Gaˬlaˬtiˆ 6:10 - Akha

¹⁰ Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

Gaˬlaˬtiˆ 6:10 ပူးပေါင်းရင်းမြစ်များ

Jaceuq 37:27

Yaw haiˬbyehˇ-awˇ yaw muiˬmˇ-awˬ. mˬmaˬmaˬbyaˆzaˇziˇjiˇni, miˇkʼahˬheu kʼahˬnawˬ-ahˇoꞈmeh.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Dawqdaq 3:27

Nawˇ yaw muiˬ jeˬ mˇ nehˬ nya-eu yamˬ-ahˇ, yaw muiˬ jeˬ mˇ nehˬ paˬ-ehˇ gʼeh-eu tsawˇ haˬ deuˬ-ahˇ, yaw muiˬ jeˬ maˬ mˇ nehˬ ni taˬ byehˇ.

Dawˬ tsoˆ 3:12

Kʼoeˇ miˇ neh, yawˬ ha kʼaˇ dehꞈ kʼoeˇ keuˆ ni laˬ kʼaˬ cehˇ cehˇ-ehˇ dehꞈ-awˇ, kʼaˇ gʼeh nya-eu jeˬ leh jeh-awˇ mˇ-eu taꞈ-ehˇ maˬ paˇ jaˆ meh lehˇ, ngaˇ noeˬ duˬ taˬ-euˬ ma.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 5:43

“ ‘Yawˬ ha dawˬ peh jawˇ-eu tsawˇ haˬ-ahˇ gaˬ-awˇ, yawˬ ha-ahˇ muiˇ-eu tsawˇ haˬ-ahˇ muiˇ-awˬ’ lehˇ ehˇ taˬ-euˬ dawˬ naw maꞈ ya gaˬ-euˬ meh.

Maˬkuˆ 3:4

Kʼoeˇ naˇ, tsawˇ haˬ kʼoeˇ deuˬ-ahˇ aˬ yawꞈ naˇ haˬ-eu, “Jawˇ nah ngeh nah Zahˇ dawˬ kʼoꞈ dawˬ aˬ dui-ahˇ aˬ geu jeˬ bi mˇ laꞈ taˬ. Yaw muiˬ jeˬ bi mˇ laꞈ taˬ loˇ. Maˬ muiˬ-eu jeˬ bi maˇ laꞈ taˬ loˇ. Aˬ cawˬ-euˬ saꞈ laˇ-ahˇ ka kʼoꞈ-eu jeˬ bi mˇ laꞈ taˬ loˇ. Aˬ cawˬ-ahˇ sehꞈ-eu jeˬ bi mˇ laꞈ taˬ loˇ.” Ehˇ kʼawꞈ, tsawˇ haˬ kʼoeˇ deuˬ dawˬ maˬ tmˇ-a.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.

Gʼaˬkʼehˇ 6:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

2 Gawˇliˬtu 2:8

Kʼoeˇ miˇ neh, naw maꞈ aˬ yawꞈ-ahˇ maˇ maˇ ni gaˬ-eu gaˇ kawˆ bi siˬ-eu gʼaˇ duˬ, ngaˇ naw maꞈ-ahˇ shaˇ-eu ma.

Gaˬlaˬtiˆ 1:23

“Aˬ dui maꞈ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ kʼoeˇ gʼaˬ, yaw beh aˬ yawꞈ laˆ cawˆ-eu lehˇ leh jeh-euˬ jah-eu heu-euˬ gaˇ kawˆ dawˬ mehˬ mehˬ luꞈ meh jeˇ” lehˇ, aˬ cawˬ ja-eu ya gaˬ-euˬ tehꞈ-a siˬ.

Eˇpeˇsu 2:19

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu naw maꞈ-aˬ, boeˇ miˬ siˬ kʼaˬ-ahˇ duˇ-eu aˬ cawˬ tsawˇ jeuˬ maˬ paˇ ngeuˇ meh. Miˬyehˇ-euˬ tsawˇ haˬ deuˬ nehˬ-ehˇ miˇ kʼahˬ aˬ yawꞈ tiˬ kʼahˬ-ahˇ taꞈ-eu miˇ kʼahˬ zaˬ deuˬ pyeuꞈ laˇ-awˇ, Miˬyehˇ-euˬ nymˇ kʼahˬ zaˬ deuˬ pyeuꞈ laˇ-euˬ meh.

Eˇpeˇsu 3:15

Mˬ kʼoeˇ taˆ kʼaˇ jawˇ-eu tsawˇ paˬ tsawˇ ca deuˬ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ neh tsawˇ myahˇ biꞈ taˬ-euˬ meh.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Eˇpeˇsu 5:16

Naw maꞈ za-euˬ muiˬ-eu aˇ yamˬ-ahˇ gaˇ dahˇ tsoeˬ ni zmˬ-awˬ. Aˬ jeˬ miˇ neh ehˇ naˇ, aˇ nah aˇ yamˬ heu yamˬ-aˬ, haiˬ-eu aˇ yamˬ pyeuꞈ-eu meh.

Piˇliˇpiˆ 4:10

Aˇ yamˬ ui cuiˆ myahˇ laˇ ngeh naw maꞈ ngaˬ-ahˇ nui ma keuˆ gaˇ paˇ ya mawˇ-euˬ miˇ neh, Sahˬpaˬ Yeˬsuˇ laꞈ kʼoeˇ ngaˇ laˬ kʼaˬ cehˇ dui dui-eu ma. Naw maꞈ ngaˬ-ahˇ nui ma maˬ keuˆ-eu maˬ ngeuˇ-a. Naw maꞈ gʼaˇ duˬ aˇ yamˬ maˬ laˆ yehꞈ nya-eu miˇ neh meh lehˇ ngaˇ siˬ nya ma.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

3 Yoˇhaˬ 1:10

Teu miˇ neh ngaˇ laˇ naˇ, aˬ yawꞈ neh kʼaˇ mˇ kʼaˇ shaˇ-euˬ jeˬ-ahˇ ehˇ ma. Nga maꞈ-euˬ gaˇ kawˆ ja bu ja doeˇ-euˬ jeˬ hawˇ-eu aˬ yawꞈ neh jaˬ myawꞈ kʼaˇ myawꞈ-euˬ jeˬ dawˬ tawˆ luꞈ ehˇ ma. Kʼoeˇ naˆ tehꞈ maˬ ngeuˇ-a siˬ. Aˬ yuiꞈ a nyiˇ Ka li zaˬ deuˬ laˇ ngeh aˬ yawꞈ maˬ ha geuꞈ-euˬ uˬ taꞈ, kʼaˇ ha geuꞈ mawꞈ-eu tsawˇ haˬ deuˬ-ahˇ kʼawꞈ laˆ tsoeˬ-awˇ, Ka li zaˬ aˇ muˇ laꞈ kʼoeˇ neh teh doˆ-eu lehˇ leh jeh-eu meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.

3 Yoˇhaˬ 1:3

Nawˇ-aˬ, aˬ myah luꞈ yaw tsaˬ yaw dawˇ jeˬ laꞈ kʼoeˇ dehꞈ-eu tsawˇ haˬ pyeuꞈ-eu loꞈ-ehˇ, aˬ yuiꞈ aˬ nyiˇ Ka li zaˬ tiˬ paˆ na deuˬ ngaˇ jawˇ gaˇ oe keuˆ-awˇ, yaw tsaˬ yaw dawˇ jeˬ-ahˇ nawˇ aˇ naˆ ni saˇ jaˇ ziꞈ-eu gaˇ kawˆ ja mehˬ nehˬ laꞈ ngeh, ngaˇ la kʼaˬ cehˇ dui dui-eu ma.