Gawˇlawˇsehˇ 1:8 - Akha

⁸ Yaw sahˇ Miˬyehˇ neh naw maꞈ-ahˇ biꞈ-euˬ gʼoeˇ-eu gaˬ-eu jeˬ gaˇ kawˆ, nga maꞈ-ahˇ aˬ yawꞈ dzawˇ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Muiq-eu Saflar baqda’nae nawmaf, nga’maf-anr gaqluf-eu garkawv aqyawf ja’naeq laf-euq mae.

Gawˇlawˇsehˇ 1:8 ပူးပေါင်းရင်းမြစ်များ

Maˬkuˆ 4:22

Kʼaˇ zaꞈ taˬ-euˬ yawˬ jeˬ na luꞈ bya cehˆ ni gʼeh gaˇ yuˇ doˆ laꞈ-awˇ, kʼaˇ dehˬ kaˬ taˬ-euˬ yaw jeˬ na luꞈ bya cehˆ ni pah dzeh nehˬ tehꞈ-a.

Lormav 15:30

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li hawˇ-eu Yaw sahˇ Miˬyehˇ neh biꞈ leꞈ-euˬ gʼoeˇ-eu gaˬ-eu jeˬ baˬ da neh ngaˇ naw maꞈ-ahˇ heu loꞈ-ehˇ shaˇ-eu ma. Ngaˬ-euˬ gʼaˇ duˬ ngaˬ nehˬ-ehˇ Miˬyehˇ-ahˇ guiˬ lahˬ caw shaˇ nehˬ laꞈ-awˬ.

Lormav 5:5

Kʼoeˇ loꞈ-ehˇ noeˬ tmˬ-eu jeˬ jaˆ laˇ-euˬ baˬ da neh, nui ma cawˆ kʼaˇ maˬ paˇ za meh. Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ laꞈ sawˬ pyeuꞈ-eu Muiˬ-eu Shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ aˬ dui-euˬ nui maˬ laꞈ kʼoeˇ shehˆ ahˇ nehˬ laꞈ-euˬ ba da neh meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gawˇlawˇsehˇ 1:4

Aˬ jeˬ miˇ neh ehˇ naˇ, naw maꞈ Yeˬsuˇ Ka li-ahˇ jah luꞈ-eu gaˇ kawˆ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ naw maꞈ gʼoeˇ luꞈ gaˬ luꞈ-eu gaˇ kawˆ nga maꞈ ya gaˬ-euˬ ma.

2 Tiˆmoˇseˬ 1:7

Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.