Gaˬlaˬtiˆ 5:17 - Akha

¹⁷ Aˬ jeˬ miˇ neh ehˇ naˇ, shiˬ shaˬ jiˇ nui kʼahˇ-aˬ, Yaw sahˇ Miˬyehˇ-ahˇ maˬ tsaˬ leˇ-ehˇ, Yaw sahˇ Miˬyehˇ kʼawꞈ, shiˬ shaˬ jiˇ nui kʼahˇ-ahˇ maˬ tsaˬ leˇ-a. Heu nyiˬ jeˬ-aˬ, tiˬ jeˬ tiˇ jeˬ muiˇ-eu miˇ neh, naw maꞈ yawˬ ha mˇ mawꞈ-eu jeˬ maˬ mˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqjeq mirnae aernar-aq, shiqshaq-euq nuikhanr-aq, muiq-eu Saflar-anr lavtsoeq-awr, muiq-eu Saflar khawf, shiqshaq-euq nuikhanr-anr lavtsoeq-eu mae. Nawmaf mrmawf-eu jeq maq mrnya’ni, heu nyiq jeqluf tiqjeq tirjeq muir-eu mae.

Gaˬlaˬtiˆ 5:17 ပူးပေါင်းရင်းမြစ်များ

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

Jaceuq 119:133

Nawˬ neh saˇ jaˇ dzaˬ taˬ-eu loꞈ-ehˇ ngaˬ-ahˇ taˬ bi coˬ-iˇ laꞈ. Yaw haiˬ jeˬ ngaˬ-ahˇ taˬ bi gʼaˬ leˇ laꞈ.

Jaceuq 119:159

Nawˬ neh mehˬ nehˬ tsoˆ nehˬ-euˬ dawˬ-ahˇ ngaˇ aˇ naˆ ni gaˬ-eu nga lehˇ haw sheˇ. Nawˬ-euˬ gʼoeˇ-eu gaˬ-eu jeˬ maˬ paˇ laˇ-eu miˇ neh, ngaˬ-ahˇ ka kʼoꞈ nehˬ laꞈ.

Jaceuq 119:176

Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh-euˬ miˇ neh, byoˆ-iˇ-euˬ yawˇ zaˬ loꞈ-ehˇ gaˇ ma cah bahˬ-euˬ nawˬ-euˬ zaˬ kʼaˆ-ahˇ gʼawˬ shaˬ gaˬ-awˇ poˆ kʼoꞈ le nehˬ laꞈ.

Jaceuq 119:20

Nawˇ yaˇ kʼaˬ daˇ-euˬ jeˬ-ahˇ siˬ mawꞈ mawˇ mawꞈ-eu nui kʼahˇ, ngaˬ-euˬ nui ma laꞈ kʼoeˇ aˬ myah luꞈ jaˆ luꞈ ma.

Jaceuq 119:32

Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.

Jaceuq 119:35

Ngaˬ-euˬ laˬ kʼaˬ cehˇ duˬ zahˇ dawˬ kʼoꞈ dawˬ laꞈ kʼoeˇ jaˆ-eu miˇ neh, dawˬ kʼoeˇ deuˬ-ahˇ naˇ haˬ geuꞈ nya ni caw ba nehˬ laꞈ.

Jaceuq 119:40

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ mawꞈ-eu ma. Nawˬ-euˬ yaw tsaˬ yaw dawˇ jeˬ laꞈ kʼoeˇ ngaˇ yaw dehꞈ dehꞈ-eu yaw shuiꞈ beˬ paˇ nehˬ laꞈ.

Jaceuq 130:3

Nga maꞈ-euˬ iˬ baˇ-ahˇ nawˇ noeˬ taˬ naˇ, aˬ geu gʼaˬ dzeuˇ-iˇ nya nmˇ.

Jaceuq 65:3

Yawˬ ha-euˬ iˬ baˇ gaˇ kawˆ-ahˇ taꞈ leˇ-awˇ ya laˇ tehꞈ-a. Nga maꞈ-euˬ iˬ baˇ nga maꞈ-ahˇ gʼaˬ leˇ taˬ-euˬ kʼawꞈ, nawˇ iˬ baˇ pyehˬ nehˬ laꞈ-euˬ meh.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Maꞈtehˬ 12:30

“Ngaˇ jawˇ paw maˬ pyawˬ-eu tsawˇ haˬ-aˬ, ngaˬ-ahˇ muiˇ-eu tsawˇ haˬ meh. Ngaˬ nehˬ-ehˇ tiˬ kawˆ loꞈ-ehˇ maˬ gʼoˆ uiˬ maˬ gʼoˆ bymˇ-eu tsawˇ haˬ-aˬ, byaˆ dzeh-eu tsawˇ haˬ meh.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Maꞈtehˬ 26:41

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Luˇkaꞈ 22:33

Beˬtuˆluˆ ehˇ-eu, “Sahˬpaˬ-oˇ, nawˬ nehˬ-ehˇ paꞈ kuˆ-ahˇ tiˬ kawˆ loꞈ-ehˇ uˇ-awˇ tiˬ gaˇ shiˇ-eu gʼaˇ duˬ ngaˇ noeˬ tsehˆ taˬ-euˬ ma.”

Luˇkaꞈ 22:46

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ aˬ jeˬ miˇ neh yuꞈ kʼaˆ luꞈ te. Muˇ juˇ juˇ-eu mehˬ nah maˬ ya caw teh gʼeh ni, tuˇ-awˇ guiˬ lahˬ shaˇ-awˬ.”

Yoˇhaˬ 3:6

Tsawˇ haˬ tiˬ gʼaˬ-euˬ shiˬ shaˬ jiˇ gʼawˇ mawˇ-aˬ, aˬ da aˬ ma baˬ da neh dehꞈ le-euˬ jeˬ pyeuꞈ-eu meh. Ehˇ kʼawꞈ, aˬ yawꞈ-euˬ laꞈ kʼoeˇ ahˇ-eu yaw sahˇ-aˬ, Yaw sahˇ Miˬyehˇ baˬ da neh dehꞈ le-euˬ jeˬ pyeuꞈ-eu meh.

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.