Gawˇlawˇsehˇ 2:14 - Akha

¹⁴ Aˬ dui-euˬ dziˇ dzoˆ boꞈ ahˇ taˬ-euˬ sahˬ gʼaˬ hawˇ-eu dziˇ dzoˆ ya tsoeˬ-eu zahˇ sahˇ kʼoꞈ dawˬ tawˆ luꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ duiˬ-euˬ dziˇ dzoˆ aˬ yawꞈ laˆ byoˆ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqdui-anr muir-awr coeqlar-eu, aqlaf nae boftaq-euq zanrtaq khoftaq-anr sivbyov dzae-eu laer aqyawf yurdov ghae-awr, lafyaq-euq khoertav taftaeq-euq mae.

Gawˇlawˇsehˇ 2:14 ပူးပေါင်းရင်းမြစ်များ

Neˬhaˬmiˇ 4:5

Meuˬ meuˬ lahˇ gawˬ muiˬ luꞈ-eu nga maꞈ-ahˇ aˬ yawꞈ maꞈ yehˬ bawˬ sehˇ lu-ehˇ ehˇ-eu miˇ neh, aˬ yawꞈ maꞈ neh mˇ-euˬ yaw haiˬ jeˬ hawˇ-eu aˬ yawꞈ maꞈ-euˬ iˬ baˇ-ahˇ taˬ pyehˬ nehˬ.”

Iˇsaˬtaˆ 3:12

Kʼoeˇ naˇ, ba la yaw beh siˬ tseˇ smˬ nah-ahˇ, sahˬ paˬ-euˬ sahˬ boꞈ boꞈ-eu tsawˇ haˬ deuˬ-ahˇ Haˬmaˬ kuˇ uiˬ-awˇ, aˬ yawꞈ neh kʼaˇ ehˇ-euˬ loꞈ-ehˇ bi boꞈ-awˇ, miˇ kʼahˬ kʼoeˇ kʼahˬ laꞈ kʼoeˇ kʼaˇ ngehˬ luꞈ-eu tsawˇ jeuˬ aˬ yawꞈ jeuˬ yawꞈ-euˬ dawˬ-ahˇ neh paˇ bi boꞈ doˆ jiˇ-awˇ, miˇ kʼahˬ-ahˇ uˆ lahˇ-eu deuˬ hawˇ-eu yaw huiˬ yaw mahˇ dawˬ tawˆ luꞈ-ahˇ bi biꞈ ha doe-iˇ-euˬ meh. Sahˬ boꞈ kʼoeˇ-ahˇ sahˬ paˬ Dzeuˬsehˆ-euˬ tsawˇ myahˇ zmˬ-awˇ boꞈ-eu laꞈ kʼoeˇ, sahˬ paˬ-euˬ laꞈ behˬ neh jmˬ diˬ taˬ-euˬ meh.

Iˇsaˬtaˆ 8:8

Ehˇ kʼawꞈ, sahˬ paˬ-euˬ jmˬ diˬ-awˇ sahˬ paˬ-euˬ tsawˇ myahˇ-ahˇ gʼoe-eu laꞈ kʼoeˇ miˇ kʼahˬ-ahˇ bi gaˬ doe taˬ-euˬ gaˇ kawˆ tiˬ hmˬ-ahˇ-aˬ, maˬ paˇ laˆ paˇ nya meh. Ehˇ kʼawꞈ, naw nyaꞈ ngaˬ-euˬ tsawˇ myahˇ-ahˇ gʼoe-awˇ ngaˬ-euˬ jmˬ diˬ-eu laꞈ kʼoeˇ Yuˇdaˆ tsawˇ haˬ deuˬ-ahˇ kʼaˇ boꞈ nehˬ mawꞈ-eu jeˬ boꞈ nehˬ-awˬ.”

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Jaceuq 51:9

Ngaˬ-euˬ iˬ baˇ-ahˇ maˬ haw ni nawˇ myaˆ nuiˆ miˆ tehˬ-awˇ, yaw lehˬ jeˬ dawˬ tawˆ luꞈ-ahˇ yuˇ dzeh nehˬ laꞈ-awˬ.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 57:14

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ ngaˇ jawˇ gaˇ gʼoꞈ laˇ-eu gʼaˇ duˬ, gaˇ jawˬ lehˬ hmˬ laˆ saˆ dahˇ-awˇ, gaˇ ma-ahˇ tsoeˬ-eu jeˬ yuˇ dzeh jiˇ-awˬ.

Bawˇtsahˬ 5:23

Kamˬ taˬ-eu dawˬ kʼoeˇ deuˬ sahˬ boꞈ laꞈ kʼoeˇ piˇ ma gʼaˬ boꞈ ahˇ-awˇ, iˇ cuꞈ yaw kʼaˬ ahˇ-eu naˬ bo laꞈ kʼoeˇ ya lehˬ tsiˬ ahˇ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Gawˇlawˇsehˇ 2:20

Naw maꞈ Ka li nehˬ-ehˇ shiˇ-awˇ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ-euˬ laꞈ-ahˇ ya buˬ ya law-iˇ-euˬ meh. Toˆ-ehˇ ngeuˇ naˇ, aˬ jeˬ miˇ neh naw maꞈ miˇ tsaˬ heu-ahˇ taꞈ-eu tsawˇ haˬ loꞈ-ehˇ dehꞈ te. Aˬ jeˬ miˇ neh naw maꞈ zahˇ sahˇ kʼoꞈ heu deuˬ-ahˇ caw teh-awˇ,

2 Teˇsaˬloˇni 2:7

Yaw haiˬ jeˬ kʼoeˇ-aˬ, nymˬ-mˇ mi naˆ-ehˇ gaˇ mˇ luꞈ-eu meh. Pyeuꞈ laˇ-eu lehˇ bymˬ luꞈ-eu kʼoeˇ-ahˇ laˆ tsoeˬ taˬ-euˬ gʼaˬ-ahˇ Miˬyehˇ maˬ yuˇ dzeh kʼoeˇ keuˆ ni maˬ pyeuꞈ doˆ laˇ nya-aˇ.

HeˬByehˇ 7:18

Zahˇ sahˇ kʼoꞈ yaw oeˇ kʼoeˇ-aˬ, gʼaˬ baˬ-awˇ gaˇ dahˇ maˬ tsoeˬ-eu miˇ neh, maˬ zmˬ ni bi jaˆ-euˬ meh.

HeˬByehˇ 8:13

Dawˬ ma saˇ jaˇ yaw shuiꞈ gaˇ kawˆ Miˬyehˇ ehˇ-eu laꞈ kʼoeˇ, yaw beh dzaˬ taˬ-euˬ dawˬ ma saˇ jaˇ kʼoeˇ hmˬ bi oeˇ-iˇ-euˬ meh. Myahˇ laˇ-awˇ oeˇ-iˇ-euˬ jeˬ-aˬ, gʼawˬ myahˇ maˬ gʼeh-ehˇ piˬ-iˇ byoˆ-iˇ tehꞈ-a.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.