nehˬ laꞈ-euˬ meh.

Gawˇlawˇsehˇ 2:16

Kʼoeˇ miˇ neh, naw maꞈ dzaˬ-eu dawˇ-eu gaˇ kawˆ maˬ ehˇ, nah lah lah-eu gaˇ kawˆ maˬ ehˇ, la loˆ la tsehˆ lah-eu gaˇ kawˆ maˬ ehˇ, Jawˇ nah tawˬ-eu gaˇ kawˆ maˬ ehˇ, tsawˇ haˬ tiˬ gʼaˬ neh-iˬ naw maꞈ gʼaˇ duˬ zahˇ sahˇ kʼoꞈ taˬ bi taˬ.

Gawˇlawˇsehˇ 2:21

“Dzaˇ heu jeˬ-ahˇ taˬ yuˇ,” “Dzaˇ heu jeˬ-ahˇ taˬ myeuꞈ haw,” “Dzaˇ kʼoeˇ jeˬ-ahˇ toeˬ-eu tehꞈ-ehˇ kʼawꞈ taˬ toeˬ ciˆ” lehˇ ehˇ gaˇ naw maꞈ naˇ haˬ te.

Gawˇlawˇsehˇ 2:8

Tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ luꞈ-eu gaˇ dahˇ maˬ tsoeˬ-eu jaˬ myawꞈ kʼoeˇ deuˬ-euˬ zaˬ kʼaˆ maˬ ya geuꞈ ni yahˇ-awˬ. Kʼoeˇ-aˬ, Yeˬsuˇ Ka li laꞈ kʼoeˇ doˆ le-euˬ jeˬ maˬ ngeuˇ-a. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ-euˬ laꞈ-ahˇ neh, tsawˇ haˬ zaˬ neh tiˬ ziˇ saˇ-iˬ tiˬ ziˇ tawˬ ka leꞈ-euˬ mehˬ-eu tsoˆ-eu jeˬ pyeuꞈ-eu meh.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.