Gaˬlaˬtiˆ 6:9 - Akha

⁹ Kʼoeˇ miˇ neh, gʼaˬ byehˆ maˬ byehˆ ni yaw muiˬ jeˬ mˇ kaˇ-euˇ. Aˬ dui nui ma maˬ cawˆ naˇ, aˇ yamˬ keuˆ laˇ ngeh ya yehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, ghaqbyaev maqbyaevni yawmuiq jeq mr kar-eur. Aqdui nuima maqcawv nar-aq, aryamq tsaqlar ngae yayaeq taef-a.

Gaˬlaˬtiˆ 6:9 ပူးပေါင်းရင်းမြစ်များ

Aˇ dahˬ 29:7

“Nahˇ ma gʼawˬ mahˇ ni jaˆ nga siˬ tawˇ. Yawˇ teh kʼoꞈ-eu aˇ yamˬ maˬ tsaˬ laˇ ngaˬ siˬ. Iˇ cuˬ bi dawˇ gʼaˬ-awˇ paˇ bo-awˬ tawˇ” lehˇ, aˬ yawꞈ maꞈ-ahˇ Yaˬkoˆ ehˇ nehˬ-euˬ meh.

Jaceuq 104:27

Aˬ yawꞈ maꞈ mehꞈ ngeh bi dzaˬ bi dawˇ-eu gʼaˇ duˬ, dawˬ tawˆ luꞈ nawˬ-ahˇ tehꞈ-ehˇ gʼoe luꞈ-eu meh.

Jaceuq 126:5

Myaˆ biˇ yoeˇ-awˇ siˬ yoeˬ sehˬ-euˬ tsawˇ haˬ deuˬ, laˬ kʼaˬ cehˇ taˆ ni cehˇ ya yehˬ-eu guiˬ lahˬ biꞈ-awˬ.

Jaceuq 145:15

Yaw dehꞈ kʼaˇ dehꞈ-eu jeˬ dawˬ tawˆ luꞈ nawˬ-ahˇ noeˬ tmˬ luꞈ-awˇ, aˬ yawꞈ maꞈ kʼaˇ mehꞈ ngeh nawˇ bi dzaˬ bi dawˇ-eu meh.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawˬ tsoˆ 11:1

Aˬ cawˬ miˇ kʼahˬ-ahˇ jeˬ gaꞈ jeˬ ka mˇ taꞈ gaˇ nawˬ-euˬ pyuˇ gawꞈ taˬ-euˬ jaˆ naˇ, tiˬ nah jiˇ jeuˬ doˆ laˇ tehꞈ-a.

Yeˬlaˬmiˇ 45:3

‘Ngaˇ maˬ paˇ gʼeh nya miˇ-a. Ngaˬ-euˬ shaˬ zahˬ naꞈ dzehˬ laˇ ni Sahˬpaˬ Miˬyehˇ jahˇ-euˬ nga. Shaˬ zahˬ naꞈ-eu gʼaˬ doeˇ maˬ dah laˇ coeˇ miˇ-a’ lehˇ nawˇ ehˇ-eu meh.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Zeˬpaˬniˇ 3:16

Yeˬluˇsaˬlehˬ meuˬ-ahˇ aˬ cawˬ, heu loˇ ehˇ-eu tiˬ nah jaˆ meh. “Ziˇoˬ meuˬ-oˇ, taˬ guˆ taˬ gaˆ, nawˬ-euˬ aˬ laꞈ gʼaˬbyehˆ taˬbyehˆ.

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 24:13

Ehˇ kʼawꞈ, aˇ saˬ saˬ ngeh keuˆ ni kamˬ coeˇ-eu tsawˇ haˬ deuˬ ka kʼoꞈ-eu jeˬ za tehꞈ-a.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.

Maꞈtehˬ 9:19

Yeˬsuˇ tuˇ laˇ-awˇ, tsawˇ haˬ kʼoeˇ gʼaˬ-euˬ mehˬ nah caw teh gʼeh-euˬ meh. Aˬ yawꞈ-euˬ zaˬ lahˇ deuˬ kʼawꞈ, aˬ yawꞈ nehˬ-ehˇ iˇ-euˬ meh.

Maˬkuˆ 3:3

Aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Mehˬ shi paw doˆ laˇ-awˬ” lehˇ, Yeˬsuˇ ehˇ nehˬ-euˬ meh.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

2 Gawˇliˬtu 4:1

Miˬyehˇ gʼawˬ shaˬ gaˬ-eu laꞈ kʼoeˇ nga maꞈ-ahˇ gaˇ heu bi mˇ laꞈ-euˬ miˇ neh, nga maꞈ-euˬ nui ma gʼaˬ maˬ baˬ.

2 Gawˇliˬtu 4:16

Heu miˇ neh, nga maꞈ-euˬ nui ma tiˬ jawˇ-iˬ gʼaˬ maˬ baˬ. Nga maꞈ-euˬ shiˬ shaˬ jiˇ gʼawˇ mawˇ tiˬ jawˇ saˇ-iˬ tiˬ jawˇ teˬ le byoˆ le luꞈ kʼawꞈ, nga maꞈ-euˬ saꞈ laˇ gʼawˇ mawˇ tiˬ nah saˇ-iˬ tiˬ nah gʼaˬ yaw shuiꞈ za luꞈ ma.

2 Gawˇliˬtu 9:6

Ngaˇ ehˇ mawꞈ-eu-aˬ, heu loꞈ-ehˇ ma. Ui cuiˆ tehꞈ-ehˇ sehˬ-euˬ tsawˇ haˬ-aˬ, ui cuiˆ tehꞈ-ehˇ ya yehˬ tehꞈ-a. Gʼawˬ mya ni sehˬ-euˬ tsawˇ haˬ-aˬ, gʼawˬ mya ni ya yehˬ tehꞈ-a.

Eˇpeˇsu 3:13

Kʼoeˇ miˇ neh, naw maꞈ nui ma taˬ baˬ lehˇ ngaˇ shaˇ-eu ma. Aˬ jeˬ miˇ neh ehˇ naˇ, ngaˇ ya daˬ luꞈ-eu heu-aˬ, naw maꞈ-euˬ gʼaˇ duˬ ma. Naw maꞈ-euˬ yaw shehꞈ kʼahˬ sehˇ gʼaˇ duˬ daˬ luꞈ-eu ma.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

2 Teˇsaˬloˇni 3:13

Ehˇ kʼawꞈ aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, yaw muiˬ jeˬ mˇ-eu gʼaˬ byehˆ maˬ ya byehˆ-a.

HeˬByehˇ 12:3

Aˬ yawꞈ aˇ naˆ ni ya daˬ dzeuˇ yaꞈ-euˬ gaˇ shaˇ noeˬ haw sheˇ. Aˬ yawꞈ-ahˇ muiˇ-eu iˬ baˇ zaˬ deuˬ-euˬ laꞈ-ahˇ aˬ yawꞈ aˇ naˆ ni ya daˬ-euˬ nga. Kʼoeˇ miˇ neh, naw maꞈ nui ma baˬ-awˇ Miˬyehˇ-ahˇ jah-eu jeˬ-ahˇ taˬ byehˇ dzeh.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.

1 Beˬtuˆluˆ 3:17

Kʼehˬ-eu kʼaˆ-eu jeˬ-ahˇ naw maꞈ ya daˬ-eu-aˬ, Miˬyehˇ nui ma tsaˬ-eu jeˬ pyeuꞈ-eu ngeuˇ naˇ, maˬ muiˬ-eu jeˬ mˇ-awˇ ya daˬ-eu naˆ maˬ tseˇ, yaw muiˬ jeˬ mˇ-awˇ yaˬ daˬ-eu tsaˬ dzehˬ meh.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Panmaeq 2:3

Nawˇ nui ma gʼawˬ mahˇ ni taˬ-awˇ, ngaˬ-euˬ gʼaˇ duˬ shaˬ zahˬ gʼawˬ mya jeˬ daˬ-eu uˬ taꞈ, nui ma cawˆ-eu maˬ baw-a.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.