Gawˇlawˇsehˇ 1:23 - Akha

²³ Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Gawˇlawˇsehˇ 1:23 ပူးပေါင်းရင်းမြစ်များ

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Ngoeˇ dawˬ 3:66

Nui ma pehˇ-eu laꞈ kʼoeˇ teh-awˇ, mˬ heu siˬ-euˬ uˬ moˆ yawꞈ maꞈ, tiˬ gʼaˬ-iˬ maˬ bi dzeuˇ-iˇ ni, Sahˬpaˬ Miˬyehˇ nawˇ jahˇ nehˬ-awˬ.

Yeˬsaˬgeˬlaˇ 18:26

Yaw tsaˬ yaw dawˇ tsawˇ haˬ tiˬ gʼaˬ yaw tsaˬ yaw dawˇ jeˬ maˬ mˇ ni byehˇ-awˇ, yaw haiˬ jeˬ mˇ-awˇ shiˇ naˇ, aˬ yawꞈ neh mˇ-euˬ yaw haiˬ jeˬ baˬ da neh ya shiˇ-eu jeˬ pyeuꞈ-eu meh.

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 6:48

Aˬ yawꞈ-aˬ, yaw naꞈ naꞈ-ehˇ kʼahˬ-awˇ, kʼaˬ lo kʼoeˇ taˆ ziꞈ dah ni maˇ-awˇ tsoˆ-euˬ nymˇ tsoˆ-eu tsawˇ haˬ-ahˇ duˇ-eu meh. Iˇ jeuˬ jeuˬ le-awˇ nymˇ kʼoeˇ nymˇ-ahˇ ciˬ tahˬ ciˬ tuˆ kʼawꞈ, ziꞈ dah ni tsoˆ taˬ-euˬ miˇ neh, maˬ luˆ maˬ laˆ laˇ-a.

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Gʼaˬkʼehˇ 1:17

Yuˇdaˆ-aˬ, aˬ dui-euˬ aˇ muˇ laꞈ kʼoeˇ uˇ-eu tsawˇ haˬ tiˬ gʼaˬ meh. Aˬ jeˬ miˇ neh ehˇ naˇ, aˬ dui nehˬ-ehˇ gaˇ mˇ-eu gʼaˇ duˬ aˬ yawꞈ-ahˇ tseˇ doˆ taˬ-euˬ meh.”

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 2:5

Kʼoeˇ ngeh, miˇ tsaˬ kʼoeˇ taˆ jaˆ-eu miˇ kʼahˬ yawˬ kʼahˬ na luꞈ-ahˇ neh uiˬ laˇ taˬ-euˬ Miˬyehˇ-ahˇ yaw zeu baw dui dui-eu Yuˇdaˆ tsawˇ haˬ deuˬ, Yeˬluˇsaˬlehˬ meuˬ laꞈ kʼoeˇ jawˇ luꞈ-eu meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 26:16

Tuˇ-awˇ gawˬ yawꞈ yawꞈ-awˬ. Nawˬ-ahˇ ngaˬ-euˬ gaˇ bi mˇ-eu lehˇ, nawˬ-euˬ mehˬ shi ngaˇ doˆ le-euˬ ma. Iˬ nah ngaˬ-ahˇ nawˇ ya mawˇ-euˬ gaˇ kawˆ heu hawˇ-eu, mehˬ hu paw ngaˬ neh nawˬ-ahˇ bi mawˇ-euˬ gaˇ kawˆ deuˬ, aˬ cawˬ-ahˇ nawˇ ya dzawˇ mehˬ nehˬ meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Lormav 10:18

Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.”

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Lormav 5:5

Kʼoeˇ loꞈ-ehˇ noeˬ tmˬ-eu jeˬ jaˆ laˇ-euˬ baˬ da neh, nui ma cawˆ kʼaˇ maˬ paˇ za meh. Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ laꞈ sawˬ pyeuꞈ-eu Muiˬ-eu Shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ aˬ dui-euˬ nui maˬ laꞈ kʼoeˇ shehˆ ahˇ nehˬ laꞈ-euˬ ba da neh meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 11:23

Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 4:1

Miˬyehˇ gʼawˬ shaˬ gaˬ-eu laꞈ kʼoeˇ nga maꞈ-ahˇ gaˇ heu bi mˇ laꞈ-euˬ miˇ neh, nga maꞈ-euˬ nui ma gʼaˬ maˬ baˬ.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Gaˬlaˬtiˆ 4:11

Naw maꞈ gʼaˇ duˬ ngaˬ neh kʼaˇ mˇ kʼaˇ shaˇ-euˬ jeˬ yawꞈ ngehꞈ-ehˇ pyeuꞈ jiˇ gaˇ kʼahˬ lahˇ dui dui nya.

Gaˬlaˬtiˆ 5:5

Nga maꞈ law nmˇ-aˬ, nga maꞈ-euˬ jah-eu jeˬ laꞈ kʼoeˇ Yaw sahˇ Miˬyehˇ-euˬ baoˬ gaˇ mˇ-eu baˬ da neh Miˬyehˇ-ahˇ tsaˬ leˇ tsahˇ leˇ nya gaˇ noeˬ tmˬ kʼaˇ za ma.

Gaˬlaˬtiˆ 5:7

Dzeuˇ laˇ ngeh naw maꞈ yaw muiˬ paˬ-ehˇ mˇ luꞈ shaˇ luꞈ-eu meh. Yaw tsaˬ yaw dawˇ jeˬ-ahˇ naw maꞈ maˬ naˇ haˬ geuꞈ ni aˬ suˇ gʼaˬ laˆ tsoeˬ-euˬ ta.

Gaˬlaˬtiˆ 6:9

Kʼoeˇ miˇ neh, gʼaˬ byehˆ maˬ byehˆ ni yaw muiˬ jeˬ mˇ kaˇ-euˇ. Aˬ dui nui ma maˬ cawˆ naˇ, aˇ yamˬ keuˆ laˇ ngeh ya yehˬ tehꞈ-a.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

Eˇpeˇsu 2:21

Aˬ yawꞈ-aˬ, nymˇ nymˇ lah-ehˇ tiˬ gaˇ gʼeu tawꞈ-awˇ, Sahˬpaˬ Miˬyehˇ-ahˇ a nehˬ-euˬ muiˬ-eu shawˇ-eu uˬ duˬ tahˬ nymˇ bi pyeuꞈ laˇ-euˬ kʼaˬ lo tsaˬ byaˆ kʼoeˇ siˬ pyeuꞈ-eu meh.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

Eˇpeˇsu 4:16

Uˬ duˬ kʼoeˇ siˬ uˆ lahˇ-eu uˬ moˆ gʼawˇ mawˇ aˇ sehˇ dawˬ tawˆ luꞈ tiˬ gaˇ tsaˬ leˇ-awˇ, uˬ duˬ-ahˇ gʼaˬ yuˇ taˬ-euˬ yoeˬ tsuiꞈ yoeˬ laꞈ deuˬ neh tiˬ sehˇ tiˇ sehˇ tsoꞈ tsaꞈ jiˇ taˬ-euˬ meh. Aˇ sehˇ aˬ yawꞈ sehˇ yawꞈ yawˬ ha-euˬ gaˇ mˇ ngeh, gʼawˇ mawˇ mawˇ lah-ehˇ huiˬ laˇ-awˇ, gʼoeˇ-eu gaˬ-eu jeˬ laꞈ kʼoeˇ gʼaˬ kʼaˆ dzehˬ laˇ-eu meh.

Dawˬmehˬ 2:25

Iˬ nah neh aˇ dahˬ beh-awˇ, yawˬ gaˇ na luꞈ aˬ cawˬ naw maꞈ-ahˇ guˆ ni ngaˇ jahˇ ma. Naw maꞈ-euˬ tsawˇ myahˇ ya gaˬ-euˬ tehꞈ-ehˇ kʼawꞈ, tsawˇ haˬ yaw gʼaˬ na luꞈ yaw dzuˬ dzuˬ tehꞈ-a’ lehˇ ehˇ-eu meh.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

Gawˇlawˇsehˇ 1:25

Ngaˇ-aˬ, Ka li zaˬ aˇ muˇ-euˬ zaˬ kʼaˆ geuꞈ-eu gʼaˇ duˬ Miˬyehˇ neh kʼehˇ taˬ-euˬ tsawˇ haˬ ma. Naw maꞈ gʼaˇ duˬ muiˬ ni aˬ yawꞈ ngaˬ-ahˇ gaˇ heu hmˬ bi mˇ laꞈ-euˬ meh. Gaˇ heu-aˬ, aˬ yawꞈ-euˬ dawˬ tiˬ byah tiˬ loꞈ ja mehˬ-eu gʼaˇ duˬ pyeuꞈ-eu meh.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

1 Teˇsaˬloˇni 3:3

Kʼehˬ-eu kʼaˆ-eu heu jeˬ baˬ da neh jah-eu jeˬ-ahˇ naw maꞈ maˬ ya byehˇ dzeh-eu gʼaˇ duˬ bi laˇ-euˬ ma. Kʼehˬ-eu kʼaˆ-eu jeˬ-ahˇ aˬ dui ya daˬ-eu heu-aˬ, Miˬyehˇ nui ma tsaˬ-eu tiˬ jehˬ meh lehˇ naw maꞈ siˬ nya meh.

1 Teˇsaˬloˇni 3:5

Kʼoeˇ baˬ da neh, Tiˆmoˇseˬ-ahˇ ngaˇ kʼehˇ gʼeh laꞈ-euˬ jeˬ pyeuꞈ-eu ma. Ngaˇ naw maꞈ-euˬ gaˇ kawˆ siˬ mawꞈ-eu maˬ jawˇ tehˬ coˇ ni pyeuꞈ laˇ-euˬ miˇ neh, naw maꞈ jah-eu aˬ joˆ-ehˇ pyeuꞈ luꞈ-eu bi haw laˇ-eu lehˇ, aˬ yawꞈ-ahˇ kʼehˇ gʼeh laꞈ-euˬ ma. Nehꞈ sahˬ paˬ naw maꞈ-ahˇ muˇ juˇ juˇ-awˇ, nga maꞈ neh mˇ yaꞈ-euˬ gaˇ deuˬ yawꞈ ngehꞈ-ehˇ pyeuꞈ-iˇ-eu baw le lehˇ ngaˇ kʼahˬ lahˇ dui dui luꞈ ma.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.

2 Teˇsaˬloˇni 2:16

Aˬ dui-euˬ Sahˬpaˬ Yeˬsuˇ Ka li hawˇ-eu, aˬ myah luꞈ nui ma kʼaˬ duˬ ni gʼeh-awˇ noeˬ tmˬ-eu jeˬ laꞈ kʼoeˇ ziꞈ nya-eu guiˬ lahˬ yaw dzahˇ biꞈ laꞈ-eu gʼaˬ pyeuꞈ-eu aˬ dui-ahˇ gaˬ-eu Aˬda Miˬyehˇ,

1 Tiˆmoˇseˬ 1:12

Ngaˇ gaˇ mˇ nya ni gʼaˬ biꞈ nehˬ laꞈ-euˬ gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ-ahˇ ja ceuˬ-eu ma. Aˬ yawꞈ-euˬ gaˇ mˇ-eu tsawˇ haˬ lehˇ sawˇ-awˇ bi mˇ bi shaˇ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ngaˇ ja ceuˬ-eu ma.

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Tiˇtuˆ 3:7

Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

HeˬByehˇ 10:38

Ehˇ kʼawꞈ tsaˬ-eu dawˇ-eu tsawˇ haˬ, jah-eu baˬ da neh dehꞈ tehꞈ-a. Aˬ yawꞈ ngaˬ-ahˇ byehˇ dzeh laꞈ naˇ, aˬ yawꞈ-ahˇ ngaˇ nui kʼahˇ maˬ shiˇ.”

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 6:19

Saˇ baoˬ maˬ bi luˆ-iˇ nya ni shmˇ kuˆ seuˬ seuˬ ma neh gʼeu tehˬ taˬ-euˬ loꞈ-ehˇ, aˬ dui dehꞈ-eu jeˬ maˬ poˆ maˬ paˇ laˇ nya ni, aˬ dui-euˬ noeˬ tmˬ-eu jeˬ kʼoeˇ aˬ dui-ahˇ ziꞈ dah ni bi jaˆ-eu meh. Noeˬ tmˬ-eu jeˬ kʼoeˇ aˬ dui-euˬ nui ma-ahˇ ziꞈ dah ni bi pyeuꞈ laˇ-awˇ, aˬ dui noeˬ tmˬ taˬ-euˬ gʼaˬ pyeuꞈ-eu Yeˬsuˇ-aˬ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma-ahˇ taw taˬ-euˬ saˬ paˇ lawˆ kaˬ le dzeuˇ-awˇ, muiˬ-eu shawˇ-eu jawˇ duˬ-ahˇ uˇ keuˆ leˇ-eu meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.